Ɣodh 8:7 - JAM DE NHIALIC 2011

⁷ Ayek ɣääriic com, ku ee kek temkï. Belken acïnkï nïïm rap, ka acïnkï këcam. Na cakkï luɔk, abï kɔc lei ke cam.

Ɣodh 8:7 ပူးပေါင်းရင်းမြစ်များ

Cäk 41:23

Ku löök nïïm kɔ̈k kadhorou luɔk, ke ke kor nïïm, ku cïnkï nyïïn rap apiɛth. Në luɔi ye abiɔ̈r ë yom de aköl amiäk ke biöör.

2 Mel 15:19

Go Tiglath Pilethar melik de Athiriya bɛ̈n bïï pinyden mak, go Menaɣem ye gäm aguum kathiërdiäk ku ŋuan 34,000 ke kilɔɔ gram ke ateek, ke bï yen kuɔny, ago Menaɣem tɔ̈u në riɛlde yic ke mac wunde.

2 Mel 15:29

Në akööl ke bääny de Peka melik de Yithriɛl, yen aa dɔmë Tiglath Pilethar, melik de Athiriya wuötkë: yï Yijon, Abel Beth Maaka, Janowa, ku Kedec, ku Ɣadhor, ku piiny ke Giliyad ku Galili, ku Naptali, ku lee kɔc Athiriya ke ke mac.

Jop 4:8

Cït man cän en kɔn tïŋ, kɔc ee karɛc com ku nuɛɛn, yen kë yek jɔ tem ka.

Kɛ̈ŋ 22:8

Raan ee luɔi rac com nyin ee riääk tem, ku riɛldɛn yen kɔc miɛn aye tɔ kääc.

Wɛ̈ɛ̈t 5:16

Cït man ee raan bɛ̈n, yen aye yen jäl, ku kë ye yök thïn në luɔɔide yic ëbɛ̈n, cie yom? Ku kënë ayadäŋ ee kërɛɛc de jiɛthëpiɔ̈u.

Yith 17:11

Ku të ciɛk kek nyok ku mockï gaak, në kööl man ë com ë ke, abï ŋoot ke cïn kë bäk tem. Ku kë bï tɔ̈u ee nuan ku arɛɛm cie dem.

Yith 55:2

Eeŋö aa wek wëu riɔ̈ɔ̈r në ka cïï week bï kueth? Eeŋö aa wek ariöpdun thöl ku yak ŋoot ke we nɛ̈k cɔk? Piɛŋkï kë luɛɛl, ku luɔikï cït man luɛɛl Ɛn en, ku yïn bï piɔ̈u miɛt we këcam mit wär kacaam ëbɛ̈n.

Yith 66:15

Bɛ̈nydït abï bɛ̈n ke mac. Abï bɛ̈n në wuök ke amaŋ kɔ̈ɔ̈th, bïï kɔc göth e yen bɛ̈n luöi këtuc.

Jeremia 12:13

Kɔckï ayek agamɔ com, ku temkï wal, acïk lui aläl, ku acïn kë yek yök ë luɔi yic. Në biäk de agönhdiën tuc, rɛɛpken akënkï luɔk.”

Dhiëëu 5:2

Kakuɔ atɔ̈ukï në kɔc lei cin, juöör arëërkï në ɣöötkuɔ yiic.

Ɣodh 2:9

Ku ënɔɔnë, Yɛn bï rɛɛpkï kuany nïïm, ku kuany mɔ̈u nɔm, ku kuany lupɔɔ nïïm, ayï linɔn, ɣɔn cä gäm keek bï kek aa kum.

Ɣodh 7:9

Juöör athölkï riɛl de Yithriɛl wei, ku akuc ë Yithriɛl. Ku Yithriɛl ë nɔm lou ke kuc në yepiɔ̈u.

Ɣodh 9:16

Eparaim acït tim cïï kɔ̈m meike cam ka yë biɔɔr. Acïï duëër bɛ luɔk në mïth. Ku na ë ke cak mïth dhiëëth, mïthkɛn nhiaarkï abä keek nɔ̈k kedhie.

Naɣum 1:3

Bɛ̈nydït acie dap gɔ̈th ku aril arëët. Ku acïï kɔc de gup gääk bï pɔ̈l ke ke kën luöi këtuc. Ee cath kekë amaŋ, ku yom de kɔɔr. Ku luät kek aye tɔr de Yen cök!

Ɣagai 1:6

Wek ee ka juëc com, na miäk ke we tem ka lik. Wek de nïïm kacamkï, ku acïkï week ee kueth. Wek de nïïm mɔ̈n yak dek, ku acïkï week ee kueth! Wek de nïïm lupɔɔ ke kum, ku acïkï week ee tɔ tuc gup. Ku raan ee luui acïï ariöpde ee lëu.

Galatai 6:7

Duökï röt tɔ mɛthë, Nhialic acie dɔl guöp: të de yen kë com raan, ke yen abï tem aya.

Galatai 6:8

Raan ee com në këde guöpde, ka bï këde guöp tem, en aye dhiap de käŋ, ku raan ee com në këde Wëi, abï këde Wëi tem, yen aye pïïr athɛɛr.

Nyöŋ 28:33

Jur lei abï rɛɛpkun jɔt ëbɛ̈n, rɛɛp cäk keek puur në luɔi ril ke ke bï luɔk, acïn kë bäk yök thïn, ee yaaŋ cuth rɔt kekë luɔi rac.