Jeremia 11:15 - JAM DE NHIALIC 2011

¹⁵ Aye Bɛ̈nydït lueel an, “Kɔckiën nhiaar aloikï karɛc. Ee yic ŋö nu tëde keek bï kek rëër ë ɣöndiën ë Bɛ̈nydït yic? Yek tak bïk riääk pëën, në luɔi ye kek gutguut lueel, ku në gɛm ye kek miɔ̈c näk de läi gam? Bï ee kënë keek tɔ mit piɔ̈ɔ̈th?

Jeremia 11:15 ပူးပေါင်းရင်းမြစ်များ

Diɛt 50:16

Ku tëde raan ee karɛc looi aye Nhialic lɛ̈k en an, “Eeŋa gëm yï yic duëër yïn lööŋkï aa lueel? Ku nɔn jam në baŋ de mändï në yï liep?

Diɛt 60:5

Luäk wook në riɛldu, bɛ̈ɛ̈rë lɔ̈ŋda, ago kɔckuön nhiaar keek kony wëi.

Kɛ̈ŋ 10:23

Luɔi de kërac tëde raan piɔlpiɔ̈u acït thuëëc de acandii, ku kake pɛlënɔm kek anhiɛɛr raan ee käŋ yökiic.

Kɛ̈ŋ 15:8

Miɔ̈c näk ye kɔc ee karɛc looi gam ee gök de kërɛɛc mɛɛn ë Bɛ̈nydït, ee lɔ̈ŋ de kɔc piɛth piɔ̈ɔ̈th yen anhiɛɛr.

Kɛ̈ŋ 2:14

kɔc ee piɔ̈ɔ̈th miɛt në luɔi de kërac,

Kɛ̈ŋ 21:27

Ka näk ye kɔc ee karɛc looi gam ee gök de kërac mɛɛn Bɛ̈nydït, ku ee jɔ rac arëët tëde yenic kiɛɛr rac.

Kɛ̈ŋ 26:18

Raan ee mɛth tɔ ye këde thuëëc, acït amiɔ̈l muk ka ye ke tɔɔŋ thɔ̈ɔ̈r aköölkë.

Kɛ̈ŋ 28:9

Të cïï raan yeyïc pɛ̈n pïŋ de löŋ, ke lɔ̈ŋde ee gök de kërɛɛc mɛɛn Bɛ̈nydït.

Yith 50:1

Aye Bɛ̈nydït lueel an, “Yak tak nɔn cän kɔckï cuɔp wei, cït man ye raan tiiŋde pɔ̈l? Tɔ̈u awereek ke pääl ënou? Yak tak nɔn cän we ɣɔ̈c pɛ̈c bïï we peec cït man ë raan ee mïthke ɣaac ke ke ye lïïm? Ei, wek aake leerë keek ë pɛ̈cic në biäk de awɛ̈ɛ̈ckun, wek aa toocë wei në biäk de karɛc yak looi.

Jeremia 12:7

Aye Bɛ̈nydït lueel an, “Yɛn cï Yithriɛl nyääŋ piny, Yɛn cï jurdiën cä lɔc rɛɛc. Yɛn cï kɔckiën nhiaar gam bï kɔc ke aterden ke tiam.

Jeremia 13:27

Acï week tïŋ ke we loi ka mɛɛn keek. Acï week tïŋ ke we kuany yiëth kɔ̈k cök ë kur nïïm ku ë duumiic, cït man ë mony cïï tiiŋ ë raan thiëëk kek diir, ku cït thɔn ë kɛɛu cop ŋun ë kɛɛu. Amawoou në week kɔc ke Jeruthalem, wek cï luöi këtuc, ee nɛn yen bä wek dikëdik?

Jeremia 15:1

Na wën, go ë Bɛ̈nydït lɛ̈k ɛn an, “Acakaa Mothe kekë Thamwɛl kek ë läŋ Yɛn eenë, Yɛn cïï ee kɔckë duëër nyuöth kokëpiɔ̈u. Tɔ keek lɔ biic, tɔ keek jël ë Yanyin.

Jeremia 2:2

bä ee jamë lɔ lɛ̈k raan ëbɛ̈n raan tɔ̈u në Jeruthalem. An, “Yɛn ee täuduön adöt wään ee yïn meth tak, nhiëër dïït ë nhiɛɛr yïn Ɛn ɣɔn tueŋ thiɛɛk wok röt, yïn aaye Ya kuany cök në jɔ̈ɔ̈ric, piny kënë com.”

Jeremia 23:11

Aye Bɛ̈nydït lueel an, “Tït ku bäny ke kake Nhialic akuckï Nhialic, acä keek dɔm ke ke loi kërac ë Luaŋdït guöp.

Jeremia 3:14

“Wek kɔc cïn piɔ̈ɔ̈th adöt, bäkï ciëën, wek ee kɔckï. Yɛn bï raan tök aa nööm wun tök, ku nääm kɔc kaarou dhiën tök, ku wek bä bɛ̈ɛ̈i ciëën në kuur de Dhiɔn nɔm.

Jeremia 3:8

Acïï Juda tïŋ aya nɔn cïï Yɛn nyankënë Yithriɛl pɔ̈l, ku cuɔp baai, në kë cïï yen rɔt yal wei tëde Yɛn ku looi rɔt ke ye akɔɔrröör. Ku Juda nyankënë Yithriɛl cïn piɔ̈u adöt, aa kën riɔ̈ɔ̈c. Yen aya acï rɔt bɛ̈n looi ke ye akɔɔrröör

Ɣodh 3:1

Go ë Bɛ̈nydït lɛ̈k ɛn an, “Ɣodhiya, be tiiŋdu nhiaar na cakaa nɔn yen röör kɔɔrë. Nhiaar cït man nhiɛɛr ë Bɛ̈nydït Yithriɛl, na cakaa nɔn cï kek A puɔ̈l ku gamkï yiëth, ku nhiaarkï cäm de këcam de mïth ke enap cï riɛl ye kek Baal lam.

Math 22:11

Na wën, acï melik bɛ̈n ɣöt bï kamaan bɛ̈n tïŋ, ke tïŋ raan ëtɛ̈ɛ̈n raan kën lupɔ de thiëëk tääu ë yekɔ̈u,

Luk 8:28

Na wën, aacï Yecu tïŋ, ke jɔ cööt, ku cuɛt rɔt piny ë yenɔm, ku jɔ lueel ë röl dït an, “Eeŋöda në yïn, Yecu, Wën ë Nhialic Awärjäŋ? Yïn läŋ, du ya leŋ wëi!”

Romai 11:28

Në këde wëlpiɛth, ayek kɔc de ater në Nhialic në baŋdun, ku në këde löny lɔcë keek, ayek kɔc nhiaar në löŋ de wärkuɔ.

1 Kor 13:6

acïï piɔ̈u ee miɛt kekë luɔi de kërac, ee piɔ̈u miɛt kekë yic.

Tito 1:15

Käŋ kedhie ayek lɔ wai tëde kɔc lɔ piɔ̈ɔ̈th wai: ku kɔc cï piɔ̈ɔ̈th nhiany ku kɔc reec gäm, acïn kë lɔ wai nu tëde keek, kenïïm ayï kepiɔ̈ɔ̈th acïk nhiany kedhie.

Jakop 4:16

Ku ënɔɔnë, wek ee röt tɔ ye adhuëŋ në lɛc aa wek röt leec, lɛc cït ee kënë ëbɛ̈n ee kërac.