Jakop 1:19 - JAM DE NHIALIC 2011

¹⁹ Yen ka, wek mïthëkɔckuɔn nhiaar, raan ëbɛ̈n ë yeyïc mɔth ë pïŋ, ku ye rɔt gɔ̈ɔ̈u në jam, ku ye rɔt gɔ̈ɔ̈u ë agɔ̈th:

Jakop 1:19 ပူးပေါင်းရင်းမြစ်များ

Neɣe 8:18

Gɔl në kööl tueŋ de dhuëëŋ agut cï kööl ë thök de dhuëëŋ, awerek de löŋ de Nhialic aa yek cool ë kueen kek en yic. Aake loi dhuëëŋ në nïn kadhorou yiic, na ɣɔn në kööl ë bɛ̈t ke ke jɔ lɔ̈ŋ de amatnɔm looi, cït man ë kë cï löŋ lueel.

Neɣe 9:17

Acïk Yï rɛɛc thok, ku mɛ̈ɛ̈rkï nïïm në këriëëc ɣɔn cï looi ëbɛ̈n, mɛ̈ɛ̈rkï nïïm në kagɛ̈iyë ke cï ke looi, në lɛcden, gokï röt lɔ̈c bɛ̈ny bï ke dak nïïm në lïïmic paan ë Rip. Ku Yïn ee Nhialic ee kɔc päl awɛ̈ɛ̈c, Yïn de nɔm kok de piɔ̈u, ku nhiëër agɔk ku cïï ee dap gɔ̈th, kok de piɔ̈ndu adït arëët, ka kɛ̈n ë ke nyääŋ piny.

Neɣe 9:3

Në kë cït thɛɛr kadiäk ke löŋ de Bɛ̈nydït Nhialicden ë kuënë keek, ku thɛɛr kɔ̈k kadiäk ke ke gam awɛ̈ɛ̈cken ku läŋkï Bɛ̈nydït Nhialicden.

Jop 32:16

Ku bä jɔ tïït agut cï nɛn, ku akɛ̈ɛ̈ckï ëtɛ̈ɛ̈n ke ke mim ku cïn däŋ bekï lueel?

Kɛ̈ŋ 10:19

Jam juëc, ee raan tɔ wäc, ku tiët ë thok ee pɛlënɔm.

Kɛ̈ŋ 13:3

Tiët ë thok ee wëi gël, ku wël ye dɛɛny ayek raan riɔ̈ɔ̈k.

Kɛ̈ŋ 14:17

Raan ee dap gɔ̈th apiɔl piɔ̈u, ku raan ee kiɛɛr rac tak aye maan.

Kɛ̈ŋ 14:29

Raan ee käŋ täc nïïm ee käŋ yökiic, ku pial ë piɔ̈u ee këde raan ee dap gɔ̈th.

Kɛ̈ŋ 15:18

Raan ee dap gɔ̈th anhiaar teer, ku raan ee käŋ täc nïïm ee mät bɛ̈ɛ̈i.

Kɛ̈ŋ 15:2

Jam de ŋïnydekäŋ ë raan pel nɔm ee kɔc diir, ku thuäär kɔc piɔl piɔ̈ɔ̈th thook në wël cïn naamden.

Kɛ̈ŋ 16:32

Raan cie dap gɔ̈th aŋuän në raan ril në tɔŋic, ku ŋuän raan ee yethok tiit në raan dɔm wut.

Kɛ̈ŋ 17:14

Të cïï agɔ̈th e thar cak aye dap duöm piny ke cï bï ɣeer, aduëër ciët wɛ̈ɛ̈r cïï thɔc dhuɔɔŋ.

Kɛ̈ŋ 17:27

Raan ee käŋ yökiic acie dap gɔ̈th, ee yethok tiit. Ayï mim de raan piɔl piɔ̈u ee ye tɔ tïŋ cït kë pel nɔm.

Kɛ̈ŋ 18:13

Bëër në kë kën ë raan yökic ee ayäär ku yen ee pial ë piɔ̈u.

Kɛ̈ŋ 18:21

Liep ee kony ku ee näk, raan nhiaar en abï ariöpde thiëëp.

