Jeremia 14:16 - JAM DE NHIALIC 2011

¹⁶ Ku kɔc cïk keek lɛ̈k ee jamë abïï keek nɔ̈k në ee kueerë aya. Gupken abïï keek cuat wei ë kuɛɛr ke Jeruthalem yiic, ku abï ciɛ̈n raan bï keek tɔ̈ɔ̈u. Kënë abï rɔt luöi keek kedhie. Diäärken ku wɛ̈ɛ̈tken, ku duetken, abä keek tɔ col karɛcken.”

Jeremia 14:16 ပူးပေါင်းရင်းမြစ်များ

Kɛ̈ŋ 1:31

Ku ënɔɔnë, wek bï kërɛɛc rɔ̈ŋ ke week jɔ yök. Ku kë ë luɔikï në cinkun abäk jɔ thiëëp thok.

Yith 51:20

Në aguuk ke kuɛɛr kedhie, kɔckun ayek wïïk në kɔ̈c cï kek kɔ̈c, acïk ciët ŋeer cï dɔm në wïn yëëp. Acïk riɛl de agönh ë Nhialic jɔ yök thok.

Yith 9:16

Kɔc wat kɔc acïk kɔc mɔ̈ɔ̈r taitai ku kɔc acïk nïïm mum.

Jeremia 16:4

Abïk thou në jɔɔk tuc thook, ku acïn raan bï keek dhiëëu ku cïn raan tɔ̈ɔ̈u keek. Gupken abïk dhɔt piny cï tiɔɔm awäi cï kut nɔm piny. Abïï keek nɔ̈k ë abätäu ku thoukï në cɔk, ku gupken abïk aa këcam de diɛt ku läi roor.

Jeremia 18:21

Ku ënɔɔnë Bɛ̈nydït, tɔ mïthken thou në cɔk, tɔ keek näk në abätäu. Tɔ diäär tɔ cïn nïïm röör ku mïth, tɔ röör thou në jɔk, ku tɔ dhuök näk ë tɔŋic.

Jeremia 20:6

Ku yïn Pacur, yïn bïï peec ku leerë yïn Babilonia. Ku yïn bï thou ku tɔ̈ɔ̈u yïn ëtɛ̈ɛ̈n, wekë määthku kedhie, määthkuön wään ye ke lɛ̈k mɛth juëc.’ ”

Jeremia 27:15

Acïï Bɛ̈nydït lueel nɔn cie yen ë toc keek, ku acaar lueth në rinkï. Ka yen abï we cuɔp wei, ku wek bï nɔ̈k, week në tït ee lueth caar.”

Jeremia 4:18

Juda, yïn cï ee kënë luöi rɔt yïtök në kueerduön ee yïn pïïr, ku në biäk de kakuön cï looi. Karɛcku acïk yïn tɔ nuan, acïk yïn gut piɔ̈u.

Jeremia 5:31

tït ee lueth ke yek lueel, bäny de kakë Nhialic ayek käŋ looi, ku jɔ tït keek aa yɔ̈ɔ̈k, ku kɔckï acïn kë yek rɛɛc. Ku eeŋö bïk looi të lee këriëëc ëbɛ̈n lɔ kɔ̈ɔ̈c?”

Jeremia 7:33

Ku gup ke kɔc cï thou abïk aa këcam de diɛt ku läi roor, ku acïn raan bï keek tuur.

Jeremia 8:1

“Në ee köölë yom ke meliik ke Juda ku yom ke bänyken, ku yom ke bäny de kakë Nhialic, ku yom ke tït ke Nhialic, ku yom ke kɔc ke Jeruthalem ëbɛ̈n, abïï keek wɛ̈t bei ë rɛ̈ŋken yiic.

Jeremia 8:2

Ku abïï keek thieth në akɔ̈l nɔm kekë pɛɛi ku në rem de paannhial nɔm ëbɛ̈n, kɔc cï keek nhiaar ku luuikï keek, ku kuanykï keek cök, kɔc cïk gam ku lamkï, acïï keek bïï määtiic ku cïï keek tɔ̈ɔ̈u, abïk ciët wär ke ɣɔ̈k piny.

Jeremia 9:20

Aguɔ lueel an, “Piɛŋkï kë lueel Bɛ̈nydït wek diäär, ku yak wëlke yökiic. Wɛ̈ɛ̈tkï duetkun ë dhiëëu, ku wɛ̈ɛ̈tkï määthkun ë diɛt ke dhiëëu.

Jeremia 9:22

Gup ke kɔc cï thou acïk wɛɛr piny ëbɛ̈n, cï kuut de tiɔɔm awäi domic, cï rɛɛp cï tem ku nyiëëŋ ë ke piny ë kɔc ee tem, rɛɛp cïn raan ee ke määt yiic. Kënë lëkë Bɛ̈nydït yɛn ka bä bɛ̈n lueel.”

Edhekiɛl 39:14

Na lɔ pɛ̈i kadhorou wan, kɔc abïï ke kuany bïk piny lɔ caath, në biäk bïï kek gup ke kɔc lee yök piny ke ke kënë tɔ̈ɔ̈u lɔ tɔ̈ɔ̈u, agokï piny jɔ tɔ piɛth.

Amoth 7:17

Ku ënɔɔnë, aye Bɛ̈nydït lueel an, ‘Tiiŋdu abï aa akɔɔrröör wutic, ku wɛ̈ɛ̈tku ku duet ku mïthku abïk wïïk në abätäu, ku Pinydu abï tek në awiɛi. Ku yïn bï lɔ thou piny ë kɔc kuc Nhialic. Ku kɔc ke Yithriɛl abïï keek peec pinyden leerë keek piny lei.’ ”

Math 15:14

Pälkï keek, ayek cöör thel cöör. Ku të thelë cɔɔr, cɔɔr ka bïk lööny ë adhumic keek kaarou.”

Nyuuth 16:1

Guɔ röl dïït ë raan piŋ, röl bɔ̈ bei luɛɛk, ayöök tuucnhial kadhorou, an, “Jälkï, lak luööŋkï ka nu ë guöl yiic ë piny nɔm, guöl ke agönh tuc ë Nhialic.