Jeremia 14:12 - JAM DE NHIALIC 2011

¹² Cakaa kek ë reec këcam, Yɛn cïï lɔ̈ŋden bï kɔɔr kek kuɔɔny bï piŋ, na cakaa kek ë gëm Yɛn miɔ̈c ye nyop ëbɛ̈n, ku nɔn ee miɔ̈c ë rap, Yɛn cïï piɔ̈u bï miɛt wo keek. Abä keek nɔ̈k ë abätäu, ku näk keek ë cɔk ku jɔɔk.”

Jeremia 14:12 ပူးပေါင်းရင်းမြစ်များ

Jop 27:9

Bï Nhialic kiɛɛuden piŋ të cïï riääk ke yök?

Kɛ̈ŋ 1:28

Ëtɛ̈ɛ̈n, wek bï ya jɔ aa cɔɔl an pɛlënɔm, ku acä bï bɛ piŋ. Wek bï ya kɔɔr në ɣääniic ëbɛ̈n, ku cäkï ya yök.

Kɛ̈ŋ 15:8

Miɔ̈c näk ye kɔc ee karɛc looi gam ee gök de kërɛɛc mɛɛn ë Bɛ̈nydït, ee lɔ̈ŋ de kɔc piɛth piɔ̈ɔ̈th yen anhiɛɛr.

Kɛ̈ŋ 21:27

Ka näk ye kɔc ee karɛc looi gam ee gök de kërac mɛɛn Bɛ̈nydït, ku ee jɔ rac arëët tëde yenic kiɛɛr rac.

Kɛ̈ŋ 28:9

Të cïï raan yeyïc pɛ̈n pïŋ de löŋ, ke lɔ̈ŋde ee gök de kërɛɛc mɛɛn Bɛ̈nydït.

Yith 58:3

Go kɔc thiëc an, “Eeŋö ye wok thek të cïï Bɛ̈nydït ye ŋic? Eeŋö ee wok mɔ̈l në cäm të cïï Bɛ̈nydït këda ee woi?” Aye Bɛ̈nydït lɛ̈k keek an, “Yic kï, të ya wek thek, wek ee lɔ ke we kɔɔr kake piɔ̈ɔ̈thkun, ku yak kɔc lui në week yɔŋ.

Jeremia 11:11

Ka ënɔɔnë, Yɛn Bɛ̈nydït, Ayɔ̈ɔ̈k keek nɔn bän riääk yiɛ̈n keek, ku acïkï bï ban. Ku të le kek lɔ dhiau, ke ke kɔɔr kuɔɔny tëde Yɛn, Yɛn cïï dhiënden bï piŋ.

Jeremia 11:14

Ka yïn Jeremia, du läŋ ë biäk ee kɔckë, ku du ya läŋ ë biäkden. Të le kek nuan lɔ yök ku cɔlkï Yɛn bä ke kony, Yɛn cïï bï piŋ.”

Jeremia 15:1

Na wën, go ë Bɛ̈nydït lɛ̈k ɛn an, “Acakaa Mothe kekë Thamwɛl kek ë läŋ Yɛn eenë, Yɛn cïï ee kɔckë duëër nyuöth kokëpiɔ̈u. Tɔ keek lɔ biic, tɔ keek jël ë Yanyin.

Jeremia 16:4

Abïk thou në jɔɔk tuc thook, ku acïn raan bï keek dhiëëu ku cïn raan tɔ̈ɔ̈u keek. Gupken abïk dhɔt piny cï tiɔɔm awäi cï kut nɔm piny. Abïï keek nɔ̈k ë abätäu ku thoukï në cɔk, ku gupken abïk aa këcam de diɛt ku läi roor.

Jeremia 21:6

Ku Yɛn bï ka pïïr ceŋ ee pänydïïtë nɔ̈k kedhie, kɔc ku läi, abïk thou kedhie ë jɔɔk tuc thook.

Jeremia 24:10

Yɛn bï tɔŋ bɛ̈ɛ̈i, ku cɔk, ku bɛ̈ɛ̈i jɔɔk në kegup, abïk riääk liŋliŋ abïï ciɛ̈n raan töŋ bï döŋ piny në keyiic, piny cä gäm keek në kuarken.”

Jeremia 32:24

“Ku kɔc ke Babilon acïk pänydït tuɔɔk cil ku akɔɔrkï bïk peec, ku amɛkkï ënɔɔnë. Tɔŋ, ku cɔk, ku jɔk abï pänydït tɔ lööny ë kecin. Aduëërë tïŋ kek ka wään cï lueel ëbɛ̈n acïk aa yic.

