Jeremia 13:27 - JAM DE NHIALIC 2011

²⁷ Acï week tïŋ ke we loi ka mɛɛn keek. Acï week tïŋ ke we kuany yiëth kɔ̈k cök ë kur nïïm ku ë duumiic, cït man ë mony cïï tiiŋ ë raan thiëëk kek diir, ku cït thɔn ë kɛɛu cop ŋun ë kɛɛu. Amawoou në week kɔc ke Jeruthalem, wek cï luöi këtuc, ee nɛn yen bä wek dikëdik?

Jeremia 13:27 ပူးပေါင်းရင်းမြစ်များ

Diɛt 94:4

Agut cï nɛn yen bï kɔc ee karɛc looi röt lɛɛc? Ayek röt leec në luɔi de karɛc.

Diɛt 94:8

Kɔckï, yak käŋ yökiic kɔc piɔl piɔ̈ɔ̈th, dhän ee nɛn yen bä wek pɛl?

Kɛ̈ŋ 1:22

“Amawoou në week wek kɔc piɔl piɔ̈ɔ̈th! Bäk pial ë piɔ̈u jɔ cuuth agut cï nɛn? Ku wek kɔc ee kɔc bui gup, bäk bui jɔ cuuth agut cï nɛn? Ku wek dhän wek man ŋïnydekäŋ.

Yith 57:7

Wek ee lɔ në kur bär nïïm bäk miɔc lɔ gam ku jakkï niin në diäär.

Yith 65:7

në biäk de awɛ̈ɛ̈cken, ku awɛ̈ɛ̈c ke kuarken. Acïk wal ŋïr nyop në kur ke yiëth nïïm, ku luelkï karɛc në biäkdï. Ka abä keek luöi këtuc rɔ̈ŋ ke kathɛɛr cïk looi.”

Jeremia 11:15

Aye Bɛ̈nydït lueel an, “Kɔckiën nhiaar aloikï karɛc. Ee yic ŋö nu tëde keek bï kek rëër ë ɣöndiën ë Bɛ̈nydït yic? Yek tak bïk riääk pëën, në luɔi ye kek gutguut lueel, ku në gɛm ye kek miɔ̈c näk de läi gam? Bï ee kënë keek tɔ mit piɔ̈ɔ̈th?

Jeremia 3:6

Ɣɔn ye Jothia melik, go ë Bɛ̈nydït lɛ̈k ɛn an, “Cï kë cïï Yithriɛl looi tïŋ, kë cïï tiiŋ cïn piɔ̈u adöt looi? Acï rɔt yal wei tëde Yɛn, acïn të kën en tɔ̈c ke röör thïn, në ee kurkë nïïm nhial, ayï tiim tɔ̈c thäär acï yen tɔ̈c ke röör.

Edhekiɛl 16:23

Acïï Bɛ̈nydït Awärjäŋ lueel an, “Amawoou, Amawoou në week, wek kɔc cï karɛckë looi ëbɛ̈n, ku

Edhekiɛl 2:10

Go ciin biöök petic, guɔ kë cï gɔ̈ɔ̈r tïŋ në biäk kedhie, dhiëëu, ku dhuöör ku amawoou acï ke gɔ̈ɔ̈r ëtɛ̈ɛ̈n.

Edhekiɛl 20:28

Acä ke bɛ̈ɛ̈i piny wään cän gutguut lueel an bä gäm keek. Na wën tïŋ kek kur bär ku tiim tɔ̈c, gokï miɔ̈c näk gäm keek kedhie. Acïk a tɔ göth në miɔc näk yek nyop ku mɔ̈n yek bɛ̈ɛ̈i ke ye miɔ̈c.

Edhekiɛl 24:12

cakaa nɔn cï acuɔl bï jäl ëbɛ̈n në lɔ̈k de mac.

Edhekiɛl 24:13

Jeruthalem karɛckuön ye looi acïk yïn dhiöök. Na cak them bä yïn tɔ lɔgɔk, yïn ee ŋoot ke yï de acuɔl. Yïn cïï bï bɛ lɔgɔk, aɣet të bïï yïn tuöc de agönhdï yök thok.

Edhekiɛl 24:6

Kë ye Bɛ̈nydït Awärjäŋ lueel kï an, “Amawoou në pänydït de nɛ̈ɛ̈k abï riɔ̈ɔ̈k! Acï ciët tööny ë thät cie waak. Thïm de rïŋ aye nööm ku nyɔk däŋ ë läu, abïï ciën kë döŋ.

