Jakop 2:14 - JAM DE NHIALIC 2011

¹⁴ Naamde akou, wek mïthëkɔckuɔ, të lueelë raan en an, Yɛn cath wo gäm, ku liu luɔi tëde yen? Duëërë gäm kony?

Jakop 2:14 ပူးပေါင်းရင်းမြစ်များ

Jeremia 7:8

“Tiëŋkï wek ee wël ke mɛth ŋɔ̈ɔ̈th.

Math 5:20

Wek yɔ̈ɔ̈k an, “të kën wok kɔc wöör në piathëpiɔ̈u kɔc ë löŋ gɔ̈ɔ̈r kekë Parithai, ke we cïï bï lɔ ë ciɛɛŋ de paannhialic anandun.

Luk 3:11

Go bɛ̈ɛ̈r, yöök keek an, “Raan de aluluut kaarou, ke gɛm tök raan cïn aluluut, ayï raan de këcam, ke looi aya.”

Luk 6:49

Ku raan ë wël piŋ, ku cïï keek ee looi, yen acït raan ë ɣöt yïk ë tiɔp nɔm ke cïn këërkëër cï wec, go piëëu röt jäp ee ɣönë kɔ̈u, ku jɔ dap wïïk ënɔnthiinë, go ɣönë riääk ë riääk dït!”

Luɔi 15:9

Ku acïn puny cï en wo pɔ̈ɔ̈c yiic, wook në keek, wään cï en keek waak piɔ̈ɔ̈th në gäm.

Luɔi 8:13

Go Thimon guöp gam ayadäŋ: na wën, aacï baptith, ke ye cool ë rɛ̈ɛ̈r kekë Pilip, ku gɛ̈i, wën cï en göök cï looi tïŋ ayï kake gäi.

Luɔi 8:21

Jamë yïn liu thïn ëliŋliŋ: piɔ̈ndu acïï piɛth ë Nhialic nyin.

Romai 2:25

Cuɛ̈l ee këpiɛth ë yic, të döt yïn löŋ apiɛth, ku të ee yïn raan ë löŋ wööcic, ke cuɛ̈ldu acï tɔ ye ciën cuɛ̈l.

1 Kor 15:2

Ku yek wël cï we kony wëi ë keek, të ya wek jam cä guiëër week cök ë mɔ̈k wek e, të kën wek pëër gamic tei.

1 Kor 16:22

Na de raan cïï Bɛ̈nydït Yecu Kërtho nhiaar, ka bï guöp dɛ aciɛɛn! Bɛ̈nydïïtda ka bɔ̈yë!

Galatai 5:13

Ee cäth bä wek aa cath ë nɔm lääu yen aa cɔɔl ë week, wek mïthëkɔckuɔ, ku cäth aa wek cath ë nɔm lääu duökï ye kuöc dɔm, takï ye kë de luɔi de guöp, ku yak röt luööi cït man ë lïïm, në nhiëër aa wek röt nhiaar.

Galatai 5:6

Ku në Kërtho Yecu yic cuɛ̈l acïn naamde ayï luɔi kënë raan cueel, ee gäm lui në nhiëër en ade nɔm.

1 Theth 1:3

Luɔiduön ë gäm ayok tak acïn pëk, ku takku luɔiduön ë nhiëër, ku aŋäth aa wek Bɛ̈nydït Yecu Kërtho ŋɔ̈ɔ̈th në liɛɛr ë wekpiɔ̈ɔ̈th ë Nhialic Wääda nɔm.

1 Tim 1:5

Thar ë jam cï guiir en aye nhiëër ee kɔc röt nhiaar në piɔ̈n awai ku në ŋïny ee raan epiɔ̈u ŋic nɔn piɛth en ëgɔk, ku në gäm cïnic mɛthë nyin.

1 Tim 4:8

Yïr ee raan e guöp yïïr ade naamdɛn thiinakäŋ: ku riëëu ee raan Nhialic riëëu ade naamdɛn dït ë këriëëc ëbɛ̈n, ee raan tɔ ŋɔ̈th në këde pïïr ënɔɔnë, ayï këde pïïr bï bɛ̈n.

Tito 1:16

Ayek lueel an, ŋickï Nhialic, ku yek jäi në luɔiden, ee kɔc rac ëtaiwei, ayek löŋ rɛɛc piŋ, ku cïnkï naamden në luɔi piɛth ëbɛ̈n.

Tito 3:8

Ee jam yic ee kënë. Ku yɛn de piɔ̈u luɔi bï yïn kakë aa ŋak nïïm arëët, ke kɔc cï Nhialic gam ke ke bï röt tiit apiɛth, agokï aa cool ë loi luɔi piɛth. Kakë apiɛthkï ku adekï naamden tëde kɔc.

Ɣeberuu 11:17

Aa ye gäm de yic aŋäth, yen aa gɛm Abraɣam wëndɛn Yithaak ke ye miɔ̈c nɛ̈k Nhialic në thëm ë them En en.

Ɣeberuu 13:9

Yen duö wek röt ee tɔ thelë tɛ̈n ku tɛ̈n, yak röt pëën ke we cï bï nyaai në kueer ë Kërtho yic ku wëëtde, ku leerë we në wëët luethic. Ë we waar në riɛmde ku lööŋ cï tääu piny në biäk de thɛ̈k de kacaam akënkï we waar. Ayï kɔc ee lööŋkë riëëu acïn këpiɛth cïk luöi keek.

Jakop 1:16

Duökï röt ee tɔ mɛthë, wek mïthëkɔckuɔn nhiaar.

Jakop 2:16

Ku të cï raan tök ë weyiic ke yɔ̈ɔ̈k an, “Jälkï tei, we bï niin apiɛth, we bï gup tuöc tei, ku we bï kuɛth.” Ku kɛ̈nkï keek miɔɔc në ka ke guöp ka bï keek muk, naamde akou?

Jakop 2:18

Yeka, duëërë raan lueel an, “Yïn cath we gäm, ku yɛn cath wo luɔi, nyuöthë yɛn gämdu gäm cïn luɔi cath kekë yen, ku yïn bä nyuöth gämdï në luɔidï.”

Jakop 2:26

Yen ka, acït thon cï guöp thou, guöp cïnic wëi, yen acït thon cï gäm thou, gäm cïn luɔi cath kekë yen.

2 Pet 1:5

Yen ee cöök manë yen a bä wek cök ë thɛm wek en aläl, bäk piɔ̈n piɛth dɔm, matkï kekë gämdun, ku jakï ŋïnydekäŋ mat kekë piɔ̈n piɛth,