Ɣodh 8:5 - JAM DE NHIALIC 2011

⁵ Cuatkï yiëthkuön ke daau wei wek kɔc ke Thamaria, Yɛn diu piɔ̈u wo keek arëët. Bäk ee pïïr rɛɛcë jɔ puɔ̈l nɛn, abïk jɔ lɔ wai?

Ɣodh 8:5 ပူးပေါင်းရင်းမြစ်များ

2 Lëk 13:8

Ku ënɔɔnë wek kɔɔr bäk thɔ̈ɔ̈r wekë kɔc cï Bɛ̈nydït gäm Debid kekë kuatde. Wek de nïïm rem dïït de tɔŋ, ku cathkï në thon ë weŋ, cï Jerobowam cuëëc në adhääp bïï aa yanhduön.

Diɛt 19:13

Gël ɛn në awäny de kuöc luɔi, du awɛ̈ɛ̈c tɔ ceŋ awundu. Yen abän aa raan cïn guöp gääk ku ciɛ̈n guöp awänydït.

Kɛ̈ŋ 1:22

“Amawoou në week wek kɔc piɔl piɔ̈ɔ̈th! Bäk pial ë piɔ̈u jɔ cuuth agut cï nɛn? Ku wek kɔc ee kɔc bui gup, bäk bui jɔ cuuth agut cï nɛn? Ku wek dhän wek man ŋïnydekäŋ.

Yith 45:20

Aye Bɛ̈nydït lueel an, “Bäkkï tëtök, kɔc ke juöör, kɔc wään cï poth në wïïk de ciɛɛŋ thok, nyuɔɔthkï röt në löŋ nɔm! Kɔc ee röt kueer në yiëthkɛn ke tiim ku lɛ̈ŋkï yiëth cïï keek bï kony kek ee kɔckë acïn kë ŋickï taitai!

Jeremia 13:27

Acï week tïŋ ke we loi ka mɛɛn keek. Acï week tïŋ ke we kuany yiëth kɔ̈k cök ë kur nïïm ku ë duumiic, cït man ë mony cïï tiiŋ ë raan thiëëk kek diir, ku cït thɔn ë kɛɛu cop ŋun ë kɛɛu. Amawoou në week kɔc ke Jeruthalem, wek cï luöi këtuc, ee nɛn yen bä wek dikëdik?

Jeremia 4:14

Yïn Jeruthalem waakë rɛ̈ɛ̈c tɔ̈u në yïpiɔ̈u wei, ke yï bï kony. Bä jɔ ŋoot ke yï tak karɛc agut cï nɛn?

Jeremia 48:13

Ëtɛ̈ɛ̈n kɔc ke Mowap abïk gup riɔ̈ɔ̈c në yanhden Cemoc, cït man ɣɔn cï baai de Yithriɛl gup kɔn riɔ̈ɔ̈c në Bethel, yanh wään yek ŋɔ̈ɔ̈th.

Ɣodh 10:5

Kɔc cieŋ Thamaria, ayek riɔ̈ɔ̈c në yanh dau, dan de Bethaben. Ku yen ee yanhë, abïï kɔc de ye dhiëëu mɛ̈tkï në bänyke, në baŋ de diɛkde në luɔi bïï ë ye peec.

Ɣodh 10:8

Ku ɣään thöny ke Aben, ye kɔc ke Yithriɛl yiëth lam thïn, abïï keek riɔ̈ɔ̈k. Ee läm de yiëth yen aye awänydïït de Yithriɛl. Ka abï keek riɔ̈ɔ̈k, ku kuɔɔth, ayï thil abïk lɔ̈ɔ̈k cil në yïïkken nïïm. Ku kɔc abïk kur aa yɔ̈ɔ̈k an wïïkkï në kenïïm, ku lëkkï kur kor an, “Kuömkï wo piny!

Ɣodh 13:2

Ku ënɔɔnë, ayek awäc gïtic në luɔi ë cieŋ. Acïk röt luöi yiëth ke nɔmden në atekken. Yiëth cï atëët ke ŋiëc cuëëc ka acïk dikëdik, acïkï ee Nhialic. Ku yek lueel an näkkï yiëth miɔ̈c! Ku duëër kɔc yiëthkï ciim thook adï, yiëth cït gup dau!

Ɣodh 8:6

Acie Nhialic Yen ë cuëc ee yanhë, ee kɔc kek ë loi yen kapäc. Dan ë Thamaria, abï dhuööŋ abï lɔ thorthor.

Amoth 8:14

Ku kɔc lɔ aa kuëëŋ në Acima yanh de Thamaria, ku raan lɔ ye lueel an, ‘Në rin ke yanhdan tɔ̈u ë Dan, ku nɔn ee yanhdan tɔ̈u ë Biirceba,’ Kek ë kɔckë, abïk wïïk në wïïk cï kek röt bï bɛ jɔt.’

Maika 1:7

Yɛn bï yiëthke dhuööŋ abï ciɛ̈n tök, ka abïk riäär liŋliŋ. Ku nyuɔp këriëëcdɛn cïk gäm yiëth piny ëbɛ̈n në mac. Në biäk ë yök ë Thamaria miɔ̈cde në läm de yiëth, miɔ̈cdɛn ë läm de yiëth abä ke bɛ tɔ jɔt ë kɔc ee yiëth lam cït keek ayadäŋ.

Luɔi 7:41

Gokï dau cuëëc ë aköölkë, tɔkï ye yanhden, ku nɛ̈kkï käŋ, ku mitkï piɔ̈ɔ̈th në kë cïk cuëëc ë kecin.

Nyöŋ 32:22

“Agönhdï abï biöl cït mac, ku nyop këriëëc ëbɛ̈n ë pinynɔm. Ku abï lɔ ë piny thar ku nyop mei ë kur thäär.