Jeremia 11:17 - JAM DE NHIALIC 2011

¹⁷ “Yɛn Bɛ̈nydït de rɛm, Yɛn cï baai de Yithriɛl com kekë baai de Juda, ku ënɔɔnë acä lëk keek nɔn bän ke yiɛ̈n riääk. Acïk ee kënë bɛ̈ɛ̈i ë kegup ë biäk cï kek awäc looi, acïk Yɛn tɔ göth në baŋ cï kek Baal nyuöp wal ŋïr.”

Jeremia 11:17 ပူးပေါင်းရင်းမြစ်များ

2 Tham 7:10

Ku yɛn bï kɔckiën ke Yithriɛl lɔ̈c piny, ku abä cuɔm keek agokï rëër ë bɛ̈iken yiic, ke cïn kë bï keek bɛ nuaan. Ku kɔc ee kërac looi acïkï keek bï bɛ nuaan cït man ɣɔn.

2 Lëk 28:25

Në pɛ̈ɛ̈nydït ke Juda yiic kedhie, acï rɔt luöi ɣään ke läm ë yiëth, ku të ye wal ŋïr nyuöp yiëth alɛi. Në ee kueerë acï rɔt yiɛ̈n agönh de Bɛ̈nydït Nhialic de kuarken.

Diɛt 44:2

Yïn ë juöör kuaath wei në ciindu ku com kɔcku pinyden, Yïn cï juöör riɔ̈ɔ̈k, ku tɔ kɔcku lok.

Diɛt 80:15

Bä kony enapduön cï comë, yen ee enap thiin wään cï tɔ lok në riɛl!

Diɛt 80:8

Yïn cï enap bɛ̈ɛ̈i bei ë Rip, Yïn cï juöör kɔ̈k ciëëc bei ku com kɔcku pinyden.

Yith 5:2

Ë piny gɔ̈i ku lɛɛthic në kɔi ku com tiim piɛth. Acï alooc bäär yïk bï yen ke tiit, ë pul wec bï yen mɔ̈u dhiim. Go enap tiit ke bï luɔk go enap kɛc ëbɛ̈n

Yith 61:3

Bä kɔc dhiau në Dhiɔn tɔ mitpiɔ̈ɔ̈th, gäm miɛtëpiɔ̈u në nyin ë dhiëëuwic, Diɛt ke alɛɛc në nyin ë jiɛthëpiɔ̈uwic. Abïk ciët tiim ke ɣok de piathëpiɔ̈u, cïï Bɛ̈nydït ke com guöpde. Abïk yic aa looi, ku Nhialic abï dhuëëŋ yök ë baŋ ë kë cï looi.

Jeremia 1:14

Go lɛ̈k yɛn an, “Riääk abï bɛ̈n ë biäk të lɔ rut, ku abï bɛ̈n ë kɔc ceŋ ee pinyë gup ëbɛ̈n,

Jeremia 11:11

Ka ënɔɔnë, Yɛn Bɛ̈nydït, Ayɔ̈ɔ̈k keek nɔn bän riääk yiɛ̈n keek, ku acïkï bï ban. Ku të le kek lɔ dhiau, ke ke kɔɔr kuɔɔny tëde Yɛn, Yɛn cïï dhiënden bï piŋ.

Jeremia 11:13

Kɔc ke Juda adekï nïïm yiëth juëc cït kuën de pɛ̈ɛ̈nydïtken, ku kɔc ceŋ Jeruthalem acïk röt yiëk yïk juëc cït kuën ke kuɛɛr ke pänydït, yïk ye Baal nyuöp wal ŋïr.

Jeremia 12:2

Aye keek com, ku ayek ɣet piny, ayek luɔk, ku dhiëthkï mïth. Ayek jam apiɛth ë biäkdu, ku acïkï Yïn ee riëëu guöp ëyic.

Jeremia 18:15

Ku kɔckï acïk nïïm määr ë yɛn, ayek wal ŋïr nyuöp yiëth. Acïk kɔ̈th në kueerdɛn duëër kek lɔ thïn, acïkï kuɛɛrkɛn thɛɛr be kuany yiic, aciɛthkï ë kueer kënë kuaar yic.

Jeremia 18:8

ku na cï ee jurë rɔt puk në karɛcke yiic, Yɛn cïï kë cä lueel an luɔi bï looi.

Jeremia 19:15

an acïï Bɛ̈nydït de rɛm, Nhialic de Yithriɛl lueel an, “Yɛn bï ee pänydïïtë kekë wuöt thiääk ë yen kedhie, luöi këtuc wään cä lueel an bä looi, në biäk riɛl wek nïïm, ku cäkkï kë luɛɛl ee piŋ.”

Jeremia 2:21

Yïn aa cä com ke yï ye enap cä lɔc, në kɔ̈th piɛth yiic. Ku tïŋ luɔi cï yïn tɔ̈u! Yïn cï ciët kë cï dhiäth, enap cïn naamde.

Jeremia 24:6

Abä keek tiit, ku abä keek bɛ̈ɛ̈i ciëën ee pinyë. Abä keek yïk acä keek bï thuöör piny, abä keek com acä keek bï wuöth thäär bei.

