Ɣodh 9:1 - JAM DE NHIALIC 2011

¹ Wek kɔc ke Yithriɛl, duökï dhuëëŋ loi cï juöör kën gam. Wek kën kake Nhialicdun döt, wek nhiaar ariöp de akɔɔrröör cït man ya wek en tak nɔn yen yiëth kek ee week gäm jööŋ ke rap!

Ɣodh 9:1 ပူးပေါင်းရင်းမြစ်များ

Diɛt 73:27

Kɔc ee Yïn nyääŋ piny abïk thou ë yic, Yïn bï kɔc cïn adöt tëde Yïn riɔ̈ɔ̈k.

Yith 17:11

Ku të ciɛk kek nyok ku mockï gaak, në kööl man ë com ë ke, abï ŋoot ke cïn kë bäk tem. Ku kë bï tɔ̈u ee nuan ku arɛɛm cie dem.

Jeremia 2:19

Awänyduön cäk loi yen abï we luöi këtuc, ku jäldun tëde Yɛn abï we luöi këtuc. Abäk ŋic nɔn tuc en thok ku rɛɛc, yen kë cä wek Ɛn nyääŋ piny, Yɛn Bɛ̈nydït Nhialicdun, ku bɛkï piɔ̈ɔ̈th ciɛ̈n adöt në Yɛn. Acä lueel, Yɛn Bɛ̈nydït Awärjäŋ.”

Jeremia 2:20

Aye Bɛ̈nydït lueel an, “Yithriɛl ɣɔn thɛɛr yïn aacï bäänydï rɛɛc, yïn cï jaai bä ya riëëu ku lam Ɛn. Në kur bär nïïm ëbɛ̈n, ku në tiim tɔ̈c thäär ëbɛ̈n, yïn aaye yiëth ee käŋ tɔ lok lam.

Jeremia 44:17

Ku wo bï këriëëc ëbɛ̈n looi, kë cuk lueel an buk looi. Wok bï wal ŋïr nyuöp tiiŋ melik de paannhial, ku abuk wäl nɔm mɔ̈u, cït man ɣɔn ye wok ye looi në kuarkuɔ, ku meliikuɔ ku bänykuɔ ë wuöt ke Juda yiic ku kuɛɛr ke Jeruthalem yiic. Wok cï nïïm dɛ kacaam juëc, ku kuethku, ku aa cïn nuan ë nu.

Dhiëëu 4:21

Dalkï kɔc ke Edom ku Udh, miɛtëpiɔ̈u të lëu wek en ënɔɔnë. Riääkdun abɔ̈ ayadäŋ, yïn bï tuëk aya ke yï cïn kɔ̈u lupɔ në ayäär.

Edhekiɛl 16:15

“Ku yïn cï dikdu guɔ ŋɔ̈ɔ̈th, ku cï dɛ kɛk ee yïn akɔɔrröör ee niin we raan ëbɛ̈n, raan cï bɛ̈n në yïlɔ̈ɔ̈m.

Edhekiɛl 16:30

Kën ye Bɛ̈nydït Awärjäŋ lueel kï an, “Yïn cï ee kakë kedhie looi, ke ye tiiŋ akɔɔrröör cïï guöp ee yäär.

Edhekiɛl 20:32

Acäk tak ë wepiɔ̈ɔ̈th, nɔn kaar wek bäk ciët juöör kɔ̈k, ku bäk ciët dhiëën kɔ̈k rëër në juöör kɔ̈k yiic, ku bäk tiim ayï kur lam. Ku kënë acïï rɔt duëër looi.

Edhekiɛl 21:10

Acï theer thok ke bï näk, acï gɔɔk ke bï aa lɔ biliny cï wilëdeŋ. Aduëër ciën miɛtëpiɔ̈u ëtɛ̈ɛ̈n, në biäk cïï kɔckï jäny ku këtuuc bï luöi keek rɛɛc.

Ɣodh 10:5

Kɔc cieŋ Thamaria, ayek riɔ̈ɔ̈c në yanh dau, dan de Bethaben. Ku yen ee yanhë, abïï kɔc de ye dhiëëu mɛ̈tkï në bänyke, në baŋ de diɛkde në luɔi bïï ë ye peec.

Ɣodh 2:12

Ku tiimkɛn ke enap abä keek riɔ̈ɔ̈k, ayï tiimkɛn ke ŋaap, tiim yek lueel an ë röörken kek ë riɔp keek në keek. Abä keek tɔ ye roor, ku abïï läi roor ke riɔ̈ɔ̈k.

Ɣodh 4:12

Ka ayek luny de tim ril yɔ̈ɔ̈k an nyuth keek nyuuth! Ku lëkkï thieec an guïïr keek kë kɔɔrkï bïk ŋic! Acïk Ɛn nyääŋ piny Yɛn Nhialicden. Acïï dhööm ë kepiɔ̈ɔ̈th keek thɛl wei, ka acïkï be diɛɛr në Nhialic.

Ɣodh 5:4

Kërɛɛcdɛn cïk looi yen apën keek puŋ puk kek röt Nhialicden. Acïï dhööm ke thiɔ̈ɔ̈ŋ piɔ̈ɔ̈th, ka acïk ŋïny de Bɛ̈nydïtden rɛɛc.

Ɣodh 5:7

Acïk Bɛ̈nydït luööi të cïn gäm. Ku mïthken acïkï ee mïth ke Nhialic. Ku abïï Nhialic keek riɔ̈ɔ̈k ayï duumken në biäk de dhuëëŋdɛn de wil ë pɛɛi ye kek yiëth guöt.

Amoth 3:2

“Ee wek cä lɔc wapäc në juöör ke pinynɔm yiic kedhie, ku tiɛɛt week. Yen kë tɔ we loi kërac ka arëët. Ka wek bä luöi këtuc në biäk de karɛc juëc cäk looi.

Amoth 4:5

Wek ee miɔ̈c lɛɛc wek Nhialic, ku miɔ̈c de thieithieei gam, ku gamkï miɔ̈cduön däŋ cäk tak lɛɛc wek röt! Cie kë nhiaarkï bäk looi ka wek Yithriɛl? Kë cïï Bɛ̈nydït lueel ka.

Amoth 6:13

Wek ee röt lɛɛc në luɔi cä wek pänydït de Lodebar peec, ku lɛckï wenïïm an, ë we rum Karnaim në riɛldun. Yïn ee rɔt lɛɛc, “Wok aake ril buk Karnaim nööm.”

Amoth 8:10

Aköölkuön ke dhuëëŋ abä ke puk abïk ya akööl ke dhiëëu, ku pɔ̈k aköölkuön ke diɛt ke miɛtëpiɔ̈u, ke ke ye akööl ke diɛt ke jiɛthëpiɔ̈u ke tuaar. Wek bä tɔ mut wenïïm, ku ciɛŋkï lupɔɔ ke cual, ka wek bï ciët wun meth kekë man meth dhiëëu wëndɛn tök. Ku yen ee köölë abï thök ke kec.

Jakop 4:16

Ku ënɔɔnë, wek ee röt tɔ ye adhuëŋ në lɛc aa wek röt leec, lɛc cït ee kënë ëbɛ̈n ee kërac.

Jakop 5:1

Cai week, wek kɔc kueth, dhiaukï abäk kiɛɛu moc, në katuc bɔ̈ ka bï we dhal!