Jeremia 13:17 - JAM DE NHIALIC 2011

¹⁷ Të cä wek bï piŋ, ke yɛn bï dhiau ke ya thiaan në biäk de lɛcdun, yɛn bï dhiau ë jiɛthëpiɔ̈u, ku pïïu ke yɛn nyin abïk riŋ, në biäk cïï kɔc ke Bɛ̈nydït peec.

Jeremia 13:17 ပူးပေါင်းရင်းမြစ်များ

Diɛt 119:136

Yɛn ee nyin dhiau ë pïïu cït man ë kiir, në biäk cïï kɔc lööŋku ee riëëu.

Diɛt 80:1

Piŋ wo röt, Yïn Tïn de Yithriɛl, Ye wo piŋ röt wok bäny ke lunydu. Yïn raan rɛ̈ɛ̈r në thöönydu nɔm në wuök ke cerubiim lɔ bilbil kɔ̈u,

Yith 63:11

Ku ëtɛ̈ɛ̈n acïk kenïïm bɛ̈n tak në kathɛɛr, në akööl ɣɔn ke Mothe, awun de Bɛ̈nydït, gokï aa thiëëc an, “Tɔ̈u Bɛ̈nydït ë nou ënɔɔnë, raan ɣɔn kony bäny ke kɔc ke në wɛ̈ɛ̈r yic? Tɔ̈u Bɛ̈nydït ë nou, raan ɣɔn cï wëidït ɣerke gäm Mothe?

Jeremia 14:17

Bɛ̈nydït acï yɛn yɔ̈ɔ̈k bä kɔc lɛ̈k jiɛthëpiɔ̈ndï, ku guɛɛr an: “Në ya wat nyin në pïïu aköl ku wakɔ̈u, në ya cïï kääc ë dhiëëu, në biäk cïï kɔckï yiëk gup bɔ̈ɔ̈tdït, ku acï ke gäm gup tëtöök.

Jeremia 15:17

Yɛn kën lɔ rëër wo kɔc kɔ̈k, ke ya dɔl ku ja kööl piɛth looi. Në riëëu riëëu yɛn Yïn, Yɛn cï rëër yatök, ku ja göth aläl.

Jeremia 17:16

Ku Bɛ̈nydït, yïn kɛ̈n lɔ̈ŋ bä keek yiɛ̈n riääk, yɛn kën akööl ke rac kɔ̈ɔ̈r keek. Bɛ̈nydït, yïn ŋic ee kënë. Yïn ŋic kë cä lueel.

Jeremia 22:5

Ku na kënkï kë luɛɛl riëëu, ke Yɛn bï kuëëŋ ë we nïïm an ɣön ë bäänyë abï lööny ë riääkic. Acä lueel, Yɛn Bɛ̈nydït.

Jeremia 23:1

Acï Bɛ̈nydït lueel an amawoou në bäny cï kɔc ke Bɛ̈nydït riɔ̈ɔ̈k ku thiɛ̈ikï keek piny!

Jeremia 23:2

Kënë lueel Bɛ̈nydït Nhialic de Yithriɛl kï në biäk de bäny ee ye lueel an cïk kɔcke tiit an: “Wek kën kɔckï tiit, ku acäk keek thiɔ̈i ku cuɔpkï keek wei. Ënɔɔnë we la luöi këtuc në biäk de kërɛɛc cäk luöi kɔckï.

Jeremia 9:1

Aa ya nhiaar duëër nɔmdï aa yinh ë pïïu, ku jɔ nyïïnkï aa awɛɛŋ ke pïïu, aguɔ aa dhiau aköl ku wakɔ̈u në biäk de kɔckiën cï nɔ̈k.

Dhiëëu 1:16

“Yeka wat yɛn nyin wokë pïïu. Acïn raan dut ɛn piɔ̈u, ku acïn raan riit ɛn piɔ̈u. Raan de ater acï yɛn rum, kɔckï acïn kë cï döŋ tëde keek.

