Jeremia 14:19 - JAM DE NHIALIC 2011

¹⁹ Bɛ̈nydït cï Juda rɛɛc taitai? Man kɔc ke Dhiɔn? Eeŋö gëm Yïn wo bɔ̈ɔ̈tdïït cït ee kënë? Tëtök cïï wok duëër waar? Wok kɔɔr mät, ku acïn këpiɛth cï tuöl, wok ŋäth dem, ku ee riɔ̈ɔ̈cdït yen ee guɔ bɛ̈n.

Jeremia 14:19 ပူးပေါင်းရင်းမြစ်များ

2 Lëk 36:16

Gokï tuuc ke Nhialic dɔl gup, ku dhɛ̈lkï wëlkɛn lueelkï yiic, ku buikï tïtke gup, aɣët abï agönh de Bɛ̈nydït dït në kɔcke gup ku cïn luɔi bïï ë kɔc ban.

Jop 30:26

Ku yɛn cï këpiɛth ŋɔ̈ɔ̈th, ku go kërac bɛ̈n, ku ŋääth ɣɛɛr, ku bɔ̈ mɔ̈ɔ̈th.

Diɛt 78:59

Nhialic acï piɔ̈u diu wën tïŋ En en, go kɔcke rɛɛc taitai.

Diɛt 89:38

Ku yïn gɔ̈th wokë meliŋduön cï lɔc, acï nyääŋ piny, ku acï rɛɛc.

Kɛ̈ŋ 29:1

Raan ee cool ë jiëënyë yen ku cïï gäm, ee bɛ̈n dhuɔŋ ëthiäu ku acie bɛ piath anande.

Jeremia 12:7

Aye Bɛ̈nydït lueel an, “Yɛn cï Yithriɛl nyääŋ piny, Yɛn cï jurdiën cä lɔc rɛɛc. Yɛn cï kɔckiën nhiaar gam bï kɔc ke aterden ke tiam.

Jeremia 12:8

Kɔckiën cä lɔc acïk röt pɔ̈k Yɛn, cï köör tɔ̈u rooric, acïk ŋäär ke ke bëk Yɛn, ka Acä ke maan.

Jeremia 15:1

Na wën, go ë Bɛ̈nydït lɛ̈k ɛn an, “Acakaa Mothe kekë Thamwɛl kek ë läŋ Yɛn eenë, Yɛn cïï ee kɔckë duëër nyuöth kokëpiɔ̈u. Tɔ keek lɔ biic, tɔ keek jël ë Yanyin.

Jeremia 15:18

Eeŋö jan tɔ̈u ë nuanic? Eeŋö cïï kënë tëtöökkï waar? Eeŋö kën kek dem? Kɔɔr bä ya tɔ jeth piɔ̈u cï nyin ee dëu mɔ̈i?”

Jeremia 30:12

Aye Bɛ̈nydït lɛ̈k kɔcke an, “Tëtöökkun acïkï waar, bɔ̈ɔ̈tkun acïkï dem.

Jeremia 30:13

Acïn raan bï we kuɔny, acïn acuut ë biäk ë bɔ̈ɔ̈tkun, acïn aŋäth ë biäk bä wek dem.

Jeremia 51:5

Yɛn Nhialic, Bɛ̈nydït de rɛm, Yɛn kën Yithriɛl ku Juda nyääŋ piny, cakaa nɔn cï kek Yɛn luöi awäc, Yɛn Nhialic Ɣeric de Yithriɛl.

Jeremia 6:30

Abï keek aa cɔl kɔc cïn naamden, në biäk cän keek rɛɛc Yɛn Bɛ̈nydït.”

Jeremia 7:29

“Kɔc ke Jeruthalem dhiaukï, tɛmkï nhïmkun ku cuatkï keek wei. Kiɛtkï diɛt ke dhiëëu në kur nïïm, në biäk cän göth, Yɛn Bɛ̈nydït, ku Yɛn cï kɔckï rɛɛc.

Jeremia 8:15

Wok kɔɔr mät ku akööl ke dem, ku aa cïn naamde, ku riɔ̈ɔ̈cdït acï guɔ bɛ̈n.

Jeremia 8:22

Cïn wal ë baam nu ë Giliyad? Cïn akïm nu ëtɛ̈ɛ̈n? Ka eeŋö kën ë kɔckï tɔ waar?

Dhiëëu 2:13

Jeruthalem oou, Jeruthalemdiën nhiaar, eeŋö duɛ̈ɛ̈r lueel? Duɛ̈ɛ̈r yïn tɔ dut piɔ̈u adï? Acïn raan cï kɔn nuan cït man ee kënë? Riääk de nyan de Dhiɔn acïn pëk, acït wɛ̈ɛ̈r, acïn kuɔɔny thiɔ̈k bïï ë yï kony.

Dhiëëu 2:22

Yïn cï kɔc ke aterdï cɔɔl, cï kamaan bɔ̈ në dhuëëŋ de këcamic. Acïn raan cï bɛ̈n poth ee köölë, wën cï Yïn gɔ̈th. Acïk mïthkï nɔ̈k, mïthkiën cä muk ku nhiaarke.

Dhiëëu 4:17

Wok woi kuɔɔny cie bɛ̈n, wok cï daai abuk jɔ kɔ̈ɔ̈c në daai. Wok cï kuɔɔny tiit tëde jur cie kony.

Dhiëëu 5:22

Ku cï wo rɛɛc aɣet athɛɛr? Agönhdu ee kë cïn pëk?

Maika 1:12

Ku kɔc cieŋ Maaroth abïk köör ë kɔc luäk keek, në baŋ cï Bɛ̈nydït Jeruthalem riɔ̈ɔ̈k në kelɔ̈m tëthiɔ̈k.

1 Theth 5:3

Ku të lueel kek en an, “Piny arɛ̈ɛ̈r ëdïu, ku acïn riɔ̈ɔ̈c nu,” en a bï riääk ë kegup ëthiäu, cït man ë kɛ̈c cï tik käc, ku acïn kë duëër kek poth.