Jeremia 13:22 - JAM DE NHIALIC 2011

²² Na lak aa lop an eeŋö tɔ ee kakë lui röt week, eeŋö ye lupɔɔkun rɛtiic ku eeŋö ye ë week wiëët, ee biäk de karɛckun rac aläl.

Jeremia 13:22 ပူးပေါင်းရင်းမြစ်များ

Yith 20:4

Melik de Athiriya abï kɔc jɔt ke ke cïn kɔ̈ɔ̈th lupɔɔ, kɔc mac ë pec keek në Rip ku Ethiopia. Dhuök ku röördït, abïk cath ke ke cïn cök war ku cïnkï kɔ̈ɔ̈th lupɔɔ, ke ke tiëc aŋuɛm, ku jɔ ayäär yiɛ̈n Rip.

Yith 3:17

Ku Bɛ̈nydït abï diëër ke Dhiɔn luöi këtuc ku muut kenïïm ku abï Bɛ̈nydït ke pɔ̈l ke ke cï nïïm baar.”

Yith 47:8

“Piɛŋkï kënë, we kɔc nhiaar miɛt ë piɔ̈u, ayak tak nɔn cïï ë we kony ku luök we. Ayak lueel nɔn cä wek dït cït Nhialic, ku nɔn cïn en raan däŋ cït week. Aa ye tak nɔn cïï yïn duëër kɔn aa tiiŋ abaar, ku nɔn bä nuan në thon de mïthku.

Jeremia 13:26

Bɛ̈nydït guöp abï lupɔɔkun yɔ̈ɔ̈t bei ë we kɔ̈ɔ̈th, ku tɔ ayärdun woi.

Jeremia 14:16

Ku kɔc cïk keek lɛ̈k ee jamë abïï keek nɔ̈k në ee kueerë aya. Gupken abïï keek cuat wei ë kuɛɛr ke Jeruthalem yiic, ku abï ciɛ̈n raan bï keek tɔ̈ɔ̈u. Kënë abï rɔt luöi keek kedhie. Diäärken ku wɛ̈ɛ̈tken, ku duetken, abä keek tɔ col karɛcken.”

Jeremia 5:19

Të lee kek lɔ lop an eeŋö luɔi Yɛn ee kakë kedhie, lɛ̈kë ë keek Jeremia, an cït man cï kek kenïïm wɛl wei tëde Yɛn ku luuikï yiëth kɔ̈k pinyden, yen abï kek kɔc kɔ̈k lɔ luööi piny cie pinyden.”

Dhiëëu 1:8

Jeruthalem acï rɔt riɔk në kërac. Dhuëëŋ de acï jäl, acïn kɔ̈u lupɔ ku aye dɔl guöp. Ee teer ku ee ye nyin kum në ayäär.

Edhekiɛl 23:26

Abïk lupɔɔkun rɛt yiic ku jɔtkï adhɛ̈pkun ku atekkun.

Ɣodh 12:8

Aye kɔc ke Eparaim lueel an, “Wok kueth, wok cï dɛk kajuëc. Ku në kuɛth kueth wokë ëbɛ̈n, acïn raan lëu en bï wook gɔ̈k, ku cïn raan duëër en lueel nɔn cïï wok wäc.

Ɣodh 2:10

Abä keek yɔ̈ɔ̈r gup, ka abïk ciët mony cï tiiŋdɛn ee röör kɔɔr yɔ̈ɔ̈t kɔ̈u bei në röörke nïïm, ku acïn raan bï keek luäk bei në yacin.

Ɣodh 2:3

Na le ye cuök päl, abä yɔ̈ɔ̈t kɔ̈u bei në lupɔɔ, ka abï cath në yekɔ̈u cït man ɣɔn dhiëëthë yen. Abä tɔ cït jɔ̈ɔ̈r cïn yic pïïu, ku ta nɛ̈k ë rou.

Naɣum 3:5

Kë cïï Bɛ̈nydït de rɛm lueel kï an, “Yɛn ee nɔm yïn. Yɛn bï biɔŋku yaany nhial, ku ta yï woi ë juöör thar, ku ta ke ŋic ayärdu.

Dhep 1:12

“Në aköölkë ee manyalath yen abä nööm ku kaar Jeruthalem yic. Ku luöi këtuc kɔc cï piɔ̈ɔ̈th kuɛth ee röt ŋɔ̈ɔ̈th, ee ye lueel an, ‘Acïn kë bïï ë Bɛ̈nydït luöi wook, nɔn yen këpiɛth ku nɔn ee kërac.’

Nyöŋ 18:21

“Ku wek bï gäi, an bäk jɔ ŋic adï e nɛn yen cïï jam de tiët ee bɛ̈n tëde Bɛ̈nydït?

Nyöŋ 7:17

Duökï röt ë jɔ̈ɔ̈ny wapäc an juöörkë ajuëckï në wook, ka acuku keek duëër cuɔp wei.

Nyöŋ 8:17

Ka duökï ee tak nɔn cä wek röt tɔ kueth në riɛldun ku aŋoŋdun wapäc.