Jakop 3:17 - JAM DE NHIALIC 2011

¹⁷ Ku pɛlënɔm bɔ̈ nhial ee yic kɔn ɣɛɛr ëtop, ku ee mät kɔɔr ayadäŋ, ku ye jam ë määth, ku ye këde dap pɔ̈l, ee piɔ̈u dap kok, ku ye dap luɔk ë mïthkɛn piɛth, acïï kɔc ee kuany yiic, ku cïn yäc aguk.

Jakop 3:17 ပူးပေါင်းရင်းမြစ်များ

1 Mel 3:12

Yɛn bï kë cï kɔɔr looi. Yïn bä gäm pɛlënɔm, ku piɔ̈n ee käŋ yök yiic, ka bï ciën raan töŋ bï ciët yïn ɣɔn ë yïnɔm tueŋ, ku acïn raan däŋ bï bɛ ciët yïn.

1 Mel 3:28

Go Yithriɛl ëbɛ̈n guiëër cïï melik Tholomon löŋ ŋiëc guiir piŋ, gokï melik jɔ riëëu, në tïŋ cïï kek e tïŋ nɔn ciɛthë pɛlënɔm ë Nhialic ke yen, ku bï löŋ aa guiir ë yic.

1 Mel 3:9

Yen gëm Yïn lïmdu piɔ̈n ee käŋ ŋic, bä löŋ ë kɔcku ŋiëc aa guiir, bä kërac aa ŋic ku ŋiɛc këpiɛth, eeŋa duëër ë kɔckuön juëckë lëu në mäc?”

1 Lëk 22:12

Yïn bï Nhialic Bɛ̈nydïïtdu gäm ŋïny de käŋ ku pɛlënɔm, ago kɔc ke Yithriɛl wat cït man de löŋde.

1 Lëk 22:9

Ku acï ya lɛ̈k gutguut. Acï lueel an, “Yïn bï mɛwä dhiëëth, wën bï bääny muk ë mätic, abä gäm mät tëde kɔc ke aterde nu në yelɔ̈ɔ̈m ëbɛ̈n. Ku abïï cɔl rin Tholomon, ku yɛn bï Yithriɛl gäm mät ku rɛ̈ɛ̈r lɔ dïu në aköölkë yiic.

Jop 28:12

Ku ee të nou duëërë pɛlënɔm yök, ee të nou duëër wok wëët në yöŋ de käŋiic?

Jop 28:23

Nhialic yetök Yen aŋic kueerde, ku të duëërë ye yök,

Jop 28:28

Go lɛ̈k mɛnh ë raan an: “Riëëu de Bɛ̈nydït ee yen ee pɛlënɔm, ku pɔ̈kdu wekë luɔi de kërac ee yen ee yöŋ de käŋiic.”

Bɛ̈n 36:2

Go Mothe Bedhalel cɔɔl kekë Yooliap, ku atëët kedhie, atëët cïï Bɛ̈nydït gäm riɛl, kɔc de piɔ̈ɔ̈th luɔi bï kek luui, ku lëk keek nɔn gɔl kek luɔi.

Kɛ̈ŋ 2:6

Ee Bɛ̈nydït Yen ee pɛlënɔm gam, ku ŋïnydekäŋ ee bɛ̈n tëde Yen, ayï yöŋ de käŋiic.

Yith 2:4

Abï ateer tɔ kääc në kɛm ke juöördït ke piny nɔm. Abïk abätɛ̈ɛ̈uken thɔ̈ɔ̈th ke ke ye pur, ku tɔɔŋken ke ke ye leem ke tëm. Juöör acïkï tɔŋ bï bɛ aa lɛɛr, ku nɔn bekï tɔŋ kiëët.

Yith 32:6

Raan piɔlpiɔ̈u aye guɔ ŋic në jamdɛn ë pialëpiɔ̈u ku täŋ rɛɛc kɔɔr bïï looi. Kë ye looi ku kë lueel ayek awäc tëde Bɛ̈nydït, ku acïï raan nɛ̈k cɔk duëër kɔn gäm këciɛm ku cïï raan nɛ̈k rou tɔ dëk.

