Jakop 4:4 - JAM DE NHIALIC 2011

⁴ Wek röör akɔɔrdiäär ku diëër akɔɔrröör, kuöckï määth ë ka ke pinynɔm nɔn ee yen ater lueel kekë Nhialic? Yen na de raan kɔɔr nɔn bï en määth kekë ka ke piny nɔm, ka ye rɔt tɔ ye raan de ater kekë Nhialic.

Jakop 4:4 ပူးပေါင်းရင်းမြစ်များ

Cäk 3:15

Ku Yɛn bï ater tääu në kaamdun we tik, ku në kaam de kɔ̈thku ku kɔ̈thke. Abäk keek aa kac ŋur, ku abïk week aa yup nïïm.”

Diɛt 21:8

Melik abï kɔc ke aterde peec kedhie, abï raan peec ëbɛ̈n raan man en.

Diɛt 50:18

Të cïï yïn cuɛ̈ɛ̈r tïŋ yïn ee määth we yen ku yïn ee mat wekë akɔɔrdiäär.

Diɛt 73:27

Kɔc ee Yïn nyääŋ piny abïk thou ë yic, Yïn bï kɔc cïn adöt tëde Yïn riɔ̈ɔ̈k.

Yith 57:3

Bäkkï ee tënë bïï löŋdun bɛ̈n guiir wek kɔc ke awɛ̈ɛ̈c! Wek cïï ŋuän në tït, ku röör akɔɔrdiäär ku diäär akɔɔrröör.

Jeremia 2:2

bä ee jamë lɔ lɛ̈k raan ëbɛ̈n raan tɔ̈u në Jeruthalem. An, “Yɛn ee täuduön adöt wään ee yïn meth tak, nhiëër dïït ë nhiɛɛr yïn Ɛn ɣɔn tueŋ thiɛɛk wok röt, yïn aaye Ya kuany cök në jɔ̈ɔ̈ric, piny kënë com.”

Jeremia 9:2

Aa ya nhiaar duëër nɔm dɛ të duëër ɛn ceŋ ë jɔ̈ɔ̈ric, të bä yɛn mɛc wo kɔckï. Ayek kɔc cïn adöt ëbɛ̈n, kuut de kɔc ee kɔc nyiɛɛn.

Edhekiɛl 16:32

Yïn cït tiiŋ akɔɔrröör ee alɛi kɔɔr, ku cïï monyde nhiaar.

Ɣodh 3:1

Go ë Bɛ̈nydït lɛ̈k ɛn an, “Ɣodhiya, be tiiŋdu nhiaar na cakaa nɔn yen röör kɔɔrë. Nhiaar cït man nhiɛɛr ë Bɛ̈nydït Yithriɛl, na cakaa nɔn cï kek A puɔ̈l ku gamkï yiëth, ku nhiaarkï cäm de këcam de mïth ke enap cï riɛl ye kek Baal lam.

Math 12:39

Go bɛ̈ɛ̈r ku yöök keek an, “Rem rac piɔ̈u ë diëër lei kɔɔr akɔɔr gök bï tïŋ, ku acïn gök bï gäm en, ee gök ë tiët Jona tei.

Math 16:4

Rem racpiɔ̈u rem ë diëër lei kɔɔr akɔɔr gök, ku acïn gök bï nyuöth en, ee këde tiët Jona tei.” Go ke nyääŋ piny, ku jël.

Math 6:24

Acïn raan duëër rɔt tɔ ye lïm de bäny kaarou, ka bï tök maan, ku nhiaar tök, ku abï tök dɔm ku tɔ tök cïn naamde. Wek cïï röt duëër tɔ ye lïïm ke Nhialic ku lïïm ke wëu ayadäŋ.

Luk 19:27

Ku jakï kɔckë bɛ̈ɛ̈i kɔc de ater në yɛn, kɔc wään reec ɛn an, cä bï aa melik bï keek cieŋ, bɛ̈ɛ̈ikï ke ku näkkï ke ë yanɔm!”’

Jɔn 15:19

Tëë we ye kɔckɛn ë kɔc ke piny nɔm, ke kɔc ke piny nɔm adï nhiaarkï kɔcken: ku ënɔɔnë, ë luɔi cä wek ee kɔckɛn ë kɔc ke piny nɔm, ku we cä lɔ̈c bei ë piny nɔm, yen amɛɛnë kɔc ke piny nɔm week.

Jɔn 17:14

Acä ke gäm jamdu, ku acï kɔc ke piny nɔm ke maan gup, luɔi cïï kek ee ka ke piny nɔm, cït man ë yɛn, yɛn cie këde piny nɔm.

Jɔn 7:7

Kɔc ke piny nɔm acïkï we duëër maan, ee yɛn mankï, në luɛl aa yɛn ë lueel an, luɔiden arac.

Romai 5:10

Të cï wo määt në Nhialic në thon cï Wënde thou, ke wo ŋoot ë wo ye kɔc de ater, na ënɔɔnë, nɔn cï wo guɔ määt, ke kuny bï ë wo kony në pïïr pïïr en, yen apiɔl awär ee kënë arëët.

Romai 8:7

Ë luɔi de yen ater kekë Nhialic, yen täŋ ee raan ka ke guöp tak, ku acïï këde löŋ de Nhialic ee piŋ, ku acie lëu ë pïŋ ayadäŋ.

1 Kor 1:20

Raan pelnɔm akou? Raan ee löŋ gɔ̈ɔ̈r akou? Raan ŋic wël teet nu nou, raan ë pinyë nɔm? Pɛlënɔm ë kɔc ke pinyë nɔm kënë Nhialic tɔ ye këɣɔ̈ric?

1 Kor 1:21

Ku të cï kɔc ke piny nɔm Nhialic guɔ kuc në pɛl ë kek nïïm, cït man cï Nhialic e lueel në pɛlënɔmde, ke Nhialic jɔ piɔ̈u miɛt luɔi bï en kɔc gäm kony wëi në këɣɔ̈ric cɔl guiëër ë wëlpiɛth.

Galatai 1:10

Kaar luɔi bï kɔc piɔ̈ɔ̈th miɛt në yɛn ënɔɔnë, ku ye Nhialic? Kaar luɔi bän kɔc kɔ̈c nyïïn? Tëë ya ŋoot ke ya ye kɔc kɔ̈c nyïïn, adï cä ye lïm de Kërtho.

Jakop 1:27

Riëëu de Nhialic kï, riëëu lɔ yic wai, ku cïnic tënhiany ë Nhialic Wääda nɔm an: Nɛ̈m ee raan abɛɛr ku diëër cïn nïïm röör neem në këdɛn tuc dhal keek, ku luɔi ee raan rɔt ŋiëc muk ke cïn piɔ̈u tëcol ë bïïyë ka ke piny nɔm.