Jeremia 6:20

Eeŋö bï Ya tɔ diɛɛr në wal ŋïr yek bɛ̈ɛ̈i në Ceba, ku nɔn ee wal tum ye keek bɛ̈ɛ̈i piny mec? Yɛn cïï miɔ̈cdɛn ye nyop ëbɛ̈n bï gam ku cä piɔ̈u bï miɛt wo miɔ̈ckɛn näk.

Jeremia 8:13

“Yɛn kɔɔr bä kɔckï määt yiic, cït man ye raan de dom rap kut nïïm, ku acïk ciët tim de enap cïn nɔm mïth, ku cïtkï tim ë ŋaap cïn nɔm mïth, ayï yïthke acïk biɔɔr. Yeka cän kɔc lei tɔ nöm piny.”

Jeremia 9:16

Abä keek thiäi ë juööriic, juöör kënkï kɔn piŋ, ku kën ë kuarken ke kɔn piŋ, ku yɛn bï rem de tɔŋ tuöc keek agut të bïï ë keek riɔ̈ɔ̈k taitai.”

Edhekiɛl 14:19

“Na tuɔɔc jɔk ee pinyë, ku jat wëi ke kɔc juëc në agönhdï, näk kɔc ku läi,

Edhekiɛl 14:21

Kënë yen aye Bɛ̈nydït Awärjäŋ lueel an, “Yɛn bï karɛc kaŋuan tuɔɔc luöi yɛn Jeruthalem këtuc, tɔŋ, ku cɔk, ku läi roor, ku jɔɔk bï kɔc ku läi nɔ̈k athöŋ.

Edhekiɛl 8:18

Abïk riɛl de agönhdï yök ëbɛ̈n. Acä keek bï pɔ̈l, ku cä piɔ̈u bï kok wo keek. Abïk a lɔ̈ŋ aläl në awuɔɔu dït, ku yɛn cïï lɔ̈ŋden bï piŋ.”

Ɣodh 5:6

Ayek thökken lɛɛr, ku leerkï ɣɔ̈kkɛn lek keek näk Bɛ̈nydït, ku acïkï Bɛ̈nydït ee yök. Bɛ̈nydït ë rɔt miɛɛt wei në kelɔ̈m.

Amoth 5:21

Aye Bɛ̈nydït lueel an, “Yɛn man kueer ya wek dhuëŋ ke Nhialic looi. Acä kɔɔr bä amɛɛtkun tïŋ taitai.

Maika 3:4

Akööl abïkï, akööl bä wek Bɛ̈nydït aa cɔɔl, ku acïï cɔ̈tdun bï ya piŋ. Abï yenyin aa kuaak në week, në luɔi cä wek karɛc looi.

Dhek 7:13

Aye Bɛ̈nydït de rɛm lueel an, Në luɔi kën kek kë luɛɛl piŋ, lɔ̈ŋden akɛ̈n bɛ̈n piŋ ɣɔn ye kek lɔ̈ŋ.

Malakai 1:10

Ago Bɛ̈nydït de rɛm lueel an, “Cïn raan tök në weyiic, raan bï Luaŋdït thiöök thok, ago ciën many ë ɣɔ̈ric bï bɛ kooth në yïïŋdï nɔm? Yɛn cïï piɔ̈u mit wokë week, ku acïn miɔ̈cduön bä gam tëde week.

Malakai 2:13

Ku däŋ yak looi kï: wek ee yïïŋ ë Bɛ̈nydït mool nɔm në pïïu ke wenyïïn. Ku wek ee röt näk piny në dhiëëu ku kiɛɛu, në baŋ cïï Bɛ̈nydït miɔ̈cdun ee bɛ gam në miɛtëpiɔ̈u, ku cïnic këde thïn kekë miɔ̈cduön yak gam.

Nyuuth 6:8

Guɔ anyin jɔt, na wën, dï, ke jöŋgör kän linhakuur tul: ku rin ke raan rɛ̈ɛ̈r ë yekɔ̈u acɔlke Thuɔɔu, ku biɔth cök ë Paan ë kɔc cï Thou. Ku acï ke gäm riɛl ë biäk töŋ de piny nɔm biäk wën ee kek ŋuan, riɛl bï kek kɔc aa nɔ̈k ë abätäu, ku në cɔk, ku në jɔɔk, ku në läi rac ke piny nɔm.