Jakop 4:1 - JAM DE NHIALIC 2011

¹ Ye tɔɔŋ bɛ̈n tënou ku ye piɔ̈t ee kɔc piɔ̈t bɛ̈n tënou bïk ë weyiic? Cïkï ee bɛ̈n ë ŋɔ̈ɔ̈ŋ ee we dɔm, ŋɔ̈ɔ̈ŋ ë tɔŋ biök ë ka ke wegup yiic?

Jakop 4:1 ပူးပေါင်းရင်းမြစ်များ

Jeremia 17:9

“Eeŋa duëër piɔ̈n ë mɛnh ë raan ŋic? Acïn këdäŋ rac aläl, ade juän dïït cïï bï dem.

Math 15:19

Kak ee bɛ̈n bei ë raan piɔ̈u kï, karɛc ee raan ke tak, näŋ de raan, kɔ̈ɔ̈r ë diëër lei, dhööm, kuël, ciëkë thok, lɛ̈ɛ̈t rac.

Jɔn 8:44

Wek ee mïth ke jɔŋdït rac wuöördun, ku kɔ̈ɔ̈r kɔɔrë wuöördun kërac, yen aa yak kɔɔr ayadäŋ. Yen aaye nɛ̈k të ɣɔn ciɛkë käŋ, ku reec ceŋ në yicic, luɔi liiuwë yic tëde yen. Të töör en lueth, ee këde en lueel, nɔn ee yen alueeth, ku ye wun lueth.

Romai 7:23

ku yɛn ë löŋ däŋ yök ë ka ke yɛnguöp yiic, löŋ de ater kekë löŋ de yanɔm, löŋ ë yɛn thel cït man ë raan cï peec abï ya tɔ ye lïm de löŋ de kërac, löŋ nu ë ka ke yɛnguöp yiic.

Romai 7:5

Ku të wään rëër wok ë ka ke guöpic, ke ŋɔ̈ɔ̈ŋ ee wok ŋɔ̈ŋ ë kërac, kë ë bɔ̈ në löŋ, aaye luɔide looi ë ka ke wogup, bïk luɔk në këde thuɔɔu.

Romai 8:7

Ë luɔi de yen ater kekë Nhialic, yen täŋ ee raan ka ke guöp tak, ku acïï këde löŋ de Nhialic ee piŋ, ku acie lëu ë pïŋ ayadäŋ.

Galatai 5:17

Guöp ee tɔŋ cam kekë Wëi, ku ye Wëi tɔŋ cam në guöp, ku kake ayek gɔ̈m kapäc, ku wek cïï ka kaarkï ë wepiɔ̈ɔ̈th duëër aa looi.

Kolothai 3:5

Yak ka ke wegup tɔ thou, ka nu ë piny nɔm, kɔ̈ɔ̈rëdiäär, luɔi col, tum ee raan e piɔ̈u tuöm ka ke piny, ŋɔ̈ɔ̈ŋ de kërac, ku wui de kalei, yen aye läm de yiëth.

2Tim 2:23

Ku ye lop ɣɔ̈ric rɛɛc, lop ë kɔc kën wëët lop, aŋic nɔn ee kek ateer bɛ̈ɛ̈i.

Tito 3:3

Ku wook ayadäŋ wok aaye kɔc cïn nïïm wään thɛɛr, kɔc ee löŋ rɛɛc piŋ, kɔc cï math, wok ee ye lïïm ke ŋɔ̈ɔ̈ŋ ee wo dɔm ŋɔ̈ɔ̈ŋ kithic, ku yok lïïm ke kamit yok kɔɔr ë wopiɔ̈ɔ̈th, wok aaye tɔ̈u ke wo racpiɔ̈ɔ̈th deku yiic tiɛɛl, ku man kɔc wook, ku manku röt.

Tito 3:9

Ku kääcë ya në lop ee kɔc luɔp ë ɣɔ̈ric, ku jam në këde kuarken ë kɔc, ku ateer, ku teer ee kɔc teer në këde löŋ, kakë acïn këpiɛth ee yök thïn, ee ka ɣäär yiic.

Jakop 1:14

Raan ëbɛ̈n aye them, të cï e thɛl wei në ŋɔ̈ɔ̈ŋ de yenpiɔ̈u, ŋɔ̈ɔ̈ŋ de kërac, ago math.

Jakop 4:3

We ye lip, ku cäkï käŋ ee yök, në lip aa wek kuöc lip, ee kë bä wek käŋ aa thiäi wei ë kamit kaarkï, en aa yak lip.

1 Pet 1:14

Yak ciët mïth ee käŋ piŋ, aguɔkï cuö rɛ̈ɛ̈r ë rëërduön wään në këde ŋɔ̈ɔ̈ŋduön wään ee we dɔm në kuny aa wek këpiɛth kuc.

1 Pet 2:11

Wek kɔc nhiaar, wek läŋ, luɔi ciët wek kamaan ku ciëtkï kɔc cï ɣap ë wuöt lei, ke we bï ŋɔ̈ɔ̈ŋ de kake piny nɔm aa pɔ̈l, ee ke ye tɔŋ biök në wëikun.

2 Pet 2:18

Në luɛl ë ye kek jam juëc ɣɔ̈ric lueel ë keliëp tei, në ŋɔ̈ɔ̈ŋ de ka ke yäc, ku në luɔi ë dhööm, en aye kek kɔc wëŋ, kɔc, an, bɛ̈nkï ë liŋliŋ në kɔc ee tɔ̈u ke ke wäc käŋ.

2 Pet 3:3

Jakï kënë kɔn ŋic, an, Të cï thök de piny thiɔ̈k, ke kɔc de gup agɛɛt abïk bɛ̈n ë agɛɛtden, kɔc cath në këde ŋɔ̈ɔ̈ŋdɛn ë ke dɔm,