Jeremia 13:16 - JAM DE NHIALIC 2011

¹⁶ Riëëukï Bɛ̈nydït Nhialicdun, të kën En cuɔlëpiny guɔ bɛ̈ɛ̈i, ku wek ee guɔ kɔ̈th në kur, ke ŋoot ke kën cuɔlëpiny dït bɛ̈ɛ̈i tëde ɣɛɛrduön yak ŋɔ̈ɔ̈th.

Jeremia 13:16 ပူးပေါင်းရင်းမြစ်များ

Jop 3:5

Yen ee köölë, adï cïï luäät kuöm piny, në mɔ̈ɔ̈thdït lɔ cɔ̈t, ku jɔ cuɔl akɔ̈l riääc.

Diɛt 107:10

Kɔc kɔ̈k aake rɛ̈ɛ̈r të col ku cïk nïïm mum, kɔc cï mac rɛk në joth,

Diɛt 107:14

Ku abï Bɛ̈nydït ke bɛ̈ɛ̈i bei ë mɔ̈ɔ̈thic ku mum ë nɔmic ku dhoŋ joth mɛc kek abïk lɔ thorthor.

Diɛt 29:2

Pianykï rin ke Bɛ̈nydït de gup dhuëëŋ, lamkï Bɛ̈nydït ɣeric, ɣöndɛn ɣeric.

Diɛt 44:19

Ku ënɔɔnë Yïn cï wo nyääŋ piny tëde kɔ̈ɔ̈rgɔl, ku nyääŋë wo piny në mɔ̈ɔ̈thdït yic.

Bɛ̈n 10:21

Go Bɛ̈nydït bɛ lɛ̈k Mothe an, “Yaakë yïcin nhial, ku mɔ̈ɔ̈th dïït lɔ cɔ̈t abï bɛ̈n piny ë Rip, mɔ̈ɔ̈th dïït duëërë jak.”

Kɛ̈ŋ 4:19

Ku kueer ë kɔc rac, acït mɔ̈ɔ̈th dïït lɔ cɔ̈t. Na ë ke cak kɔ̈th acïkï kën ee ke tɔ kɔ̈th ee tïŋ.

Wɛ̈ɛ̈t 11:8

cakaa yen ë pïïr ë run juëc ke mit piɔ̈u, ke bï dhil ŋic ayadäŋ nɔn bïï runkɛn cïï yen ke akɔ̈l bï tïŋ nyin juëc. Ka cï bɛ̈në kedhie ayek ɣɔ̈ric.

Yith 5:30

Të le köölë bɛ̈n, abïk roor aläl ke ke bɛ̈k Yithriɛl cït man ë wɛ̈ɛ̈r. Tiëŋkï wut! Ee mɔ̈ɔ̈th ku nuandït! Ɣɛɛr acïï ë mɔ̈ɔ̈th liek.

Yith 59:10

ka wok ee cath ë pääthpääth cï kɔc cï cɔɔr. Wok ee kɔ̈th aköl, abï ciët wakɔ̈u, abuk ciët ka nu paan de thuɔɔu.

Yith 59:9

Yeka yic amec ke wook, ku piathëpiɔ̈u acïï bɔ̈ në woyiic. Ayok ŋɔ̈ɔ̈th an bï ɣɛɛr bɛ̈n ë wolɔ̈m, ku ee mɔ̈ɔ̈th yen nu yetök, ku kɔɔrku ɣɛɛr, ku wok ee cath në cuɔlëpiny yic,

Yith 60:2

Juöör kɔ̈k abïï cuɔl ke kuöm piny, ku në yïkɔ̈u many de Bɛ̈nydït abï riaau, Ɣɛɛr de täude abï tɔ̈u ke yïn.

Yith 8:22

ku lieckï piny, ku acïn däŋ bïk tïŋ ee nuan ku mɔ̈ɔ̈th, ku riɔ̈ɔ̈c de cuɔlëpiny copë ke thïn.

Jeremia 14:19

Bɛ̈nydït cï Juda rɛɛc taitai? Man kɔc ke Dhiɔn? Eeŋö gëm Yïn wo bɔ̈ɔ̈tdïït cït ee kënë? Tëtök cïï wok duëër waar? Wok kɔɔr mät, ku acïn këpiɛth cï tuöl, wok ŋäth dem, ku ee riɔ̈ɔ̈cdït yen ee guɔ bɛ̈n.

Jeremia 2:6

Akënkï diɛɛr në Yɛn, cakaa nɔn cän ke luäk bei në Rip, ku caath keek në jɔ̈ɔ̈ric, piny ril cïnic pïïu, të cïn raan rɛ̈ɛ̈r thïn, ku cïn raan ee cath thïn.

Jeremia 23:12

Kueer yek kuany yic, abï lɔ rieeth rieeth ku cool, abä keek tɔ kɔ̈th ku wïïkkï. Yɛn bï riääk bɛ̈ɛ̈i ë ke gup, kööl bï ë keek luöi këtuc abɔ̈. Acä lueel, Yɛn Bɛ̈nydït.

