Ɣodh 9:3 - JAM DE NHIALIC 2011

³ Kɔc ke Yithriɛl acïkï bï bɛ rëër piny de Bɛ̈nydït, kɔc ke Eparaim abïk kenïïm puɔ̈k në lïïmic cït man ɣɔn kɔn kek tɔ̈u paan ë Rip. Ka abïk aa lɔ cam në këcam nhiany piny de Athiriya.

Ɣodh 9:3 ပူးပေါင်းရင်းမြစ်များ

1 Mel 9:7

ku Yɛn bï kɔc ke Yithriɛl nyaai piny wään cä gäm keek, ku Yɛn bï ë Luaŋdïïtë pɔ̈l, Luaŋdïït cä tɔ ɣeric ke ye të bïï Ya aa lɔ̈ŋ thïn. Ku Yithriɛl abï aa kääŋ tëde raan ëbɛ̈n, ku abïï yɔŋ.

2 Mel 17:6

Në ruöön ye run ke Ɣocia dhoŋuan, go melik de Athiriya Thamaria dɔm, ku peec kɔc ke Yithriɛl leerë ke Athiriya, ku tɔ kɔc kɔ̈k rɛ̈ɛ̈r wun cɔl Ɣala, ku tɔ kɔ̈k rɛ̈ɛ̈r në wɛ̈ɛ̈r ë Ɣabor yɔu në aken ë Godhan nɔm, ku tɔ kɔc kɔ̈k rɛ̈ɛ̈r në wuöt ke Media yiic.

Jeremia 16:18

Abä keek tɔ cut raan rou ë biäk de kërɛɛcden ku awɛ̈ɛ̈cken, ë biäk cï kek pinydï dhiöök në yiëthkɛn cïn yiic wëi cï gup cï thou, ku thiäŋkï ë yiëthkɛn Alueth.”

Jeremia 2:7

Acä keek bɛ̈ɛ̈i piny ee ŋiëc luɔk, bïk kak ee luɔk cam ku kapiɛth kɔ̈k. Ku acïk pinydï riɔ̈ɔ̈k, acïk pinydiën cä gäm keek jɔ dhiöök.

Dhiëëu 5:6

Wok cï lɔ lim ë Rip kekë Athiriya, në luɔi bïï wok kuïn bï wo tɔ rɛ̈ɛ̈r apïïr yök.

Edhekiɛl 4:13

Go Bɛ̈nydït lueel an, “Kënë anyooth kueer bïï kɔc ke Yithriɛl dhil aa cam në këcam cïï ë löŋ pëën, të lan ke thiäi në juöör yiic.”

Danyel 1:8

Go Danyel dhel ë yepiɔ̈u nɔn cïï yen rɔt bï riɔ̈ɔ̈k në cäm de kuïn ku dëŋ de mɔ̈n de baai de melik. Go Acepenadh bɛ̈ny tueŋ de rooc yɔ̈ɔ̈k, në luɔi bï yen en pɔ̈l ke cïï rɔt riäk.

Ɣodh 11:11

Abïk dap bɛ̈n ciëën paan ë Rip cït diɛt pär, ku dapkï bɛ̈n ciëën në Athiriya cït guuk ŋic wut. Ku abä keek dɔ̈k nïïm paanden. Ee Yɛn Bɛ̈nydït Yɛn ë luel ee kënë.

Ɣodh 11:5

“Cïkï kenïïm bï bɛ puɔ̈k ë lïïmic, cït man wään në Rip? Cïï Athiriya keek bï cieŋ? Në biäk cï kek puŋ de piɔ̈u rɛɛc.

Ɣodh 7:11

Eparaim acïn piɔ̈u cït ajïth, aye dap math ëthiäu. Ee Rip guɔ cɔɔl ee tëthiinë, na ëlë ke be rɔt guɔ puɔ̈k Athiriya.

Ɣodh 7:16

Acïkï röt ee be puɔ̈k Nhialic Awärjäŋ. Acïkï Yɛn ee bɛ cɔɔl në kepiɔ̈ɔ̈th ëbɛ̈n. Acïk röt goŋ cït dhaŋ ŋɔl kɔ̈u, bänyken abïk thou tɔɔŋ, në luɔi ye bänyken A läät. Abïk thou në akuöörkuöör, ku lee ke leeŋ piɔ̈ɔ̈th paan de Rip.