Kɛ̈ŋ 19:11

Pɛlënɔm acïï raan ee dap tɔ göth, ku ee dhuëëŋ të yen akɔ̈ɔ̈k täc nɔm.

Kɛ̈ŋ 19:19

Raan ee dap gɔ̈th ee ariöpde yök, na cï kony ke ŋic nɔn bï yïn en aa nyɔk ë kuny.

Kɛ̈ŋ 21:23

Tiët ë thok ee raan gël në katuc thookiic.

Kɛ̈ŋ 25:28

Raan cïï rɔt ee mɔ̈k piny në agɔ̈th, ee ciët wun cïï kalde wïïk cïn kë gël kɔc mɛk en.

Kɛ̈ŋ 29:20

Aŋuɛ̈ɛ̈n ë raan piɔl piɔ̈u në raan ee pɛ̈ɛ̈r ë jamic ke kën kɔn cätic.

Kuɛ̈n 22:27

Na wën, atïŋ ë muul tunynhial ë Bɛ̈nydït, ke tɔ̈c piny. Go Balaam piɔ̈u jɔ diu arëët, go muul dui ë caŋawën në thieec.

Math 5:22

Ku wek yɔ̈ɔ̈k, an, “Raan ëbɛ̈n raan cï ɣɔ̈ric gɔ̈th kekë mɛnhkënë, ka duëër riɔ̈ɔ̈c ë guiëër bï löŋde guiir, ku raan yöök mɛnhkënë, an, Yïn piɔl piɔ̈u, aduëër riɔ̈ɔ̈c ë jäny bï ë jɔ̈ɔ̈ny ë löŋ nɔm, ku raan lueel en, an, “Yïn ee dhɔ̈n, aduëër riɔ̈ɔ̈c ë giɛna de mac.

Mak 12:37

Debid guöp aye tɔ ye Bɛ̈nydït, ku ye wënde adï?” Go kut dïït ë kɔc këde piŋ ke ke mit piɔ̈ɔ̈th.

Mak 2:2

Go kɔc juëc dap guëër ɣöt, arëk acïn të lääu be nu, acakaa ɣöt thok aya, acïn të lääu: go ke guiëër wël.

Luk 15:1

Na ɣɔn, ke kɔc ë athölbö tɔ kut kekë kɔc ë kërac looi ke ke jɔ röt cuöt të nu yen bïk bɛ̈n piŋ.

Luk 19:48

Ku acïn kë cïk yök kë bïk looi: kɔc ëbɛ̈n ayek gɛ̈ɛ̈k ë yelɔ̈ɔ̈m, ke ke piŋ wëlke.

Luɔi 1:15

Ë aköölkë ke Petero jɔt rɔt ë kɔc yiic cil kɔcpiööcë (kuën ë rinken kedhie acït bɔt tök ku thiërrou),

Luɔi 10:33

Yen aa dap ɛn kɔc tuöc yïn ënɔnthiinë, ku yïn ë këpiɛth looi nɔn cï yïn bɛ̈n. Na ënɔɔnë, wok kï ee tënë ë Nhialic nɔm wodhie, buk käŋ bɛ̈n piŋ kedhie, ka cïï Nhialic thɔ̈n yïn.”

Luɔi 13:48

Të cï Juöör kënë piŋ, agokï piɔ̈ɔ̈th miɛt, ku leckï jam ë Nhialic, ago kɔc ëbɛ̈n kɔc cï kɔn lɔc an, bïk dɛ pïïr athɛɛr, agokï gam.

Luɔi 17:11

Ku kɔckë ee kɔc cï ŋiëc dhiëëth awärkï Judai nu Thethalonike, agokï jam dap piŋ në piɔ̈nmit, ku jɔkï kacïgɔ̈ɔ̈r aa woi yiic ë aköölnyïïn kedhie, ke bïk ŋic nɔn tɔ̈uwë käŋ aya.

Luɔi 2:42

Agokï aa cool ë tɔ̈u ë wëëtic wëët ë tuuc, ku yek cool ë abärɔ yic, ku wäŋ ee kuïn wökic, ku lɔ̈ŋic.

