Jeremia 14:13 - JAM DE NHIALIC 2011

¹³ Aguɔ jɔ lueel an, “Bɛ̈nydït Awärjäŋ, aŋic nɔn ye tït e lɛ̈k keek an, acïn tɔŋ bï nu, ku acïn cɔŋ bï nu, në biäk cï Yïn gutguut lueel, aye lueel an, ee mät yen bï nu ë piny yic.”

Jeremia 14:13 ပူးပေါင်းရင်းမြစ်များ

Yith 56:10

Aye lueel an, “Bäny kedhie, wën ee kek duëër kɔckï aa jɔ̈ɔ̈ny, acïk cɔɔr! Acïn kë ŋickï. Acïtkï jɔ̈k ë piny tiit, ku cïkï ye biöu, ayek gäk ke ke dhɔt piny ku jɔkï ya nyuöth. Anhiaarkï nin aläl!

Jeremia 1:6

Guɔ pɔ̈k nɔm Yen an, “Bɛ̈nydït yɛn ee raan kuc jam ku yɛn koor.”

Jeremia 20:6

Ku yïn Pacur, yïn bïï peec ku leerë yïn Babilonia. Ku yïn bï thou ku tɔ̈ɔ̈u yïn ëtɛ̈ɛ̈n, wekë määthku kedhie, määthkuön wään ye ke lɛ̈k mɛth juëc.’ ”

Jeremia 23:17

Ayek lɛ̈k kɔc cï kë luɛɛl rɛɛc gam, ayek lueel an, käŋ abïk piath ëbɛ̈n tëde keek. Ku ayek lɛ̈k raan ril nɔm ëbɛ̈n an, riääk acïï bï bɛ̈n taitai.”

Jeremia 37:19

Eeŋö cï tuöl tëde tïtku, tït wään ee yïn yɔ̈ɔ̈k nɔn cïï melik de Babilonia yïn bï mak wekë wut?

Jeremia 4:10

Ku ja lueel an, “Bɛ̈nydït Awärjäŋ Yïn cï kɔc ke Jeruthalem math taitai, acï lueel an, abïk dɛk mät ku ee abätäu yen atɔ̈u në keröt.”

Jeremia 5:12

Kɔc ke Bɛ̈nydït acïk Yen rɛɛc, ku luelkï an, “Acïn kë bïï looi ë yic. Acïn nuɛɛn bï wo yök, acïn abätäu buk tïŋ, ayï cɔk.”

Jeremia 5:13

Tït abïk aa yom, acïn jam nu në ke yiic. Kë bïï luöi keek kï!

Jeremia 5:31

tït ee lueth ke yek lueel, bäny de kakë Nhialic ayek käŋ looi, ku jɔ tït keek aa yɔ̈ɔ̈k, ku kɔckï acïn kë yek rɛɛc. Ku eeŋö bïk looi të lee këriëëc ëbɛ̈n lɔ kɔ̈ɔ̈c?”

Jeremia 6:14

Ayek käŋ looi abï tëtöök ke kɔckï aa ciët piär tei. Ayek lueel an, ‘Acïn kërac,’ të cïn en këpiɛth nu.

Jeremia 8:11

Ayek käŋ looi abï tëtöök ke kɔckï ciët piär baaŋ. Ayek lueel an, ‘Käŋ apiɛthkï.’ Ku acïn kamit nu.

Edhekiɛl 12:24

“Abï ciën nyuuth lueth kɔ̈k bï nu baai de Yithriɛl, ku nɔn ee kek cäär ee kɔc möör.

Edhekiɛl 13:22

“Në luethkun wek cï kɔc piɛth tɔ riääk piɔ̈ɔ̈th, kɔc cä ke kɔɔr bïk piɔ̈ɔ̈th riääk. Yïn ee kɔc ee karɛc looi pɛ̈n puŋëpiɔ̈u agokï wëiken kony.

Maika 3:11

Bäny ke pänydït ayek wut mac në kumthok, ku wëët bänykɛn ke kake Nhialic kɔc në ariöp. Ku tïtken ayek cɔ̈ɔ̈r në wëu. Ku ŋootkï ke ke ye röt kan në Bɛ̈nydït, ku luelkï an, “Bɛ̈nydït atɔ̈u në woyiic, ka acïn kërɛɛc bï wo yök.

2 Pet 2:1

Ku tït aluɛth aake nu ë kɔc yiic ɣɔn, acït man bï kɔc aluɛth ë kɔc wɛ̈ɛ̈t nu ë weyiic, kɔc bï lööŋ ë wëët yalic bɛ̈ɛ̈i ëcuëër, lööŋ bï kɔc riɔ̈ɔ̈k piɔ̈ɔ̈th, arëk abïk Bɛ̈nydït cï ke wɛ̈ɛ̈r bei rɛɛc, agokï röt dap gɔ̈n riääk.