Jeremia 4:23

Yɛn cï piny tïŋ ke ye riaaŋ cïn kë ye yök thïn, ku të nhial acïn ɣɛɛr.

Jeremia 50:6

“Kɔckï acïk ciët amɛ̈l cïn tïn ee keek tiit, aye ke tɔ mär në kur yiic. Ayek jɔ tai cï thök, ayek jäl në kuurë nɔm ku lekkï ë kuurë nɔm, ku acïk nïïm määr në të tɔ̈u ë baaiden.

Jeremia 6:21

Ka Yɛn bï ee kɔckë tɔ kɔ̈th ku wïïkkï. Kɔc ë dhiëth mïth abïk thou në mïthken, ku yen ee thon de määthken ku kɔc thiääk në keek.”

Jeremia 8:15

Wok kɔɔr mät ku akööl ke dem, ku aa cïn naamde, ku riɔ̈ɔ̈cdït acï guɔ bɛ̈n.

Dhiëëu 4:17

Wok woi kuɔɔny cie bɛ̈n, wok cï daai abuk jɔ kɔ̈ɔ̈c në daai. Wok cï kuɔɔny tiit tëde jur cie kony.

Edhekiɛl 21:15

Ee kɔckï tɔ bäp piɔ̈ɔ̈th, ku tɔ ke kɔ̈th. Yɛn riëëc pänyden në abätäu ee lɔ biliny cï wilëdeŋ ku acï rɔt coc bïï näk.

Edhekiɛl 34:12

cït man ye tïn de thök amɛ̈l ŋiëc muk të cï kek thiäi, aye ke bɛ lɔ määt yiic. Abä ke lɔ pɔ̈k nïïm ciëën në ɣään wään cï kek thiɛ̈i thïn në kööl ɣɔn de mɔ̈ɔ̈th ë riääk.

Edhekiɛl 36:15

Piny acïï bï bɛ ŋoot ke piŋ ka lueel juöör dɔl kek yeguöp ku nɔn buikï guöp. Piny acïï bï bɛ ŋoot ke rum jur në mïthke. Acä lueel, Yɛn Bɛ̈nydït Awärjäŋ.”

Jowɛl 2:2

Abï ya kööl ë mɔ̈ɔ̈th ku cuɔl, ku ye kööl ë luät kööl col ë cut. Rem dïït de tɔŋ ë kɔyɔm abï bɛ̈n, ke cï piny paat cït run ë piny ee kur mɔ̈ɔ̈r nïïm. Rem dïït ril kënë kɔn tïŋ, ku acïn kë bï bɛ ciët en anande.

Amoth 4:13

Nhialic Ee Yen Raan ë cak kur ku ciɛk yom. Acï täŋde tɔ ŋic ë kɔc, ee wakɔ̈u puk ke ye aköl. Ee cath në ɣään thöny ke pinynɔm ëbɛ̈n. Ku rinke acɔl ke Bɛ̈nydït, Nhialic Awärjäŋ!

Amoth 5:18

Amawoou në week, wek kɔc kɔɔr bɛ̈n de kööl ë Bɛ̈nydït. Eeŋö kɔ̈ɔ̈rkï kööl ë Bɛ̈nydït? Ku abï ya kööl col ë cut tëde week, ke cie kööl ɣer.

Malakai 2:2

Aluɛɛl yɛn Bɛ̈nydït de rɛm an, “Wek yɔ̈ɔ̈k an, të kɛ̈n wek jamdï piŋ, ku kɛ̈nkï tääu në wepiɔ̈ɔ̈th ëgɔk, ago rinkï dhuëëŋ yök, we bä cieen, ku ciɛɛn kapiɛth ye kɔc ke yiɛ̈n week ɣön ë Nhialic. Ku ë yic, acä ke guɔ cieen, në luɔi kën kek jamdï tääu në kepiɔ̈ɔ̈th.

Jɔn 12:35

Go Yecu ke yɔ̈ɔ̈k an, “E döŋ ke ye tëthiinakäŋ, të nu ɣɛɛrëpiny ë weyiic. Cathkï të ŋuɔɔt wek ë we de ɣɛɛrëpiny, ke we cïï cuɔlëpiny bï mook: raan cath ë cuɔlëpiny akuc të le yen thïn.

Jocua 7:19

Go Jocua lɛ̈k en an, “Mɛnhdï luel yic në Bɛ̈nydït Nhialic de Yithriɛl nɔm, tɔ leec, ku gam awäc.”

1 Pet 2:8

Ku lueel ë këcïgɔ̈ɔ̈r däŋ an, “Kënë ee Kuur ee kɔc kɔ̈th ë ye, ku ye kuurdït ee kɔc tɔ wiëëk. Kɔc ee kɔ̈th ë jam, në reec ee kek wël rɛɛc gam: këdɛn cï mɛk keek kï.”

1 Tham 6:5

Cuɛ̈ckï gup ke kak ë riäk pinydun, ŋoiŋooi ke pii, ku cuɔl, ku dhuɛ̈ŋkï Nhialic de Yithriɛl guöp. Tɛk däŋ cïï we bï bɛ luöi këtuc në yiëthkun, ku pinydun.