Jeremia 13:18 - JAM DE NHIALIC 2011

¹⁸ Go ë Bɛ̈nydït lɛ̈k ɛn an, “Lëkkë melik kekë man bïk bɛ̈n nyuc piny ë thöönyden nɔm, ë biäk cïï göölkɛn läk lööny piny ë kenïïm.

Jeremia 13:18 ပူးပေါင်းရင်းမြစ်များ

2 Mel 24:12

go Jekonia melik de Juda rɔt thɔ̈n melik de Babilon kekë man, ku kɔckɛn ee ye luööi, ku mïthke, ku bäny nu baai de melik ëbɛ̈n. Në ruöön ye Nebukadnedhar run bɛ̈t ë bäänyic, go melik Jekonia jɔt ke mac,

2 Mel 24:15

Go Nebukadnedhar melik Jekonia jɔt ke mac kekë man, ku diëërke ku bänyke, ku kɔc ril ke baai, go keek peec ë Jeruthalem leer ke Babilon.

2 Lëk 33:12

Na wën aa cï gum arëët, go rɔt kuɔɔr piny ku puk rɔt Bɛ̈nydït Nhialicde, ku lim bïï yen kony.

2 Lëk 33:19

Lɔ̈ŋ de melik ku luɔi cïï Nhialic ye puk nɔm, ku karɛc juëc cï keek looi ɣɔn ŋoot en ke kën yepiɔ̈u puk, ku ɣään ke läm de yiëth ku kïït ke yanh tik Acera cï looi, ku yiëth ye lam, acï ke gɔ̈ɔ̈r kedhie në awerek de kathɛɛr ke tït yiic.

2 Lëk 33:23

Ku akën ciët wun, akën rɔt kuɔɔr piny ku puk yepiɔ̈u Bɛ̈nydït, acï awɛ̈ɛ̈c wär ka ɣɔn looi ë wun wöör.

Bɛ̈n 10:3

Go Mothe lɔ tëde melik kekë Aron, ku lek lɛ̈k en an, “Acïï Bɛ̈nydït Nhialic de Ɣeberuu lueel an, ‘Bä jamdï jɔ rɛɛc piŋ agut cï nɛn? Tɔ kɔckï jäl lek A lam.

Bɛ̈n 39:28

Ku loikï lupɔɔ ke dër ë nɔm në lupɔ piɛth lɔ mot, ku atɛ̈ny, ku athuruɛl de lupɔ piɛth lɔ mot.

Kɛ̈ŋ 27:24

në biäk cïï kuɛth ee tɔ̈u anande. Ayï Juöör acïkï ee ceŋ aɣet athɛɛr.

Yith 3:20

ku akuupken ku wɛlkɛn yek cieŋ në ke kök, ku ke kɔ̈ɔ̈th,

Yith 3:26

Dhuöör ku dhiëëu abï nu wutic cil, ku wut guöpde abï ciët tiiŋ cï nyuc piny, ke cï yɔ̈ɔ̈t kɔ̈u bei.

Yith 47:1

Aye Bɛ̈nydït lueel an, “Babilon bäär piny në thöönydu nɔm, ku nyuc piny abuui yic ee tënë. Yïn aacï kɔn ciët nyan dhueny kën kɔn yök ke moc, pänydïït kënë kɔn peec, ku yïn cï kɔ̈c ku yïn cïï be ciët täu ɣɔn ril yïn! Yïn cï ya lïm ënɔɔnë!

Jeremia 22:24

Go Bɛ̈nydït lɛ̈k melik Jekonia, wën de Jeɣoyakim melik de Juda an, “Yɛn cï kuëëŋ Yɛn Nhialic Pïïr, cakaa Yïn ë ye jonh ë Yɛn ciin, yïn duëër bɛ̈ɛ̈i bei,

Jeremia 22:26

Yïn bä dhil tɔ pec wekë moor. Yïn bï dhil lɔ wun cïn raan töŋ cï dhiëëth thïn ë weyiic, ku bäk thou ëtök ëtɛ̈ɛ̈n wedhie.

Jeremia 29:2

Yɛn aa gär wään cïï ë kɔckë peec cök, yï: melik Jekonia, ku man, ku rooc, ku bäny ke Juda kekë Jeruthalem, ku atëët, ku röör ŋic luɔi aläl, wään cï ë keek peec.