Yith 40:11

Ee lunyde tiit, cï raan ee thök tiit, abï amɛ̈lke määt yiic, 2 ku boom keek në ye kök ku abï märken wat apiɛth.

Danyel 1:17

Nhialic ë wäthii kaŋuan gäm ŋïnydekäŋ, ku tëët ë gäär kekë pɛlënɔm dït. Ku jɔ Danyel ŋuak në miɔ̈c de wɛ̈r ë nyuuth yiic kekë nyuöth.

Malakai 2:9

Yen acän week tɔ biɔɔn ë kɔc gup kedhie, ku ta keek dhäl wegup. Në biäk kɛ̈n wek kuɛɛrkï kuany yiic ëgɔk, ku në luɔi ya wek lööŋkï kuɛ̈ɛ̈ny yiic në wëëtdun yic.

Malakai 3:3

Abï bɛ̈n nyuc, ku guiir löŋ de kɔc cït man ye raan ateek lëëŋ. Abï Lebai bɛ̈n waak abïk lɔ wic, cït man ye adhääp lëëŋ abï lɔ bilbil. Ku ëtɛ̈ɛ̈n, keek abïk Bɛ̈nydït aa gäm miɔ̈c lɔgɔk.

Math 23:28

Ayï week aya, wek ee röt tɔ ye kɔc piɛthpiɔ̈ɔ̈th ë kɔc nïïm ë baŋ biic, ku weyiic thïn, wek ë yäc thiäŋ ë ruëëny kekë reec aa wek löŋ rɛɛc piŋ.

Math 5:8

Thieithieei ë kɔc lɔ piɔ̈ɔ̈th wai, abïk Nhialic tïŋ.

Math 5:9

Thieithieei ë kɔc ë kɔc määt, abï ke tɔ ye wɛ̈ɛ̈t ke Nhialic.

Luk 21:15

we bä gäm thook pɛlënɔm, ke kɔc de ater në week ke ke cïï bëër bëër kek këdun bï lëu, ayï teer teer kek në week aya.

Luk 6:36

Yak piɔ̈ɔ̈th kok cït man ee Wuöördun piɔ̈u kok.

Jɔn 1:14

Ago Jam aa guöp, ku tɔ̈u ë woyiic (agoku dhuëëŋde tïŋ dhuëëŋ cït dhuëëŋ ë Wën töŋ cïï Wun dhiëëth etök), acï piɔ̈u thiäŋ ke dhuëëŋ ku yic.

Jɔn 1:47

Na wën, ke Yecu tïŋ Nathanyel ke bɔ̈ tëde yen, go lueel an, “Wɔikï, raan ë Yithriɛl ëgɔk ka, raan cïn yäc ruëëny!”

Luɔi 11:24

Baranaba ee raan piɛth, raan cï piɔ̈u thiäŋ ke Wëidït ɣer ku gäm, go kɔc gam Bɛ̈nydït ago ke ŋuak nyïïn aläl.

Luɔi 9:36

Ku ade raanpiööcë ë Jopa, tiiŋ cɔl Tabitha, yen aye Doruka ë thoŋ ë Girikii (ku cɔl ŋɛɛr në thoŋda): tiiŋë ee tiiŋ piɛth cin, ee cool ë loi luɔi piɛth, ku ye kɔc kuanynyïïn miɔɔc.

Romai 12:18

Të lɛ̈u wek rëër ëmääth në kɔc kedhie, ke we them rëër bä wek rëër.

Romai 12:9

Takkï nhiëër nu, nhiëër cïnic ruëëny. Yak kërac maan ëtaiwei, ku yak këpiɛth dɔm ë döm ril.

Romai 15:14

Ku yɛn guöp yɛn ë këdun guɔ ŋic ë yapiɔ̈u aya, wek mïthëkɔckuɔ, dït dïïtë piathdun, ku dït ë ŋïny ŋiɛc wek käŋ, ku lëu aa wek röt lëu ë wëët.

1 Kor 12:8

Ŋɛk aye Wëidït miɔɔc në jam ë pɛlënɔm, ku miɔɔc ŋɛk në jam de ŋïnydekäŋ, në Wëi manë gup.