Edhekiɛl 36:25

Wek bä ke wiëth gup pïïu lɔ kïr, ku wek bä waak gup në karɛckun ëbɛ̈n, ku gël week në yiëthkun ku këriëëc cï we dhiöök ëbɛ̈n.

Edhekiɛl 36:37

Aye Bɛ̈nydït Awärjäŋ lueel an, “Yɛn bï baai de Yithriɛl bɛ tɔ thiëc Yɛn në kuɔɔny, ku abä ke tɔ kuënden ŋuak nyïïn, cït luny de amɛ̈l.

Edhekiɛl 6:13

Gup ke kɔc cï thou abïï ke wɛɛr në yiëth yiic, ku në yïkken lɔ̈m, abïï ke wɛɛr në kur thöny nïïm ëbɛ̈n, ku në kur bär nïïm ëbɛ̈n, ku në tiim thäär ëbɛ̈n, ku në tiim ke ɣok thäär, ku atïïp ke tiim thäär ëbɛ̈n, të wën ye kek yiëthken miɔc në miɔ̈c nyop. Abïï ë raan ëbɛ̈n jɔ ŋic nɔn ee yɛn Bɛ̈nydït.

Ɣodh 1:2

Të ɣɔn gɔl ë Bɛ̈nydït jam kekë kɔc ke Yithriɛl në kueer de Ɣodhiya, kë ë kɔn lɛ̈k en kï an, “Lɔ thiak tiiŋ akɔɔrröör, ke bï yï dhiëth mïth kɔ̈k adhiëthlëër. Në biäk cïï kɔckï ya nyääŋ piny, ku lamkï Baal.”

Ɣodh 4:2

Aciɛɛn yen aya wek röt cieen, ku tɔ̈ɔ̈rkï röt lueth, ku näkkï röt, ku cuɛ̈ɛ̈rkï röt, ku nɔ̈mkï diäär ë röt. Wek ee lööŋ mäc röt, ku gɔ̈thkï ku dhuööŋkï kekɔ̈ɔ̈th. Ku wek ee riɛm lëu ë cieŋ.

Ɣodh 8:5

Cuatkï yiëthkuön ke daau wei wek kɔc ke Thamaria, Yɛn diu piɔ̈u wo keek arëët. Bäk ee pïïr rɛɛcë jɔ puɔ̈l nɛn, abïk jɔ lɔ wai?

Dhep 3:1

Amawoou në Jeruthalem ril nɔm, pänydïït ee kɔcke yɔŋ yetök.

Math 11:21

An, “Amawoou në yïn, yïn Karadhin! Amawoou në yïn, yïn Bethaida! Tëë cï luɔi ril looi ë Tayer ku Thidon, cït man cï ke looi ë weyiic, adï cïk kepiɔ̈ɔ̈th puk ɣɔn thɛɛr, ku ceŋkï cual ku rëërkï ë aropic.

2 Kor 12:21

Ku yɛn ë riɔ̈ɔ̈c, miäk, të la yɛn bɛ bɛ̈n, ke Nhialicdï acït kë bï a tɔ yäär ë weyiic, ku yɛn cït kë bï kɔc juëc dhiëëu kɔc cï kërac kɔn looi, ku kënkï kepiɔ̈ɔ̈th puk në luɔidɛn col ku kɔ̈ɔ̈r ee kek diäär kɔɔr ku dhöömden, luɔidɛn rɛɛc ë cïk aa looi.

2 Kor 7:1

Yen ka, ënɔn ciɛth wok wokë ka cï lueel an, bï ke gäm wookë, wek kɔc nhiaar, yok röt waak në acuɔl ëbɛ̈n acol ë guöp ku acol ë wëi, ku yok wopiɔ̈ɔ̈th tɔ ɣer abïk dikëdik në riëëu de Nhialic.

Jakop 4:4

Wek röör akɔɔrdiäär ku diëër akɔɔrröör, kuöckï määth ë ka ke pinynɔm nɔn ee yen ater lueel kekë Nhialic? Yen na de raan kɔɔr nɔn bï en määth kekë ka ke piny nɔm, ka ye rɔt tɔ ye raan de ater kekë Nhialic.

Nyuuth 8:13

Aguɔ anyin jɔt, ku piɛŋ tunynhial ke riŋ ë paannhialic cil, ke lueel ë röl dït, an, “Amawoou, Amawoou, Amawoou, në kɔc rɛ̈ɛ̈r ë piny nɔm, ë baŋ de röt cï döŋ, röt ke kɛŋ ke tuucnhial kadiäk tuuc bï kɛŋken lɔ̈ɔ̈k kooth!”