Jakop 3:6 - JAM DE NHIALIC 2011

⁶ Ku liep ee mac, ee piny cï nɔm thiäŋ ke kërac, täu ee liep tɔ̈u ë ka ke wogup yiic kï, ee kënë guöp tɔ col ëbɛ̈n, ku ye kueer ë kë cï cak cuöny thok ë mac, ku yenguöp aye cuöny thok ë many ë giɛna.

Jakop 3:6 ပူးပေါင်းရင်းမြစ်များ

2 Tham 16:20

Go Abthalom rɔt puɔ̈k Aɣithopel ku lueel an, “Wok nu eenë ënɔɔnë, lɛ̈kë wook kë buk looi?”

2 Tham 19:43

Go kɔc ke Yithriɛl puɔ̈k nɔm kɔc ke Juda an, “Wok de nïïm biäk kathiëër në melikic, ku wo de nïïm yic në Debidic awär week, cakaa nɔn yen raandun! Ka eeŋö ya wek wo biɔɔn gup? Wok ë kɔn jam tueŋ në biäk bïï melik bɛ̈n ciëën!” Ku kɔc ke Juda aa ke ye jamden lueel ke cin yic riëëu, awär kɔc ke Yithriɛl.

2 Lëk 13:17

Go Abija kekë remdɛn ë tɔŋ, rem de tɔŋ de Yithriɛl jɔ tiaam arëët, abïk aguum bot kadhïc 500,000 de rem de tɔŋ ril ë Yithriɛl nɔ̈k.

Diɛt 140:3

Liëpken acïtkï wurïï de karɛc ee näk, wëlken acïtkï wurïï de anyak.

Diɛt 64:3

Acïk keliëp theer cït abätɛ̈ɛ̈u, ku wëlken acïtkï wiɛth ke dhɛ̈ŋ.

Kɛ̈ŋ 15:1

Ŋiëc bëër në piɔ̈n lir ee agɔ̈th tɔ lɔ piny, ku wël tuc thook ayek agɔ̈th tɔ ɣeer.

Kɛ̈ŋ 16:27

Raan col piɔ̈u ee kiɛɛr rac looi, ku dɛ̈p wëlke cït many riäk piny.

Kɛ̈ŋ 7:5

Abïk yïn gël në tiiŋ ë mony däŋ, ku titkï yïn në tiiŋ ee kɔc meet në jam piɛth.

Yith 30:27

Riɛl ku dhuëëŋ de Bɛ̈nydït aduëër ë tïŋ tëmec. Tol kekë mac anyoothkï agönhde. Bɛ̈nydït ee jam ku dɛ̈p wëlke cï mac.

Yith 50:11

Wek kɔc ee kiɛɛr rac luöi kɔc kɔ̈k wedhie wek bïï kiɛɛrduön rac yak luöi kɔc kɔ̈k nɔ̈k. Bɛ̈nydït guöpde abï ee kënë tɔ loi rɔt, wek bï nuan arëët.

Jeremia 20:10

Yɛn ee raan ëbɛ̈n piŋ ke ŋun an, “Akuöörkuöör anu ë pinynɔm ëbɛ̈n! Ka lok lëkku bäny ke baai!” Ayï määthkï nɔm atitkï wïïkdï. Ayek lueel an, “Tɛkdäŋ bïï math, ku ëtɛ̈ɛ̈n abuk dɔm ku jɔku röt guöör.”

Jeremia 28:16

Ku acïï Bɛ̈nydït lueel guöpde bï yen yïn nyaai nyin. Yïn bï thou ke ruöönë ë kën kɔn thök, në biäk cï yïn kɔc yɔ̈ɔ̈k bïk Bɛ̈nydït rɛɛc.”

Kuɛ̈n 25:2

Ago duet keek aa caal në miɔ̈c de yiëthkeniic. Agokï aa lɔ cam ku lamkï yiëthken.

Kuɛ̈n 31:16

Ee kek diäär gup, kek aa gam wëlke Balaam ku tɔkï kɔc ke Yithriɛl reec Bɛ̈nydït në kuur de Peyor. Ku ë kënë, acïï akutnɔm de kɔc ke Nhialic bɛ̈n tɔ löny ë jɔk.

Math 12:24

Na wën, aacï Parithai e piŋ, ke luelkï, an, “Raanë ee jɔɔk rac ciëëc bei në riɛl ë Beeldhebub tei, yen bɛ̈nydïït ë jɔɔk rac.”

Math 5:22

Ku wek yɔ̈ɔ̈k, an, “Raan ëbɛ̈n raan cï ɣɔ̈ric gɔ̈th kekë mɛnhkënë, ka duëër riɔ̈ɔ̈c ë guiëër bï löŋde guiir, ku raan yöök mɛnhkënë, an, Yïn piɔl piɔ̈u, aduëër riɔ̈ɔ̈c ë jäny bï ë jɔ̈ɔ̈ny ë löŋ nɔm, ku raan lueel en, an, “Yïn ee dhɔ̈n, aduëër riɔ̈ɔ̈c ë giɛna de mac.