2 Kor 10:1

Ku yɛn Paulo guöp, wek yɔ̈ɔ̈k në kuur cï Kërtho rɔt tɔ koor ku në liɛɛr ë yenpiɔ̈u, yɛn raan cïn naamdï ë weyiic të wɔi wek ɛn, ku nɔn liɛɛu ɛn, yɛn cï nyin riɛl tëde week:

2 Kor 6:6

Në ɣɛɛrëpiɔ̈u, në ŋïnydekäŋ, në guömdekäŋ, në piathëpiɔ̈u, në Wëidït ɣer, në nhiëër cïnic ruëëny,

2 Kor 7:11

Thɔ̈ɔ̈ŋkï këmanë guöp, dhiën cï we tɔ dhiau piɔ̈ɔ̈th në këde Nhialic, thɔ̈ɔ̈ŋkï lɛ̈th cï we tɔ lëth yiic dït dïït en, yeka, ku dït ë luɛl cä wek këdun lueel, yeka, ku diu cä wek piɔ̈ɔ̈th diu, yeka, ayï täŋ cä wek käŋ tak arëët, yeka, ayï tuöc cä wek piɔ̈ɔ̈th tuöc, yeka, ayï guur cä wek käŋ guöör! Në këriëëc ëbɛ̈n we cï röt nyuɔɔth nɔn cä wek gup a gɔk ë liu liɛɛu wek ë jamë yic.

2 Kor 9:10

Ku ënɔɔnë, Raan ee raan cum yiɛ̈n kɔ̈th, ku ye raan cäm yiɛ̈n kuïn, abï we yiɛ̈n kɔ̈thkuön lak com, ku ŋuɛk ke, ago piathëpiɔ̈ndun ŋuak ë luɔk:

Epethiei 5:9

kak ye ɣɛɛrëpiny ke luɔk ayek luɔi de këpiɛth ëbɛ̈n ku piathëpiɔ̈u ku yic.

Pilipoi 1:11

Ke we bï thiɔ̈ɔ̈ŋ piɔ̈ɔ̈th ë kak ee piathëpiɔ̈u ke luɔk, kak ë bɔ̈ tëde Yecu Kërtho, ke Nhialic bï dhuëëŋ yök ayï lɛc.

Pilipoi 4:8

Cöök ciëën, mïthëkɔckuɔ an, Të de yen kak ee yith, tëde yen ka ye riëëu, të de yen ka ye tiiŋ yiic, të de yen ka lɔ wai, të de yen ka cï läkëläk, të de yen ka piɛth rin, na de piath nu, ku na de lɛc nu, takkï wenïïm ee kakë.

Kolothai 1:10

ke rëërdun bï röŋ kekë rëër ë kɔc ke Bɛ̈nydït, ke Bɛ̈nydït bï piɔ̈u miɛt arëët. Yak luɔk në luɔi piɛth ëbɛ̈n, ku ŋuakkï wenyïïn ë ŋïny ŋiɛc wek Nhialic.

1 Theth 2:7

Ku wok aaye ŋiëc rëër ëmääth ë weyiic, cït man ee tik mïthke ŋiëc muk apiɛth.

1 Tim 5:21

Yïn yɔ̈ɔ̈k ë Nhialic nɔm, ku Bɛ̈nydan Yecu Kërtho nɔm, ku tuucnhial ɣer yiic cï lɔc nïïm an, Ye kakë döt apiɛth, ku du ŋɛk ee nhiaar ku man ŋɛk, ku du këdäŋ ee looi ke yï kuany kɔc yiic.

2Tim 2:24

Ku lïm de Bɛ̈nydït acïï piɛth luɔi bï en teer, abï dhil aa jam ë määth kekë kɔc kedhie, abï aa raan ŋic wëët, raan lir piɔ̈u,

Tito 1:15

Käŋ kedhie ayek lɔ wai tëde kɔc lɔ piɔ̈ɔ̈th wai: ku kɔc cï piɔ̈ɔ̈th nhiany ku kɔc reec gäm, acïn kë lɔ wai nu tëde keek, kenïïm ayï kepiɔ̈ɔ̈th acïk nhiany kedhie.