Ɣodh 8:13

Ayek Ɛn gäm miɔ̈c, ku pukkï röt cuetkï rïŋ. Bɛ̈nydït acïï piɔ̈u mit ke keek. Bɛ̈nydït acïï awɛ̈ɛ̈cken bï puɔ̈l, abï keek luöi këtuc në baŋ de karɛcken. Ka abä keek be tɔ ye lïïm, cït man ɣɔn kɔnë keek lïïm paan ë Rip.

Ɣodh 9:6

Tiëŋkï keek alekkï Athiriya. Na cakkï poth në riääk thok, abïï Rip keek määt yiic, ku tɔ̈ɔ̈u keek në Mempeth! Atekken abï keek peec, ku pɛɛnykɛn ɣɔn cïk kɔn ceŋ yiic, abïk yiic cil në thil ku kuɔɔth.

Lebai 18:28

Ku na lak piny lɔ riɔ̈ɔ̈k. Abï week ŋak wei, cït man ɣɔn kɔn en juöör wään tɔ̈u ë wenïïm tueŋ ŋak wei.

Lebai 20:22

Go Bɛ̈nydït lueel an, “Dɔ̈tkï wëëtdï kedhie kekë lööŋkï ku kuanykï keek cök. Ago piny lɛɛr Ɛn week thïn, bäk lɔ cieŋ, ago week cïï gök bei.

Lebai 25:23

Piny acïï bï dhil ɣaac liŋliŋ, në biäk ye piny këdï, ku week ee kɔc lei tei, ku yak kɔckiën ee tïït.

Amoth 7:17

Ku ënɔɔnë, aye Bɛ̈nydït lueel an, ‘Tiiŋdu abï aa akɔɔrröör wutic, ku wɛ̈ɛ̈tku ku duet ku mïthku abïk wïïk në abätäu, ku Pinydu abï tek në awiɛi. Ku yïn bï lɔ thou piny ë kɔc kuc Nhialic. Ku kɔc ke Yithriɛl abïï keek peec pinyden leerë keek piny lei.’ ”

Maika 2:10

Ka week, jatkï röt jälkï, wek cï bï bɛ lɔ̈ŋ eenë taitai. Awänydun ë piny ë Yithriɛl riɔ̈ɔ̈k ë taiwei, ka cïï duëër kɔn bɛ piath.

Luɔi 10:14

Go Petero jai an, “Ei, Bɛ̈nydït, kërac ayï kënhiany akɛ̈n ke kɔn cam anandï!”

Nyöŋ 28:63

Cït man Ye Bɛ̈nydït piɔ̈u miɛt në kuɛthdunic, ku juëc bä wek juëc, yen abï Yen piɔ̈u miɛt aya në riääk riëëk En week, ku bïï riääk dït tëde week. Wek bï cuän bei në piny bäk lɔ nöömë yic.

Nyöŋ 28:68

Bɛ̈nydït abï week tuɔɔc ciëën Rip në abëël wïïr, cakaa nɔn cï Yen ë lueel an, wek cïï duëër bɛ lɔ ëtɛ̈ɛ̈n taitai. Ëtɛ̈ɛ̈n we bï röt ɣɔ̈c kɔc ke aterdun ke we ye lïïm, ku acïn raan bï piɔ̈u de luɔi ɣɔɔc en week.

Nyöŋ 4:26

Yɛn cï tënhial cɔɔl kekë piny ee köölë, bïk bɛ̈n daai në këdun, an, na lak yɛn cïï lɔ riëëu, ke we bï dap riäär ee pinyë yic. Wek cïï bï rëër aläl në ë piny tɔ̈u ë Jordan nɔm lɔŋtui, pinyduön bäk lɔ nöömë. Wek bï riɔ̈ɔ̈r nyïïn taitai.

Jocua 23:15

Cït man cïï thön piɛth kiith wään cïï Bɛ̈nydït Nhialicdun than tiiŋ kedhie, yen luɔi bïï këriëëc kɔ̈k cï lueel ëbɛ̈n ŋoot ke ke tiiŋ röt ka aya. Acï lueel aa bï we tɔ yök ë riääkdït në ee piny piɛɛth cï gäm weekë.