Ɣodh 8:6 - JAM DE NHIALIC 2011

⁶ Acie Nhialic Yen ë cuëc ee yanhë, ee kɔc kek ë loi yen kapäc. Dan ë Thamaria, abï dhuööŋ abï lɔ thorthor.

Ɣodh 8:6 ပူးပေါင်းရင်းမြစ်များ

2 Mel 23:15

Ayadäŋ ë yïïŋ de läm de Bethel ɣɔn yïk ë Jerobowam wën ë Nebat jäp piny, raan ɣɔn tɔ kɔc ke Yithriɛl wäc. Ku mot keek abïk aa rop, ku nyop yanh tiiŋ cɔl Acera.

2 Mel 23:19

Go yïïk ke läm ke ɣään thöny nu në wuöt ke Thamaria yiic riɔ̈ɔ̈k, yïïk ɣɔn looi ë meliik ke Yithriɛl keek ëbɛ̈n, ka wään tɔ Bɛ̈nydït göth arëët, acï melik Jothia ke bɛ̈n nyaai, aa lui ke kë cït kë cï looi në Bethel.

2 Lëk 13:8

Ku ënɔɔnë wek kɔɔr bäk thɔ̈ɔ̈r wekë kɔc cï Bɛ̈nydït gäm Debid kekë kuatde. Wek de nïïm rem dïït de tɔŋ, ku cathkï në thon ë weŋ, cï Jerobowam cuëëc në adhääp bïï aa yanhduön.

2 Lëk 31:1

Na wën cï luɔi de dhuëëŋ thök, ke kɔc ke Yithriɛl ë ke lɔ ë wuöt ke Juda yiic kedhie, ku dhoŋkï mën ke kur piny, ku yepkï kïït ke yanh tik Acera piny, ku riäkkï yïk, ku ɣään ye kɔc ke yiëth lam thïn. Ku loikï ee kënë ë wuöt ke kɔ̈k ke Juda yiic, ku bɛ̈i kɔ̈k ke yï Benjamin, ku Eparaim, ku Manatha, ku jɔkï kenïïm bɛ̈n pɔ̈k ë bɛ̈iken yiic.

Jeremia 10:14

Ku të cï ee kakë tïŋ, kɔc ayek aa dhän ku cïnkï nïïm, kɔc ee yiëth looi ayek gup yäär, në biäk ye yiëth yek looi lueth ku cïnkï yiic wëi.

Jeremia 48:13

Ëtɛ̈ɛ̈n kɔc ke Mowap abïk gup riɔ̈ɔ̈c në yanhden Cemoc, cït man ɣɔn cï baai de Yithriɛl gup kɔn riɔ̈ɔ̈c në Bethel, yanh wään yek ŋɔ̈ɔ̈th.

Jeremia 50:2

“lɛ̈kë thok juöör! Guiir jam! Nyuɔɔthë kïït ku caalë thok! Du muk ke ee kë cï moony! Babilon acï wïïk! Marduk yanhde acï dhuööŋ! Yiëth ke Babilon acï keek tɔ yäär gup, yiëthkɛn nhiany gup acï ke dum yiic!

Ɣodh 10:2

Adekï yiic aguuk, ka abïk awänyden dhil thiëëp thok. Bɛ̈nydït abï yïïkken riäär piny, ku riëëk mënkɛn yaath.

Ɣodh 13:2

Ku ënɔɔnë, ayek awäc gïtic në luɔi ë cieŋ. Acïk röt luöi yiëth ke nɔmden në atekken. Yiëth cï atëët ke ŋiëc cuëëc ka acïk dikëdik, acïkï ee Nhialic. Ku yek lueel an näkkï yiëth miɔ̈c! Ku duëër kɔc yiëthkï ciim thook adï, yiëth cït gup dau!

Ɣodh 14:3

Athiriya acïï wook duëër kɔn luök taitai. Ku wok cï bï bɛ kɛɛc në jöŋgöör ke tɔŋ kɔ̈ɔ̈th. Ku acuku bï bɛ nyɔk ë lëk wok en yiëthkuɔn ë loiku keek në wocin, an wek ee Nhialicda. Në baŋ ye abaar kokëpiɔ̈u yök tëde Yïn.

Maika 1:7

Yɛn bï yiëthke dhuööŋ abï ciɛ̈n tök, ka abïk riäär liŋliŋ. Ku nyuɔp këriëëcdɛn cïk gäm yiëth piny ëbɛ̈n në mac. Në biäk ë yök ë Thamaria miɔ̈cde në läm de yiëth, miɔ̈cdɛn ë läm de yiëth abä ke bɛ tɔ jɔt ë kɔc ee yiëth lam cït keek ayadäŋ.

Ɣabakuk 2:18

Eeŋö duɛ̈ɛ̈rkï yök në läm de yiëth ë guaŋkï në we cin? Duëër aa ŋö, kë ye kɔc kak ë guaŋkï në ke cïn ŋɔ̈ɔ̈th, ku gamkï tör de lueth cït ee kënë, yiëth cie jam!

Luɔi 17:29

Ku luɔi ee wok mïth ke Nhialic, ka cïï piɛth luɔi duëër wok e lueel an, Nhialic acït man ë adhääp, ku ateek, ku kuur, kë ye kɔc cuëëc ëtëët ku në cäp ee raan cak.

Luɔi 19:26

Ku tiëŋkï aya ku piɛŋkï, nɔn cï Paulo kɔc juëc wëŋ ku yɛl keek wei, acie Epetho etök, ee piny de Athia nɔm ëbɛ̈n, aye keek yɔ̈ɔ̈k an, ka ye cuëëc ë kɔc cin, acïkï ee Nhialic.