Tito 3:2

Ku ë cïn raan yek lat, ë cïn akɔ̈ŋ yek kɔɔr, ë ke ye jam ëmääth, ku bïk kuur ee kek röt kuɔɔr piny cï dikëdik nyuöth raan ëbɛ̈n.

Ɣeberuu 12:11

Të cïï wo dui në ee kaam thiin manë guöp, wok ee piɔ̈ɔ̈th jiɛth në arɛɛm, ku na miäk ke kɔc ë cï piɔ̈ɔ̈th kɔn jiɛth në dui ë Bɛ̈nydït, ayek luɔk në mïth ke piathëpiɔ̈u ku mät në kë ë wëët ë keek.

Ɣeberuu 12:14

Yïn wekë kɔc rɛ̈ɛ̈r wek ëtök, yak them në luɔi bä wek aa rëër në rëër ɣeric ku mät. Na kɛ̈nkï wepiɔ̈ɔ̈th tɔ ɣer ke we cïï Bɛ̈nydït bï tïŋ.

Jakop 1:17

Miɔ̈c piɛth ëbɛ̈n, ku miɔ̈c cï dikëdik ëbɛ̈n, abɔ̈ tënhial tëde Nhialic, ke lööny piny tëde Aciëŋ de ɣɛɛrëpiny, Raan cïï yepiɔ̈u ee pɔ̈ɔ̈k, ku cïn atïptïïp de yäl de rɔt.

Jakop 1:5

Ku na de raan në weyiic raan dɛk ë pɛlënɔm, ke lim tëde Nhialic, Raan ee kɔc miɔɔc kedhie ë dhuëëŋ, ku cïï kɔc ee gɔ̈k, ku abï gäm en.

Jakop 2:13

Raan ee käŋ looi ë giɛɛŋ, ke löŋde abï guiir ë giɛɛŋ, ku acïn kokdepiɔ̈u bï yök, ku kokdepiɔ̈u ee rɔt leec ë kööl ë guiëërëlöŋ.

Jakop 2:4

ke we kën kɔc jɔ guɔ pɔc wei ë weyiic, ku takï röt ee bäny ee lööŋ rac bɛ̈ɛ̈i?

Jakop 3:15

Kënë acie pɛlënɔm bɔ̈ nhial, ee këde piny tei, ee këde raan piɔ̈u, ku ye këde jɔŋ rac.

Jakop 4:8

Yak röt cuöt Nhialic, ke bï rɔt aa cuöt week. Wakkï wecin abïk piath, we kɔc ee kërac looi, ku takï wepiɔ̈ɔ̈th agɔk, wek kɔc ee piɔ̈ɔ̈th rou.

1 Pet 1:22

Ku nɔn cä wek wepiɔ̈ɔ̈th tɔ ɣer në gäm cä wek yic gam në riɛl ë Wëidït, gäm cï we yiëk piɔ̈ɔ̈th nhiëër aa wek mïthëkɔckun nhiaar ë nhiëër cïnic lueth, ke we nhiaar röt arëët ë piɔ̈n ɣeric ëwic:

1 Pet 2:1

Yen päl wek racëpiɔ̈u ëbɛ̈n, ku ruëëny ëbɛ̈n, ku piɔ̈n deyic aguk, ku tiɛɛl, ku jam rac ëbɛ̈n.

1 Pet 2:18

Wek lïïm, yak rëër ë bänykun cök në riëëu aa wek ke riëëu, ku acie bäny piɛth kapäc, bäny ee jam ëmääth, ee bäny ee jam ke ke guël lööŋ, kek abä wek ke rëër ë kecök aya.

1 Jɔn 3:18

Wek mïththiaakäŋ, duökï kɔc ë nhiaar në jam tei, ku në liep tei, yok kɔc nhiaar në luɔi ku në yic.

1 Jɔn 3:3

Ku raan ëbɛ̈n raan cath ke aŋäthë aŋäth ŋɛ̈ɛ̈th en en, ee yepiɔ̈u tɔ lɔ wai cït man le en piɔ̈u wai.