Jeremia 12:14 - JAM DE NHIALIC 2011

¹⁴ Aye Bɛ̈nydït lueel an, “Ade kë bä lueel në biäk ë kɔc thiääk ë Yithriɛl, kɔc cï piny wään bä gäm kɔckiën ë Yithriɛl riɔ̈ɔ̈k. Yɛn bï ee karɛckë jɔt ë piinyken yiic, cït man ye wal piith, ku Yɛn bï Juda luök ë kecin.

Jeremia 12:14 ပူးပေါင်းရင်းမြစ်များ

Diɛt 105:15

“Duökï awuutkï cï lɔc jak, duökï tïtkï jak.”

Diɛt 106:47

Kony wook, Bɛ̈nydït Nhialinyda, ku bɛ̈ɛ̈iyë wook ciëën ë juöör yiic. Agoku piɔ̈ɔ̈th miɛt, ku buk rinkuön ɣeriic leec.

Jeremia 2:3

Yïn Yithriɛl yïn ee këdï Yatök, yïn ee kë cï kɔn luɔk ɣeric. Yɛn cï nuan, ku riääk tuöc kɔc ee yïn luöi kërac. Acä lueel, Yɛn Bɛ̈nydït.”

Jeremia 25:9

‘Yɛn bï dhiëën nu të lɔ rut kedhie tuöc, ku tuöc raan ee ya luööi, Nebukadnedhar melik de Babilonia. Abä keek lɔ bɛ̈ɛ̈i bïk tɔŋ yiɛ̈n Juda ku kɔc ceŋ en, ku yïn tɔŋ juöör thiääk ë yen. Yɛn bï ë jurë riääk kekë juöör thiääk ë yen, ku nyääŋ keek ë riääkic aɣet athɛɛr, ee kërɛɛc de gäi në tïŋ. Acä lueel, Yɛn Bɛ̈nydït.

Jeremia 3:18

Baai de Yithriɛl abï mat ke baai de Juda, ku keek kedhie abïk lɔ bɛ̈n ciëën piny lei, piny nu të lɔ rut, ku abïk röt pɔ̈k piny cä gäm kuarkun, ke ye piny de nɔmden.”

Jeremia 32:37

Yɛn bï kɔc lɔ määt yiic ë juööriic ëbɛ̈n të wään cän ke thiäi thïn në agönhdï kekë diu de piɔ̈u, ku abä keek lɔ bɛ̈ɛ̈i ciëën ee tënë ku abä keek tɔ rɛ̈ɛ̈r eenë ë läŋ.

Jeremia 48:1

Acïï Bɛ̈nydït de rɛm, Nhialic de Yithriɛl lueel në biäk de Mowap an, “Amawoou në kɔc ke Nebo, wunden acï riɔ̈ɔ̈k! Kiriathaim acï peec, ɣäänkɛn ril acï ke thuöör piny, ku kɔcke acï ke tɔ yäär,

Jeremia 48:47

Ku në akööl bï bɛ̈në Bɛ̈nydït abï Mowap bɛ tɔ kueth. Ka kakë kedhie, ee ka cï Bɛ̈nydït ke lueel nɔn bï kek röt luöi Mowap.

Jeremia 49:1

Kën ë lueel Bɛ̈nydït kï në biäk de Ammon an, “Tɔ̈u röör ke Yithriɛl tënou? Cïn raan töŋ duëër pinyden gël? Eeŋö duëër kek kɔc ee yanh cɔl Molek lam tɔ nöm piny de dhiën ë Gad ku ɣɛpkï ëtɛ̈ɛ̈n?

Jeremia 49:7

Kën ë lueel Bɛ̈nydït de rɛm kï në biäk de Edom an, “Cï kɔc ke Teman nïïm määr në guiëërdɛn piɛth? Cïn kë duëër ë kɔckɛn ee ke jääm lɛ̈k keek, kë bïk looi? Cï pɛlënɔmden ëbɛ̈n jäl tëde keek?”

Edhekiɛl 28:25

Acïï Bɛ̈nydït Awärjäŋ lueel an, “Yɛn bï baai de Yithriɛl bɛ̈ɛ̈i ciëën në juöör wään cän keek thiäi thïn, ku abï juöör ëbɛ̈n ŋic nɔn ɣɛɛr yɛn yic. Ku abïk jɔ rëër pinyden, piny ɣɔn cä gäm awundiën Jakop.

Edhekiɛl 28:26

Abïk rëër ëtɛ̈ɛ̈n ke cïn kë yök keek. Abïk ɣööt yïk ku comkï tiimkɛn ke enap. Yɛn bï kɔc thiääk në keek luöi këtuc, kɔc ee keek luööi arac, ku Yithriɛl abï rëër ë dïu. Ëtɛ̈ɛ̈n abïk jɔ ŋic nɔn ee yɛn Bɛ̈nydït Nhialicden.”

Edhekiɛl 36:24

Wek bä ke jɔt në juöör yiic ëbɛ̈n, ku bɛ̈ɛ̈i week ciëën pinydun.

Edhekiɛl 36:5

Acä lueel, Yɛn Bɛ̈nydït Awärjäŋ në tuöc de agönhdï wokë juöör thiääk në week, ku në Edom aläl. Në agɛɛt ku riääk, acïk pinydï rum ku nömkï ɣäänkɛn ke nyuäth.

Edhekiɛl 37:21

Ku lɛ̈kë keek an, Yɛn Bɛ̈nydït Awärjäŋ, Yɛn bï kɔckï lɔ bɛ̈ɛ̈i bei kedhie në juöör wään cïï kek lɔ thïn, ku määt ke yiic tëtök, ku pɔ̈k kenïïm ciëën pinyden.

Ɣodh 1:11

Ku kɔc ke Yithriɛl abïk bɛ mat në kɔc ke Juda, ku pukkï kenïïm pinyden. Ku abïk röt bɛ aa kuɛ̈ny bɛ̈ny tök. Ku akööl ke Yithriɛl abïk bɛ aa akööl lɔyum arëët.

Dhek 1:15

ku yɛn diu piɔ̈u wokë juöör rɛ̈ɛ̈r ë läŋ. Yɛn aacï piɔ̈u diu ë määth, ku acïk agönhdï jɔ ŋuak nyin.

Dhek 2:8

Kë cï Bɛ̈nydït de rɛm lueel kï. Të ɣɔn cï yen ɛn dhuëëŋ guöp, ku juöör cï kɔcke peec la lɛ̈k keek an, “Raan lɔ we jak, ka ë nyin cooldï jakic.

Nyöŋ 28:63

Cït man Ye Bɛ̈nydït piɔ̈u miɛt në kuɛthdunic, ku juëc bä wek juëc, yen abï Yen piɔ̈u miɛt aya në riääk riëëk En week, ku bïï riääk dït tëde week. Wek bï cuän bei në piny bäk lɔ nöömë yic.

Nyöŋ 30:3

Ëtɛ̈ɛ̈n Bɛ̈nydït Nhialicdun abï piɔ̈u kok kekë week, abï week bɛ̈ɛ̈i ciëën në Juööriic, juöör cï En ke week thiäi thïn, ku abï week bɛ tɔ kueth.