Jeremia 11:21 - JAM DE NHIALIC 2011

²¹ Kɔc ke Anathoth akɔɔrkï thondï, ku acïk lɛ̈k yɛn an bïk yɛn nɔ̈k të lan ŋoot ke ya lueel jam de Bɛ̈nydït.

Jeremia 11:21 ပူးပေါင်းရင်းမြစ်များ

Yith 30:10

Ayek lɛ̈k tït ke Nhialic an, “Miɛmkï thook duökï wo lëk yïth, lɛ̈kkï wook kë nhiaarku buk piŋ. Tɔ wo muk luethkuɔ.

Jeremia 1:1

Awerekë anyooth ka cïï Jeremia wën de Ɣilikia ke lueel, bɛ̈ny töŋ de ke kake Nhialic, ee raan wun de Anathoth, piny de Benjamin.

Jeremia 1:19

Ku ee köölë yïn bä gäm riɛl bï yïn ke lëu, yïn bï ciët pänydïït cï gël ë mën ë wëëth, ku ciëtë päny de maläŋ. Acïkï yïn bï tiaam, në biäk bä Yɛn tɔ̈u wo yïn ke yï gɛ̈l. Acä lueel, Yɛn Bɛ̈nydït.”

Jeremia 20:10

Yɛn ee raan ëbɛ̈n piŋ ke ŋun an, “Akuöörkuöör anu ë pinynɔm ëbɛ̈n! Ka lok lëkku bäny ke baai!” Ayï määthkï nɔm atitkï wïïkdï. Ayek lueel an, “Tɛkdäŋ bïï math, ku ëtɛ̈ɛ̈n abuk dɔm ku jɔku röt guöör.”

Jeremia 26:8

ku të thiin wën cän käŋ thöl kedhie, ka cï Bɛ̈nydït lɛ̈k yɛn bä ke lueel, gokï ya dɔm ku cötkï an, “Yïn bïï dhil nɔ̈k në biäk ee kënë!

Jeremia 32:7

Ɣanamel, wën ë awälën Calum, abï bɛ̈n tëde yɛn ku thiëëc yɛn luöi bän domdɛn nu ë Anathoth, nu piny de Benjamin ɣɔɔc, në biäk yan raan raan wo yen, ku dɛ nɔm yic luöi duɛ̈ɛ̈r ɛn en ɣɔ̈c rɔt.

Jeremia 34:20

abä ke tääu në kɔc ke aterden cin, ku gäm keek kɔc kɔɔr bïk keek nɔ̈k. Ku gupkɛn cï thou abïk aa këcam de diɛt nhial ku läi roor.

Amoth 2:12

Guɔkï ayuul cï röt gäm ɛn bɛ̈n lɔ̈ɔ̈k tɔ dek mɔ̈u, ku pɛ̈nkï tïtkï cäär cɛɛr kek käŋ.

Maika 7:6

Mïth röör ayek tɔ̈u ke ke dhɔt wärken, ku duet abïk röt jɔ̈t märken, ku diäär kor abïk aa gɔ̈m në märken ke röörken. Kɔc ke baai de raan, kek abï ya kɔc ke aterde.

Math 10:21

Raan abï mänhë aa yiɛ̈n kɔc lek nɔ̈k abï thou, ku wun meth abï mɛnhde yiɛ̈n kɔc lek nɔ̈k abï thou, ku mïth abïk ater cak në wärken nïïm ayï märken nïïm, agokï ke tɔ näk.

Math 21:35

Na wën, ke kɔc ë dom tiit ke ke dɔm lïïmke, duikï tök, ku näkkï tök, ku biöökë tök ë kur.

Math 22:6

go kɔc cï döŋ gokï lïïmke dɔm, ku kurkï keek, ku näkkï keek.

Luk 4:24

Go lueel an, “Wek yɔ̈ɔ̈k ë yic an, Acïn tiët cï gam ë paanden guöp.