Jeremia 26:13

Wek bï kueerduön ya wek rëër ku kakuön yak looi dhil waaric, ku we bï Bɛ̈nydït Nhialicdun dhil riëëu, na lak looi, abï yenɔm waar në riääk cï lueel an bïï yiɛ̈n week.

Jeremia 26:19

Kɔc ke Juda ku melik Ɣedhekia akënkï Maika bɛ̈n tɔ näk. Ɣedhekia acï Nhialic bɛ̈n riëëu, ku ye kɔɔr bïï tɔ mit piɔ̈u. Go Bɛ̈nydït yenɔm waar, në biäk ë riääk cï lueel an bï yiɛ̈n keek. Ënɔɔnë wok kɔɔr buk riääk bɛ̈ɛ̈i ë wogup.”

Jeremia 32:29

ku abïk ɣɔ̈k mac. Abïk nyuɔp piny kekë ɣööt ëtök, ɣööt cï kɔc Yɛn tɔ göth në nyum ye kek wal ŋïr nyuöp Baal ë ɣööt nïïm, ku yek miɔ̈c de mɔ̈u ye poor gäm yiëth kɔ̈k.

Jeremia 32:30

Gɔl të ɣɔn thɛɛr, kɔc ke Yithriɛl ku kɔc ke Juda acïk Yɛn luöi kërac, acïk yɛn tɔ göth në kë cïk looi.

Jeremia 35:17

Ka ënɔɔnë aluɛɛl, Yɛn Bɛ̈nydït, Nhialic de rɛm, Nhialic de Yithriɛl, wek kɔc ke Juda ku Jeruthalem wedhie, wek bä yiɛ̈n riääk wään cä lueel. Yɛn bï ee kënë looi në biäk cä wek kë cä lɛ̈k week ee piŋ, ku wek cïï cɔ̈tdï ee bɛ̈ɛ̈r të caal Ɛn week.”

Jeremia 36:7

Tɛk däŋ bïk Bɛ̈nydït lɔ̈ŋ ku pukkï röt ë kuɛɛrkɛn rac yiic, ë biäk cï Bɛ̈nydït kɔckë lɛ̈k në agöth ku diu ë piɔ̈u.”

Jeremia 40:2

Go bɛ̈ny de rem ya lɛɛr tëdäŋ ku lueel an, “Acïï Bɛ̈nydït Nhialic lueel nɔn bï yen ee pinyë riɔ̈ɔ̈k,

Jeremia 40:3

ku ënɔɔnë acï kë cï lueel an bï looi looi. Kakë kedhie aake loi röt në biäk cïï kɔckun karɛc luöi Bɛ̈nydït ku rɛɛckï riëëu.

Jeremia 42:10

‘Na kaarkï bäk ŋoot ke we rɛ̈ɛ̈r ee pinyë, ke we bä yïk abäk lɔ nhial, wek cä ke bï thuöör piny, wek bä com, wek cä bï cuän bei. Riääk cä yiɛ̈n week acï Yɛn tɔ jeth piɔ̈u aläl.

Jeremia 44:5

Ku wek kën këdï piŋ, ku cäkkï jamdï gam. Wek cïï luɔiduön rac pɔ̈l, luɔi ya wek yiëth kɔ̈k nyuöp wal.

Jeremia 44:8

Eeŋö ya wek Yɛn tɔ göth, në läm ya wek yiëth lam, ku yak yiëth kɔ̈k nyuöp wal ŋïr ë Rip eenë, të cä wek bɛ̈n ceŋ thïn? Ë we loi ee kënë ke we bï we röt riɔ̈ɔ̈k, ago juöör ke piny nɔm ëbɛ̈n, week aa luööi në abiaan, ku yek rinkun tɔ ee kë de aciɛɛn?

Jeremia 45:4

“Ku Yɛn Bɛ̈nydït, Yɛn dhoŋ këdiën cä yïk piny, ku Yɛn wuth këdiën cä com bei. Kënë abä luöi piny nɔm ëbɛ̈n.

Jeremia 7:18

Mïth ayek tiim lɔ määt yiic, ku loi röör mac, ku jɔ diäär awac nuaai, bï kek kuïn cï pam luöi yanh tiiŋ cɔl Tiiŋ melik Nhial. Ayek miɔ̈c ye poor në mɔ̈u gäm yiëth kɔ̈k aya, në biäk bïï kek Ɛn yiëk buɔ̈t.

Jeremia 7:9

Wek ee kual, ku näkkï, ku nämkï diäär, ku yak kuëëŋ në lueth, ku nyuöpkï Baal wal ŋïr, ku lamkï yiëth kënkï keek kɔn ŋic ɣɔn thɛɛr.

Edhekiɛl 17:5

Go wɛ̈ɛ̈l thiin ë piac cil jɔt piny de Yithriɛl ku le com në dom piɛth yic, tën ee yic dɛ pïïu bï yen tɔ cil.

Ɣodh 10:1

Go Ɣodhiya lueel an, “Kɔc ke Yithriɛl aake cït tim de enap cï cuaar, ee mïth juëc bɛ̈ɛ̈i. Të cïï mïthke juëc, ayek yïïk juëc yïk. Ku të cïï pinyden luɔk arëët, ayek mën ke kurkɛn yaath yek lam jäm.