Jeremia 36:16

Të wën cï yen thök në kuën, gokï kenyïïn woi ke ke cï nïïm mum, ku lɛ̈kkï Baruk an, “Wok bï ee kënë dhil lɔ lɛ̈k melik.”

Dhiëëu 1:6

Läk de nyan de Dhiɔn acï ya ke ye paar. Bänyke acïk ciët ŋer cï kɔ̈c kekë cɔk. Ŋer cïï riɛl jäl të kɔt kek në kɔc ee ke yɔ̈ɔ̈p.

Dhiëëu 1:9

Kërɛɛcde acï guɔ tïŋ, ku acïn këde yic thïn kekë riääkde. Wïïkde ee kërac aläl, ku acïn raan cï ye duut piɔ̈u. Kɔc ke aterde acïk tiam, ku ee Bɛ̈nydït lɔ̈ŋ në kokdepiɔ̈u.

Dhiëëu 2:10

Röördït ke nyan de Dhiɔn ayek nyuc piny ke ke mim thook. Ku tɔ̈u abuui në kenïïm, ku ceŋkï lupɔɔ ke cual ë kekɔ̈ɔ̈th. Ku dhueec ke Jeruthalem ayek kenyïïn kuöm piny në ayäär.

Dhiëëu 5:16

Acïn kë cï döŋ në kak ee wook tɔ lec röt. Amawoou në wook, wok cï karɛc looi, ku ënɔɔnë wok cï luöi këtuc.

Edhekiɛl 16:12

Ku tääu joth në yïwum ku yïyïth, ku tääu göl läk në yïnɔm bä cieŋ.

Edhekiɛl 21:26

Acä lueel, Yɛn Bɛ̈nydït Awärjäŋ. Bɛ̈ɛ̈iyë göl bei ë yïnɔm kekë lupɔ de nɔm. Käŋ acïkï bï tɔ̈u ë tänden. Takï raan kuany nyin nöm thööc! Bɛ̈ɛ̈iyë kɔc mac bääny piny!

Edhekiɛl 24:17

Du dhiëndu tɔ piŋ. Du cath ke yï ke yï kuöm nɔm ku du cath ke cin war ë yïcök ka wën nyooth dhiëëu. Du yïnyin kum ku du cäm në këcam ye kɔc dhiau cam.”

Edhekiɛl 24:23

Wek cïï bï cath ke we kuöm nïïm, ku cäkï cath ke we ceŋ war, we cïï bï dhiau ku cäkï dhuöör. Wek bï thöök wei në biäk de awɛ̈ɛ̈ckun, ku dhiaukï ke we teer wapäc.

Edhekiɛl 44:18

Ke ke cïï tuc bï dɔm, abïk lupɔɔ ke linɔn aa cieŋ ë kenïïm, ku athuruɛl de linɔn bäär, ku acïkï thiööth bï duööt ë ke yiic.

Danyel 5:20

Ku në luɔi cï yen rɔt lɛɛc, ku riil nɔm ku ye kɔc yɔŋ, acï bɛ̈n nyaai në thööcdɛn ë bääny yic, ku mɛ̈l ë tëdɛn ë dhuëëŋ.

Jona 3:6

Ku tɛ̈ɛ̈u meliŋ de Ninebe löŋ piny, lëk kɔc ke Ninebe kedhie an, “Kënë ee löŋ cä tääu piny, yɛn bɛ̈ny tueŋ wökë bäny nu në yacök, ë ciën raan de kë ciɛm, kɔc kedhie, ayï ɣɔ̈k, ayï thök, ëke cïï lony lek nyuäth, ayï dëk.

Math 18:4

Yen ka, raan ëbɛ̈n raan ë rɔt tɔ koor cït man ë mɛnhthiinë, yen adït ë ciɛɛŋ de paannhial.

Jakop 4:10

Kuɔɔrkï röt piny ë Nhialic nɔm, ke bï we jat nhial.

1 Pet 5:6

Yen kuɔɔr wek röt piny ë Nhialic cin cin ril ëtör, ke bï we jat nhial ëkööldɛn piɛth.