Jakop 4:6 - JAM DE NHIALIC 2011

⁶ Acie yen, ee dhuëëŋdepiɔ̈u ŋuak nyin. En a lueel en en an, “Nhialic ee kɔc ee röt tɔ dït ŋɛ̈ny, ku ye kɔc ee röt tɔ kor miɔɔc ë dhuëëŋdepiɔ̈u.”

Jakop 4:6 ပူးပေါင်းရင်းမြစ်များ

2 Lëk 32:26

Na ɣɔn ciëën, ke Ɣedhekia kekë kɔc ke Jeruthalem acïk röt bɛ̈n kuɔɔr piny, go Bɛ̈nydït piɔ̈u kok ke keek, ku akën keek bɛ̈n luöi këtuc agut thon de Ɣedhekia cök.

2 Lëk 33:12

Na wën aa cï gum arëët, go rɔt kuɔɔr piny ku puk rɔt Bɛ̈nydït Nhialicde, ku lim bïï yen kony.

2 Lëk 33:19

Lɔ̈ŋ de melik ku luɔi cïï Nhialic ye puk nɔm, ku karɛc juëc cï keek looi ɣɔn ŋoot en ke kën yepiɔ̈u puk, ku ɣään ke läm de yiëth ku kïït ke yanh tik Acera cï looi, ku yiëth ye lam, acï ke gɔ̈ɔ̈r kedhie në awerek de kathɛɛr ke tït yiic.

2 Lëk 33:23

Ku akën ciët wun, akën rɔt kuɔɔr piny ku puk yepiɔ̈u Bɛ̈nydït, acï awɛ̈ɛ̈c wär ka ɣɔn looi ë wun wöör.

2 Lëk 34:27

ka yïn cï yïpiɔ̈u puk ku kuɔɔrë rɔt piny ë yanɔm, ku rɛtë lupɔɔ ke yïnkɔ̈u yiic ku dhiau, të wën piŋ yïn luɔi cän ye lueel, nɔn bän Jeruthalem luöi këtuc kekë kɔcke. Yɛn cï lɔ̈ŋdu piŋ,

Jop 22:29

Të ye kɔc kuɔɔr piny aye lueel an, ë ke jɔtë nhial, ku abï Nhialic ke kony.

Diɛt 138:6

Na cakaa nɔn tɔ̈u Yïn nhial të mec, yïn ee kɔc tɔ̈u piny kony, ku kɔc ee röt lɛɛc acïkï duëër thiaan ë yïn.

Diɛt 9:12

Nhialic ee kɔc yɔŋ tak, ku acïï nɔm ee määr në dhiënden, ee kɔc ee kɔc yɔŋ luöi këtuc.

Bɛ̈n 18:11

Acä jɔ ŋic nɔn Yen Bɛ̈nydït Yen dït awär yiëth kedhie. Në luɔi cï yen kɔc ke Yithriɛl luök ɣɔn luui ë kɔc ke Rip keek në dhääl.”

Kɛ̈ŋ 15:33

Riëëu de Bɛ̈nydït ee wëët de pɛlënɔm, ku koor ë rɔt piny ee riëëu bɛ̈ɛ̈i.

Kɛ̈ŋ 18:12

Lɛc ee riääk bɛ̈ɛ̈i, ku koor ë rɔt piny ee cath ke dhuëëŋ.

Kɛ̈ŋ 22:4

Koor ë rɔt piny ku riëëu de Bɛ̈nydït, ariöpden ee pïïr ku dhuëëŋ ku kuɛth.

Kɛ̈ŋ 29:23

Na ye rɔt tɔ dït ke yïn bï kuɔɔr piny, ku na kuɔɔrë rɔt piny ke yïn bï riëëu yök.

Kɛ̈ŋ 3:34

Ee kɔc ë kɔc bui gup bui gup, ku dhuëëŋ kɔc ee röt kuɔɔr piny gup.

Yith 2:17

Dït enɔm de mɛnh ë raan abï tɔ kääc, ku riäk lɛcden. Yiëth ye lam abïk määr taitai,

Yith 54:7

“Yïn aa nyääŋ piny në kaam thiinakäŋ, yïn bä pɔ̈k nɔm ciëën në nhiëër dït.

Yith 57:15

“Yɛn adït ku Ya Nhialic ɣeric, raan tɔ̈u aɣet athɛɛr. Yɛn rɛ̈ɛ̈r të thöny ku tëɣeric, ku Yɛn ee rɛ̈ɛ̈r aya wo kɔc cï röt kuɔɔr piny ku cïk kepiɔ̈ɔ̈th puk, aguɔ keek gäm aŋäthdï, ku riëtëpiɔ̈u.

Danyel 4:37

“Ku ënɔɔnë, yɛn Nebukadnedhar, yɛn piɔny, ku riëëu, ku gäm Melik de paannhial dhuëëŋ. Këriëëc ye looi ëbɛ̈n ee yic ku adöt, ku aduëër raan ëbɛ̈n, raan ee rɔt leec kuɔɔr piny.

Math 13:12

Raan ëbɛ̈n raan de nɔm käŋ, ka bï gäm kɔ̈k, ku abï dɛ kajuëc arëët, ku raan ëbɛ̈n raan cïn nɔm käŋ, acakaa kë cath ke yen abï nyaai tëde yen.

Math 23:12

Raan ë rɔt tɔ dït, yen abï tɔ koor, ku raan ë rɔt tɔ koor, yen abï tɔ dït.

Luk 1:52

Acï bänydït cieec ë thöckɛn ee kek rëër, ku jɔ kɔc kor jat nhial.

Luk 14:11

Raan ëbɛ̈n raan ee rɔt tɔ dït abï tɔ koor, ku raan ee rɔt kuɔɔr piny, yen abï tɔ dït.”

Luk 18:14

Wek yɔ̈ɔ̈k an, “Raanë acï yenɔm dhuöny paande, ke cï tɔ piɛthpiɔ̈u awär raan wën. Raan ëbɛ̈n raan ee rɔt tɔ dït abï tɔ koor: ku raan ee rɔt tɔ kɔɔr piny abï tɔ dït.”

Jakop 4:10

Kuɔɔrkï röt piny ë Nhialic nɔm, ke bï we jat nhial.

1 Pet 5:5

Ku week aya, wek kɔc kor, yak ka ke röördït piŋ. Yeka, week wedhie, yak wethook piëëŋ abäk kuur aa wek röt kuɔɔr piny cieŋ cït man ë lupɔ: Nhialic ee kɔc ee röt tɔ dït ŋɛ̈ny, ku ye kɔc ee röt kuɔɔr piny gäm dhuëëŋdepiɔ̈u.

1 Tham 2:3

Du ee cool ë jam ke yï leec rɔt, ayï jam ee yïn jam ke yï ɣɛ̈ɛ̈c yïnɔm. Në luɔi ŋic ë Bɛ̈nydït Nhialic këriëëc ëbɛ̈n, ku Bɛ̈nydït ee këriëëc ye raan ëbɛ̈n looi them.