Ɣodh 9:9 - JAM DE NHIALIC 2011

⁹ Acïk cur arëët në luɔi de karɛc yiic, cït man ɣɔn kɔn kek cur në akööl ke Gibia. Nhialic acïï nɔm bï määr në karɛcken. Abï keek luöi këtuc në biäk de awɛ̈ɛ̈cken.

Ɣodh 9:9 ပူးပေါင်းရင်းမြစ်များ

Bɛ̈n 32:7

Go Bɛ̈nydït lɛ̈k Mothe an, “Lɔ piny, kɔckuön wään wɛ̈të bei paan ë Rip acïk röt lɔ̈ɔ̈k riɔ̈ɔ̈k.

Yith 24:5

Kɔc acïk piny jɔ dhiöök, në luɔi cïï kek lööŋ ke Bɛ̈nydït dhuööŋ kɔ̈ɔ̈th, ku në luɔi cï kek löŋ ɣɔn cï mac, löŋ bï tɔ̈u aɣet athɛɛr yal yic.

Yith 31:6

Go Bɛ̈nydït lueel an, “Kɔc ke Yithriɛl, wek cï ya luöi awäc ku rɛɛckï Yɛn. Ku ënɔɔnë, bäkkï ciëën tëde yɛn!

Jeremia 14:10

Aye Bɛ̈nydït lueel në biäk ee kɔckë an, “Ayek nhiaar bïk kat ë Yɛn, ku acïkï röt bï tiit. Ka Yɛn cïï piɔ̈u mit wo keek. Yɛn bï ka cïk wööc tak, ku luöi keek këtuc ë biäk de karɛcken.”

Edhekiɛl 21:28

“Mɛnh ë raan, Cäärë. Caalë kë cä lueel yɛn Bɛ̈nydït Awärjäŋ, lɛ̈kë kɔc ke Ammon ee Yithriɛl läät. lɛ̈kë keek an, ‘Abätäu acï coc ke bï riɔ̈ɔ̈k, acï gɔɔk ke bï näk, abï lɔ biliny cï wilëdeŋ.

Ɣodh 10:9

Aye Bɛ̈nydït lueel an, “Yithriɛl, wek cï wäc, gɔl në akööl wään ke Gibia agut cï ee köölë, we ŋoot ke we wäc. Kën tɔŋ kɔc ee karɛc looi bɛ̈n riɔ̈ɔ̈k ɣɔn në Gibia?

Ɣodh 4:9

Wek bä luöi këtuc ëtök në kɔc, në biäk de karɛc cäk looi.

Ɣodh 5:8

Kuɔthkï kɛŋ ke tɔŋ në Gibia, ku lɛ̈kkï kɔc ke Rama. Kiɛɛukï tɔŋ në Bethaben. Guiɛɛrkï röt baai de Benjamin ee wek abï tɔŋ miɔ̈ɔ̈c.

Ɣodh 7:2

Akuckï luɔi ŋiɛc Ɛn karɛckɛn loikï kedhie. Acïkï ŋic nɔn ŋiɛc Ɛn këriëëc rɛɛcdɛn loikï ëbɛ̈n. Acïï awɛ̈ɛ̈cken ke gɛɛu cil, awɛ̈ɛ̈cken awɔi keek kedhie në cieŋ.

Ɣodh 8:13

Ayek Ɛn gäm miɔ̈c, ku pukkï röt cuetkï rïŋ. Bɛ̈nydït acïï piɔ̈u mit ke keek. Bɛ̈nydït acïï awɛ̈ɛ̈cken bï puɔ̈l, abï keek luöi këtuc në baŋ de karɛcken. Ka abä keek be tɔ ye lïïm, cït man ɣɔn kɔnë keek lïïm paan ë Rip.

Ɣodh 9:8

Nhialic kekë tiëtde kek atit Yithriɛl. Ku wïïn ke dɛ̈p juëc aŋootkï ke ke thiäŋ kuɛɛr ke Yithriɛl yiic, ku wël anukï ɣön ë Nhialic.

Dhep 3:7

Ku aa cä tak an bï kɔckï A yiɛ̈n riëëu ku gamkï duidï, ku cïï ɣöötken bï bɛ nyuän thäär bei, ku ënɔɔnë aŋootkï ke ke loi karɛc cït ëmanë.

Bäny 19:12

Go bɛ̈nyde bɛ̈ɛ̈r an, “Ei, wok cïï bï lɔ wun ë juöör kɔ̈k, kɔc cie Yithriɛl, wo bï ɣet tueŋ Gibia ku nɔn ee Rama wok bï tëde nïn lɔ yök.” Bäär themku buk ɣet Gibia ku nɔn ee Rama, buk lɔ niin wun tök ee wuötkë yiic.

Bäny 19:16

Na ɣɔn thëën ke monydït bɔ̈ tëdɛn ë luɔi domic, aa rɛ̈ɛ̈r në Gibia ëtɛ̈ɛ̈n, në piny ë kuur de Eparaim.

Bäny 19:22

Të wën jɔ kek lɔ ke ke tɔ kepiɔ̈ɔ̈th mit, ke kɔc rac kɔ̈k ke ee wunë ke ke took ɣöndɛn niin kek thïn. Ku gutkï ɣöt thok, ke ke cɔɔl monydït arëët, an, “Bɛ̈ɛ̈iyë mony wën lɔ ɣöndu bei, ke buk bɛ̈n tɔ ye tik!”

Bäny 20:43

Yithriɛl acï kɔc ke Benjamin bɛ̈n tuɔɔk, ku cïkkï piɔ̈ɔ̈th kok në keek në cum cop kek keek abïk ke lɔ gïth ë Gibia të lɔ aköl amiäk.