Jakop 4:12 - JAM DE NHIALIC 2011

¹² Raan tök yen aye raan ee kɔc yiɛ̈n löŋ ku ye bɛ̈ny ee löŋ guiir, ku yen aye Raan cath ke riɛl kuny en ku nɛ̈k en. Ku yïn ye ŋa, yïn raan ee raan rɛ̈ɛ̈r ke yïn gɔ̈k?

Jakop 4:12 ပူးပေါင်းရင်းမြစ်များ

Jop 38:2

Ye ŋa, kë yïn pɛlënɔmdï luɔp, në kuöc jam?

Yith 33:22

Tɔŋdɛn biökkï në abëël wïïrken yiic acïnkï thaarden, acïn raan bï jam ë gɛ̈ɛ̈r luɛɛl! Wo bï kajuëc ke rem de tɔŋ de ater tɛ̈k röt, ku abïk juëc aläl ayï ŋɔl abïï tɛ̈k. Bɛ̈nydït guöp yen abï aa meliŋda, abï we mac ë Yen ku gël wook.

Math 10:28

Ku duökï ë riɔ̈ɔ̈c ë kɔc näk raan guöp tei, ku cïkï wëi ke raan lëu ë näk, aŋuän luɔi bä wek aa riɔ̈ɔ̈c në Raan ë wëi ke raan lëu ë näk ayï raan guöp aya ë giɛna yic.

Luk 12:5

Ku we bä nyuöth raan bä wek aa riɔ̈ɔ̈c ë yen: Yak riɔ̈ɔ̈c në raan ë kɔc kɔn nɔ̈k abïk thou, na ëlë, ke de riɛl bï en ke cuat ë giɛna yic, yeka, wek yɔ̈ɔ̈k an, Yak riɔ̈ɔ̈c në yen!

Romai 14:13

Yen du wo röt ee bɛ gɔ̈k, aŋuän luɔi bï wok löŋë lueel ë wopiɔ̈ɔ̈th an, “Ë cïn raan ee këdäŋ tääu kueer, kë bï mɛnhkënë tɔ kɔ̈th, ayï kë bï e tɔ wiëëk.

Romai 14:4

Ee yïn ŋa, yïn raan ee lïm de raan däŋ gɔ̈k? Kɔ̈ɔ̈c kɛ̈ɛ̈c en, ku wïïk wïïk en, ee këde bɛ̈nyde guöp etök. Yeka, ku abï mɔ̈k nhial, Nhialic ade riɛl bï en tɔ kääc.

Romai 2:1

Yen ënɔɔnë, yïn ŋadï, yïn raan jäny raan däŋ, yïn cïn të bï yïn rɔt kɔ̈c, jäny jiëëny yïn raan däŋ, yen a jiëëny yïn rɔt, yïn raan jäny raan däŋ, yïn ee käŋ looi kamankë gup.

Romai 9:20

Ku yïn ŋadï, yee ŋa raan bëër Nhialic thok? Kë cï cuëëc bï raan ë cuëc en yɔ̈ɔ̈k, Eeŋö ee yïn a looi aya?”

Ɣeberuu 7:25

Ku ënɔɔnë alëu Yen luɔi bï Yen kɔc ee bɛ̈n tëde Nhialic në kueerde aa cool ë kony En keek, ku Yen arɛ̈ɛ̈r ke pïïr ë Nhialic lɔ̈ɔ̈m aɣet athɛɛr.

Jakop 5:9

Duökï ee dok ë röt wapäc, wek mïthëkɔckuɔ, ke we cïï bï yiëk yiëth gääk. Bɛ̈ny ee löŋ guiir ka, kääc ɣöt thokë.

1 Tham 25:10

Go Nabal jam puɔ̈k nɔm lïïm ke Debid, an, “Eeŋa yen Debid? Eeŋa yen wën ë Jethe? Aköölkë, lïïm acïk röt yök luɔi bï kek aa kat në bänyken cök!