Ɣodh 9:17 - JAM DE NHIALIC 2011

¹⁷ Go Ɣodhiya lueel an, “Abï Nhialicdï keek rɛɛc, në baŋ kën kek En piŋ thok. Abïk riäu baaŋ në juöör yiic ëbɛ̈n.

Ɣodh 9:17 ပူးပေါင်းရင်းမြစ်များ

2 Lëk 18:13

Go Mikaya pɔ̈k nɔm en an, “Cït man pïïr ë Bɛ̈nydït, yɛn bï kë cïï Nhialicdï lɛ̈k ɛn yen abä lueel!”

2 Lëk 36:16

Gokï tuuc ke Nhialic dɔl gup, ku dhɛ̈lkï wëlkɛn lueelkï yiic, ku buikï tïtke gup, aɣët abï agönh de Bɛ̈nydït dït në kɔcke gup ku cïn luɔi bïï ë kɔc ban.

Neɣe 5:19

Yïn läŋ, Yïn Nhialic, ye ka cä luöi ë kɔckë tak ke ke ye ariöpdiën de athiɛɛi.

Diɛt 31:14

Ee Yïn aŋääth Bɛ̈nydït, ee Yïn ee Nhialicdï.

Kɛ̈ŋ 29:1

Raan ee cool ë jiëënyë yen ku cïï gäm, ee bɛ̈n dhuɔŋ ëthiäu ku acie bɛ piath anande.

Yith 48:18

“Na piɛŋkï lööŋ cä lɛ̈k week tei! Ke athiɛɛi aduëër we kuany cök cït man ë nyin ë pïïu cie dëu! Ku piathëpiɔ̈u aduëër ciët apiöŋ de pïïu në wɛ̈ɛ̈r yɔu.

Yith 7:13

Go Yithaya bɛ̈ɛ̈r an, “Piɛŋkï ënɔɔnë wek kuat ë melik Debid. Arac aläl tëde week bäk kɔc tɔ bäp piɔ̈ɔ̈th, ku kaarkï bäk Nhialic tɔ bäp piɔ̈u aya?

Jeremia 6:30

Abï keek aa cɔl kɔc cïn naamden, në biäk cän keek rɛɛc Yɛn Bɛ̈nydït.”

Jeremia 7:13

Wek cï ee karɛckë looi, cakaa nɔn yan we yɔ̈ɔ̈k ë ceŋ, wek cï jamdï rɛɛc. Wek cie gam të caal Ɛn week.

Jeremia 7:15

Wek bä cuɔp wei në yalɔ̈ɔ̈m, cït man wään cuɔp Ɛn kɔckun, kɔc ke Yithriɛl. Acä lueel, Yɛn Bɛ̈nydït.”

Ɣodh 4:10

Wek bï aa cam, ku cäkï kueth. Wek bï diäär aa kɔɔr arëët, ku cäkï kɛɛr. Në baŋ cä wek Bɛ̈nydït pɔ̈l, ku kuanykï yiëth cök ka acïk ciët tiiŋ cï köör.

Ɣodh 4:6

Kɔckï abä keek riɔ̈ɔ̈k në biäk kuc kek Ɛn. Në baŋ cä wek ŋïnydï rɛɛc wek bäny ke kake Nhialic, wek cä keek jäi, ka wek cïï bï bɛ ya bänykiën ke kake Nhialic. Në luɔi cä wek nïïm määr në löŋ de Nhialicdun, Yɛn bï nɔm määr ayadäŋ në mïthkun.

Ɣodh 7:13

“Amawoou në week! Në biäk de kɔc cï Ya nyääŋ piny. Acïk riääk yök në baŋ cï kek wöc në Yɛn! Akaar an luäk keek, ku ayek lɔ ë ke jiëëm Ɛn guöp arac në lueth.

Amoth 8:2

Go Bɛ̈nydït a luɔp an, “Eeŋö cï tïŋ Amoth? Guɔ puk nɔm an, “Ee diöny de mïth ke tiim amäi. Go ë Bɛ̈nydït lɛ̈k ɛn an, “Akööl ciëën acïk bɛ̈n tëde kɔckiën ke Yithriɛl. Yɛn cïï A nɔm bï bɛ waar në luɔi bän keek luöi këtuc.

Amoth 9:9

“Yɛn bï löŋ tääu piny, bä baai de Yithriɛl kïïc në juööriic ëbɛ̈n, cït man ye rap kïïc në atɛ̈ny. Ke ya bï kɔc cïn naamden nyaai.

Maika 7:7

Ku yɛn bï Bɛ̈nydït woi nyin, ku tiɛɛt Nhialicdï në luɔi bï yen a kony, ku Nhialicdï abï ya piŋ thok.

Dhek 1:4

Duökï be ciët kuarkun, kɔc ɣɔn ye tït ke guiëër jamdï. Acï Bɛ̈nydït de rɛm lueel an, ‘Pälkï karɛckuön yak looi. Ku acïkï jamdï ee piŋ, ku cïkï ya riëëu.’

Jɔn 20:17

Go Yecu yɔ̈ɔ̈k an, “Du ya jak guöp, yɛn ŋoot ke yɛn kën lɔ nhial tëde wäär. Jɔ lɔ tëde wɛ̈ɛ̈tamäthkuɔ, lɛ̈kë keek, an, Yɛn lɔ nhial tëde Wäär, ku ye Wuöördun, ku la tëde Nhialicdï, ku ye Nhialicdun.”

Jɔn 20:28

Go Thoma bɛ̈ɛ̈r, lueel an, “Bɛ̈nydiëndït, ku Nhialicdï.”

Jɔn 7:35

Go Judai lueel kapäc, an, “Ee tënou bï raanë lɔ thïn, të cïï wok en bï yök? Bï lɔ tëde kɔc cï thiëi ë Girikii yiic, le Girikii aa wɛ̈ɛ̈t?

Luɔi 3:23

Ku ëyic, raan ëbɛ̈n raan bï këde tiët rɛɛc piŋ, ka bï määr ëtaiwei ë kɔc yiic.

Nyöŋ 32:26

Aduëër keek riɔ̈ɔ̈r nyïïn taitai, ago ciën raan bï keek bɛ tak.

Nyöŋ 4:25

“Ayï miäk të la wek ceŋ aläl ee paanë, ku lak nïïm dɛ mïth ku mïth ke mïthkun, duökï kërac loi, në luɔi bä wek röt luöi yanh de guöp taitai. Kënë arac në Bɛ̈nydït nyin, ku abï Yen tɔ göth.

Nyöŋ 4:27

Bɛ̈nydït abï week thiäi piny ë juööriic, të bïï kɔc liaakäŋ kapäc lɔ pïïr ë we yiic.

Pilipoi 4:19

Ku Nhialicdï abï we tɔ kueth në këdak week ëbɛ̈n në juëc ë kakɛn nu paandɛn ë dhuëëŋ ë Kërtho Yecuyic.

Jakop 1:1

Jakop, lïm ë Nhialic kekë Bɛ̈nydït Yecu Kërtho: Athiëc dhiëën kathiëër ku rou, juöör cï thiëi roor.