Mak 7:15

acïn kën ee lɔ ë raan guöp, kë wën nu biic, kë duëër raan tɔ rac: ee ka bɔ̈ bei ë raanic thïn, kek aye kak ee raan tɔ rac.”

Luk 16:24

Go cööt, lueel an, “Wääda Abraɣam, kok piɔ̈u we yɛn, ku jɔ Ladharo tooc, bï ciin nɔm bɛ̈n juɔɔl ë pïïu yiic, bï liemdï tɔ lir, yɛn ë leeŋ wëi ë manyë yic.

Luɔi 20:30

Akööl abïk bɛ̈n, akööl bïï kɔc kɔ̈k röt jɔt ë weyiic gup, kɔc bï jam rac lueel, le kek kɔcpiööcë thɛl ë kecök.

Luɔi 5:3

Go Petero lueel an, “Anania, eeŋö cï Catan yï thiɔ̈ɔ̈ŋ piɔ̈u aya, bä Wëidït ɣer bɛ̈n tɔ̈ɔ̈r lueth, ku cï biäk tök both në wëu ke dom?

Luɔi 6:13

Agokï cäätɔɔ aluɛth tɔ kääc nhial, kɔc bï e lueel an, “Raanë acïï jam ee pɔ̈l jam de lɛ̈ɛ̈t ee yen tëɣericë läät, ayï löŋ:

Nyöŋ 13:6

“Ayï wënkui, ku nɔn ee wëndu, ku nɔn ee nyandu, ku nɔn ee tiiŋduön nhiaar, ku nɔn ee raan määth wek arëët, aduëër yïn riit piɔ̈u ë määth, ke yï bï yiëth lam, yiëth kënë ke kɔn lam wekë kuarkun.

Tito 1:11

Kɔckë abï ke dhil ruɔɔt thook, ayek dhiën riɔ̈ɔ̈k ëliŋliŋ, ku yek kɔc wɛ̈ɛ̈t ë kë cïï piɛth, në biäk de nhiëër nhiɛɛr kek wëu ke ayäär.

Jakop 2:7

Cïkï rin ke dhuëëŋ ë läät ë län rac, rin ee we cɔɔl ë keek?

Jakop 3:7

Këriëëc ëbɛ̈n, läi ayï diɛt, ayï ka ye mol piny, ayï ka nu wïïr, aduëërë ke tɔ piŋ jam, ku aye ke tɔ piŋ jam në lɛ̈n cɔl raan.

2 Pet 3:3

Jakï kënë kɔn ŋic, an, Të cï thök de piny thiɔ̈k, ke kɔc de gup agɛɛt abïk bɛ̈n ë agɛɛtden, kɔc cath në këde ŋɔ̈ɔ̈ŋdɛn ë ke dɔm,

3 Jɔn 1:10

Yen abän a nɔm tak ë luɔidɛn looi, të cän bɛ̈n, ee wo lɛ̈k jam rɛɛc ɣɔ̈ric: ku acie kuɛth ë luɔiyë, yenguöp ee mïthëkɔckuɔ rɛɛc tɔ ye kamaan, ku jɔ kɔc aa pëën aya, kɔc kɔɔr luɔi bï kek ke tɔ ye kamaan, arëk abï ke ciɛɛc wei ë ɣön ë Nhialic yic.

Nyuuth 12:9

Go ŋuäldït ciɛɛc biic, yen aye kërɛɛc thɛɛr, cɔl Jɔŋdït Rac ku cɔl Catan, jɔŋ ee piny math nɔm ëbɛ̈n, ë ciɛɛc biic le ë piny nɔm, ku ciec tuuckɛnnhial në yen ëtök.

Nyuuth 13:14

Ku ye kɔc rɛ̈ɛ̈r ë piny nɔm math në baŋ de göök gɛ̈iyë cï gäm en bï ke looi ë lɛ̈n rac nɔm, ee kɔc rɛ̈ɛ̈r ë piny nɔm yɔ̈ɔ̈k, an, bïk këdäŋ cuëëc kë cït guöp lɛ̈n rɛɛc wään cï yiëk tëtök në abätäu, ku acï pïïr.

Nyuuth 18:23

ku ɣɛɛr ë manyëalath acïï piny bï bɛ aa riaau ë yïyic ëtaitai, ayï röl ë monythiëk kekë nyan thiak acïï bï bɛ aa piŋ ë yïyic ëtaitai: ajalɛɛpku aake ye bänydït ke piny nɔm, ku ë adhuɛ̈ɛ̈thdu en aaye juöör math ëbɛ̈n!”

Nyuuth 19:20

Na wën, ke jɔ lɛ̈n rac dɔm, ku dɔm tiët alueeth ke yen ëtök, tiët wään ee göök gɛ̈iyë looi ë yenɔm, göök wään ee yen ke kɔc math kɔc cï röt tɔ gäär ë gäär de lɛ̈n rac, ku yek këcïcuëëc cït guöp en lam. Ku cuɛtë ke ë macic kedhie kaarou ke ke pïïr, cuɛtë ke ë baaric baar ee dëp ë thulpur.