Epethiei 4:26

Gɔ̈thkï, ku duökï kërac looi: duökï akɔ̈l tɔ lɔ piny ke we ŋoot ë wek göth:

Epethiei 4:31

Wël tuc ëbɛ̈n, ayï dïtëpiɔ̈u, ayï agɔ̈th, ayï jam arölröl, ayï jam rac ëbɛ̈n, ë ke nyiɛɛiyë ë weyiic, kekë luɔi de anyääk ëbɛ̈n:

Kolothai 3:15

Yak män ë Kërtho tɔ rɛ̈ɛ̈r ë löŋ nɔm ë wepiɔ̈ɔ̈th, yen ee cɔ̈t ë cɔɔlë week në guöp tökic, ku yak dap lueel an, thieithieei.

Kolothai 3:8

Ku ënɔɔnë, pälkï kakë kedhie ayadäŋ: agɔ̈th, dïtëpiɔ̈u, racdepiɔ̈u, lɛ̈ɛ̈t, jam ë rɔ̈ɔ̈th ëbɛ̈n bei ë wethook.

1 Theth 2:13

Yen a ye wok cool ë lec Nhialic acïn pëk, luɔi kɛ̈n wek jam gam cït nɔn ee yen jam de kɔc tei, wään gam wek jam cäk piŋ tëde wook, ku acäk tɔ ye jam ë Nhialic, ku ye jam ë Nhialic ëgɔk, jam ë cool ë lui ë weyiic ayadäŋ wek kɔc gäm.

Jakop 1:16

Duökï röt ee tɔ mɛthë, wek mïthëkɔckuɔn nhiaar.

Jakop 1:2

Yak tɔ ye kë bä wek piɔ̈ɔ̈th miɛt aläl, wek mïthëkɔckuɔ, të ya wek lööny ë thëmic, thëm kith yiic,

Jakop 1:26

Na de raan ë weyiic raan cït kë riëëu Nhialic, ku cïï yeliep ee dɔm, ku ee yepiɔ̈u math tei, ke riëëu riëëuwë raanë Nhialic ee këɣɔ̈ric.

Jakop 2:1

Wek mïthëkɔckuɔ, duökï gäm de Bɛ̈nydan Yecu Kërtho, Bɛ̈nydïït de dhuëëŋ ee muk në kuëny aa wek kɔc kuany yiic.

Jakop 2:5

Piɛŋkï wek mïthëkɔckuɔn nhiaar! Kën Nhialic kɔc kuanynyïïn lɔc, kɔc kuanynyïïn në kakë piny nɔm, bïk aa kɔc dïït ë gäm, ku yek kɔc bï ciɛɛŋ lɔ̈ɔ̈k lak, ciɛɛŋ cïï Nhialic kɔn lueel an, bï gäm kɔc nhiaar en?

Jakop 3:10

Ee thoŋ töŋë en aye athiɛɛi bɛ̈n bei ku yen bïï läm rac bei aya. Acïï piɛth, wek mïthëkɔckuɔ, täu tɔ̈uwë kakë aya.

Jakop 4:11

Duökï röt ee lɛ̈k kërac, wek mïthëkɔckuɔ. Raan ee mɛnhkënë lɛ̈k kërac, ku ye mɛnhkënë gɔ̈k, ee löŋ en lëk kërac, ku ee löŋ en gɛ̈k. Ku të gɛ̈k yïn löŋ, ke yïn cie raan ee löŋ looi, yïn ee bɛ̈ny ee löŋ guiir.

Jakop 5:12

Ku cöök nu ë cök nïïm kedhie, wek mïthëkɔckuɔ, duökï ee kuëëŋ në paannhial, ayï piny nɔm, ayï të de en däŋ ë ye gutguut lueel. Të gäm wek, ke yak lueel an, “Ɣɛɛ”, ku të jai wek, ke yak lueel an, “Ei”, ke we cïï bï yiëk yiëth gääk.

Jakop 5:19

Wek mïthëkɔckuɔ, na de raan ë weyiic raan cï rɔt yal ë yicic, ku jɔ puk piɔ̈u ë raan däŋ,

1 Jɔn 2:21

Acie kuny kuöc wek yic, yen ë gäär ɛn week, ee luɔi ŋiɛc wek yic, ku aŋiɛckï nɔn cïn en luenh ee bɛ̈n tëde yic.