Jeremia 11:13 - JAM DE NHIALIC 2011

¹³ Kɔc ke Juda adekï nïïm yiëth juëc cït kuën de pɛ̈ɛ̈nydïtken, ku kɔc ceŋ Jeruthalem acïk röt yiëk yïk juëc cït kuën ke kuɛɛr ke pänydït, yïk ye Baal nyuöp wal ŋïr.

Jeremia 11:13 ပူးပေါင်းရင်းမြစ်များ

2 Mel 23:13

Ku melik ë ɣään thöny ɣɔn nu ë Jeruthalem biäk të lɔ aköl amiäk tɔ nhiany, ku ka nu ë kuur de Olip biäk të lɔ wöuwic, ɣɔn cïï melik Tholomon yiëk Acetoreth yanh de Thidon rɛɛc mɛɛn Bɛ̈nydït, ku yïk Cemoc yanh ë Mowap rɛɛc mɛɛn Bɛ̈nydït, ku yïk Molek yanh ë Amon rɛɛc mɛɛn Bɛ̈nydït.

2 Lëk 28:25

Në pɛ̈ɛ̈nydït ke Juda yiic kedhie, acï rɔt luöi ɣään ke läm ë yiëth, ku të ye wal ŋïr nyuöp yiëth alɛi. Në ee kueerë acï rɔt yiɛ̈n agönh de Bɛ̈nydït Nhialic de kuarken.

Yith 2:8

Ku pinyden athiäŋ ke yiëth ye lam, ku ayek kak ë cuëckï në cinken lam.

Jeremia 11:17

“Yɛn Bɛ̈nydït de rɛm, Yɛn cï baai de Yithriɛl com kekë baai de Juda, ku ënɔɔnë acä lëk keek nɔn bän ke yiɛ̈n riääk. Acïk ee kënë bɛ̈ɛ̈i ë kegup ë biäk cï kek awäc looi, acïk Yɛn tɔ göth në baŋ cï kek Baal nyuöp wal ŋïr.”

Jeremia 17:1

Aye Bɛ̈nydït lueel an, “Kɔc ke Juda, karɛckun acï ke gɔ̈ɔ̈r në agalam de wëëth, acï ke guaŋ ë wepiɔ̈ɔ̈th në thoŋ de kuur ë daimon, ku ɣöötë keek në aguuk ke yïkkun kɔ̈ɔ̈th.

Jeremia 18:15

Ku kɔckï acïk nïïm määr ë yɛn, ayek wal ŋïr nyuöp yiëth. Acïk kɔ̈th në kueerdɛn duëër kek lɔ thïn, acïkï kuɛɛrkɛn thɛɛr be kuany yiic, aciɛthkï ë kueer kënë kuaar yic.

Jeremia 19:4

Yɛn lɔ ee kënë looi në biäk cï kɔc Yɛn pɔ̈l, ku acïk eetënë dhiöök në luɔi ye kek yiëth kɔ̈k nyuöp wal, yiëth kuckï keek, ku kuc kuarken ayï meliik ke Juda acïn kë ŋickï ë biäkden. Acïk ee tënë riɔ̈ɔ̈k në riɛm de kɔc cïn kë cïk wööc,

Jeremia 19:5

ku acïk yïk yiëk Baal, në biäk bïï kek mïthken gam ke ke ye miɔ̈c ye nyop ëbɛ̈n këde Baal. Akɛ̈n ke kɔn yɔ̈ɔ̈k bïk ee kënë looi, akën kɔn lɔ ë yanɔm aya.

Jeremia 2:28

“Tɔ̈u yiëth wään cäk ke luöi röt ënou? Wään täu wek në riääkic, takï ke kony week të duëër kek e lëu! Juda yïn de nɔm yiëth juëc cït juëc de pɛ̈ɛ̈nydïtku.

Jeremia 3:24

Ku läm de Baal yanh de guöp ayäär, acï thökkuɔ ku ɣɔ̈kkuɔ, ku wɛ̈ɛ̈tku ku duetkuɔ, ku këriëëcda ëbɛ̈n ka cïï kuarkuɔ looi thɛɛr tɔ mär.

Jeremia 3:25

Wok duëër tɔ̈c piny në ayäär, ku jɔ ayärda wo kuöm piny. Wook në kuarkuɔ wok cï awɛ̈ɛ̈c looi në ciɛɛŋ, luiku ke Bɛ̈nydït Nhialicda, wok kën kë ye lɛ̈k wook kɔn riëëu.”

Jeremia 32:35

Acïk yïïk yiɛ̈k Baal ë wak de Ɣinom yic, bïï kek wɛ̈ɛ̈tken ku duetken aa näk yanh cɔl Molek. Akën ke yɔ̈ɔ̈k bïk ee kënë looi, ku akën lɔ ë yanɔm aya nɔn duëër kek kë cït ee kënë looi, agokï kɔc ke Juda tɔ loi kërac.”

Jeremia 44:21

“Ku në biäk de wal ŋïr yak nyop, week në kuarkun, ku meliikkun, ku bänykun, ku kɔc ke pänydït, miɔ̈c ɣɔn gamkï keek ë pɛ̈ɛ̈nydït ke Juda yiic ku në kuɛɛr ke Jeruthalem yiic, cäkkï ŋic nɔn ŋic ë Nhialic keek?

Jeremia 44:5

Ku wek kën këdï piŋ, ku cäkkï jamdï gam. Wek cïï luɔiduön rac pɔ̈l, luɔi ya wek yiëth kɔ̈k nyuöp wal.

Jeremia 48:35

Acä lueel Yɛn Bɛ̈nydït an, Yɛn bï kɔc ke Mowap pɛ̈n luöi bï kek miɔ̈c nyop në ɣäänkɛn ke lam, ku abä ke pɛ̈n luɔi bï kek yiëthken nyuöp wal ŋïr.

Jeremia 7:9

Wek ee kual, ku näkkï, ku nämkï diäär, ku yak kuëëŋ në lueth, ku nyuöpkï Baal wal ŋïr, ku lamkï yiëth kënkï keek kɔn ŋic ɣɔn thɛɛr.

Edhekiɛl 16:24

wek cï ɣään ke läm de yiëth yïk në kuɛɛr këc ëbɛ̈n, ku jakkï röt aa nööm thïn.

Ɣodh 10:1

Go Ɣodhiya lueel an, “Kɔc ke Yithriɛl aake cït tim de enap cï cuaar, ee mïth juëc bɛ̈ɛ̈i. Të cïï mïthke juëc, ayek yïïk juëc yïk. Ku të cïï pinyden luɔk arëët, ayek mën ke kurkɛn yaath yek lam jäm.

Ɣodh 12:11

Ku ŋoot Giliyad ke loi karɛc? Ee kɔc cïn naamden. Aŋootkï ke ke ye yiëth näk miöör në Gilgal? Yïïkken abïk ciën nɔmden, abïk ciët kur ë nyiɛɛiyë keek të gɔl ë dom.

Ɣodh 9:10

Aye Bɛ̈nydït lueel an, “Ɣɔn tueŋ yök Ɛn Yithriɛl, Yɛn ë bɛ̈n ciët kë ë yök mïth ke enap në jɔ̈ɔ̈ric. Na wën, aa tïŋ kuarkun, Yɛn ëbɛ̈n ciët kë ë tïŋ mïth ke ŋaap cï buɔ̈ny. Na ɣɔn aa lek ɣëët Baal Peyor, acïk röt bɛ̈n gäm yanh rac guöp, ago keek kum nyïïn cït man ë yen.