Dhiëëu 1:2

Ee ruu ke dhiau wakɔ̈u, ku jɔ pïïu wat ë yegëm. Määthkɛn wäänë kedhie, acïn raan cï döŋ bïï yen bɛ̈n duut piɔ̈u. Kɔc wään mät në yen acïk yen nyiɛɛn, ku ënɔɔnë acïk aa kɔc de ater në yen.

Dhiëëu 1:9

Kërɛɛcde acï guɔ tïŋ, ku acïn këde yic thïn kekë riääkde. Wïïkde ee kërac aläl, ku acïn raan cï ye duut piɔ̈u. Kɔc ke aterde acïk tiam, ku ee Bɛ̈nydït lɔ̈ŋ në kokdepiɔ̈u.

Dhiëëu 2:18

Kɛ̈l ke nyan de Dhiɔn dhiëëukï Bɛ̈nydït në wepiɔ̈ɔ̈th! Tɔkï pïïu ke wenyïïn wat wakɔ̈u ku aköl cït pïïu ke kiɛɛr. Duöiyë rɔt piny në dhiëëu kekë jiɛthëpiɔ̈u!

Dhiëëu 3:48

Nyïïnkï ayek wat në kiɛɛr ke pïïu, në biäk de riääk cïï ë kɔckï riɔ̈ɔ̈k.

Edhekiɛl 24:16

“Mɛnh ë raan, në yum tök, yɛn bï raan nhiaar në piɔ̈ndu ëbɛ̈n lɔ jɔt. Yïn cïï bï gööny ku du dhiau ku du pïïu lööny piny.

Edhekiɛl 34:31

Aye Bɛ̈nydït Awärjäŋ lueel an. “Wek, amɛ̈lkï, luny ya cääm, wek ee kɔckï, ku yɛn ee Nhialicden.

Edhekiɛl 36:38

Kek pɛ̈ɛ̈nydït tɔ̈u ke ke cï riääk ënɔɔnë, abïk bɛ thiäŋ në kɔc, cït man wään ye Jeruthalem thiäŋ ke amɛ̈l ye keek gam ke ke ye miɔ̈c näk në dhuëŋ yiic. Ëtɛ̈ɛ̈n abïk jɔ ŋic nɔn ee Yɛn Bɛ̈nydït.”

Edhekiɛl 9:4

“Lɔ caathë pänydït ë Jeruthalem yic ëbɛ̈n, ku ye raan cï yök ke nuan, ku jiɛth piɔ̈u në biäk de karɛc ku kanhiany ye kɔc keek looi ë pänydïtic, ye jak nɔm në kït.”

Malakai 2:2

Aluɛɛl yɛn Bɛ̈nydït de rɛm an, “Wek yɔ̈ɔ̈k an, të kɛ̈n wek jamdï piŋ, ku kɛ̈nkï tääu në wepiɔ̈ɔ̈th ëgɔk, ago rinkï dhuëëŋ yök, we bä cieen, ku ciɛɛn kapiɛth ye kɔc ke yiɛ̈n week ɣön ë Nhialic. Ku ë yic, acä ke guɔ cieen, në luɔi kën kek jamdï tääu në kepiɔ̈ɔ̈th.

1 Tham 15:11

“Yɛn cï rɔt gɔ̈k në baŋ cän Thaulo tɔ ye melik, në baŋ cïï yen rɔt yal wei, ku cïï lööŋkiën cä lɛ̈k en döt.” Go Thamwɛl piɔ̈u jiɛth ago ruu ke läŋ Bɛ̈nydït ee wɛ̈ɛ̈rë yic ëbɛ̈n.

1 Tham 15:35

Agut cï ɣɔn thou ë Thamwɛl, akën bɛ lɔ lee Thaulo tïŋ, cakaa wään ye Thamwɛl ye dhiëëu. Ku Bɛ̈nydït ë piɔ̈u jieth në baŋ cï Yen Thaulo looi ke ye melik de Yithriɛl.