Ɣodh 8:13 - JAM DE NHIALIC 2011

¹³ Ayek Ɛn gäm miɔ̈c, ku pukkï röt cuetkï rïŋ. Bɛ̈nydït acïï piɔ̈u mit ke keek. Bɛ̈nydït acïï awɛ̈ɛ̈cken bï puɔ̈l, abï keek luöi këtuc në baŋ de karɛcken. Ka abä keek be tɔ ye lïïm, cït man ɣɔn kɔnë keek lïïm paan ë Rip.

Ɣodh 8:13 ပူးပေါင်းရင်းမြစ်များ

Bɛ̈n 20:3

“Yïn cïï nɔm bï dɛ yiëth kɔ̈k të cïn Ɛn.

Bɛ̈n 32:34

Ku ënɔɔnë, lɔ watë kɔc të wään cä lɛ̈k yïn. Ku tunynhialdï abï we wat. Ku akööl abïkï, akööl bän ee kɔckë luöi këtuc në biäk de kërɛɛcden.”

Kɛ̈ŋ 21:27

Ka näk ye kɔc ee karɛc looi gam ee gök de kërac mɛɛn Bɛ̈nydït, ku ee jɔ rac arëët tëde yenic kiɛɛr rac.

Yith 1:11

Acï Bɛ̈nydït lueel an, “Yak tak eeŋö duëër e miɔ̈cduön yak nɔ̈k ëbɛ̈n luöi Yɛn? Yɛn ë dɛk miɔ̈c juëc ke amɛ̈l yak gäm Ɛn ke ke ye miɔ̈c ye nyop ëbɛ̈n, ku lɔ kɔl de ɣɔ̈kkuön cuɛi. Yɛn cïï piɔ̈u ee miɛt në rim ke miöör, ku rim ke amɛ̈l ku nyök bɔɔth.

Jeremia 14:10

Aye Bɛ̈nydït lueel në biäk ee kɔckë an, “Ayek nhiaar bïk kat ë Yɛn, ku acïkï röt bï tiit. Ka Yɛn cïï piɔ̈u mit wo keek. Yɛn bï ka cïk wööc tak, ku luöi keek këtuc ë biäk de karɛcken.”

Jeremia 6:20

Eeŋö bï Ya tɔ diɛɛr në wal ŋïr yek bɛ̈ɛ̈i në Ceba, ku nɔn ee wal tum ye keek bɛ̈ɛ̈i piny mec? Yɛn cïï miɔ̈cdɛn ye nyop ëbɛ̈n bï gam ku cä piɔ̈u bï miɛt wo miɔ̈ckɛn näk.

Edhekiɛl 29:16

Baai de Yithriɛl acïï keek bï bɛ ŋɔ̈ɔ̈th në kuɔɔny. Riääk de Rip abï keek aa täk nïïm, ë luɔi yen awäc yen ye kek röt kan në keek. Ëtɛ̈ɛ̈n abïk jɔ ŋic nɔn yan Bɛ̈nydït Nhialic.”

Ɣodh 11:5

“Cïkï kenïïm bï bɛ puɔ̈k ë lïïmic, cït man wään në Rip? Cïï Athiriya keek bï cieŋ? Në biäk cï kek puŋ de piɔ̈u rɛɛc.

Ɣodh 12:11

Ku ŋoot Giliyad ke loi karɛc? Ee kɔc cïn naamden. Aŋootkï ke ke ye yiëth näk miöör në Gilgal? Yïïkken abïk ciën nɔmden, abïk ciët kur ë nyiɛɛiyë keek të gɔl ë dom.

Ɣodh 4:9

Wek bä luöi këtuc ëtök në kɔc, në biäk de karɛc cäk looi.

Ɣodh 5:6

Ayek thökken lɛɛr, ku leerkï ɣɔ̈kkɛn lek keek näk Bɛ̈nydït, ku acïkï Bɛ̈nydït ee yök. Bɛ̈nydït ë rɔt miɛɛt wei në kelɔ̈m.

Ɣodh 6:6

Ee nhiëër agɔk yen akaar acie miɔ̈c. Ee luɔi bïï kɔckï Ya ŋic nɔn yan Nhialicden Yen akaar, acie miɔ̈c ye nyop ëbɛ̈n yen ee këdït.

Ɣodh 7:11

Eparaim acïn piɔ̈u cït ajïth, aye dap math ëthiäu. Ee Rip guɔ cɔɔl ee tëthiinë, na ëlë ke be rɔt guɔ puɔ̈k Athiriya.

Ɣodh 7:16

Acïkï röt ee be puɔ̈k Nhialic Awärjäŋ. Acïkï Yɛn ee bɛ cɔɔl në kepiɔ̈ɔ̈th ëbɛ̈n. Acïk röt goŋ cït dhaŋ ŋɔl kɔ̈u, bänyken abïk thou tɔɔŋ, në luɔi ye bänyken A läät. Abïk thou në akuöörkuöör, ku lee ke leeŋ piɔ̈ɔ̈th paan de Rip.

Ɣodh 7:2

Akuckï luɔi ŋiɛc Ɛn karɛckɛn loikï kedhie. Acïkï ŋic nɔn ŋiɛc Ɛn këriëëc rɛɛcdɛn loikï ëbɛ̈n. Acïï awɛ̈ɛ̈cken ke gɛɛu cil, awɛ̈ɛ̈cken awɔi keek kedhie në cieŋ.

Ɣodh 9:6

Tiëŋkï keek alekkï Athiriya. Na cakkï poth në riääk thok, abïï Rip keek määt yiic, ku tɔ̈ɔ̈u keek në Mempeth! Atekken abï keek peec, ku pɛɛnykɛn ɣɔn cïk kɔn ceŋ yiic, abïk yiic cil në thil ku kuɔɔth.

Ɣodh 9:7

Akööl ke këtuc abïkï, akööl ke kuɛ̈n acïk thiɔ̈k. Takï ŋic ë Yithriɛl yen ee kënë. Në luɔi cï awɛ̈ɛ̈ckun juëc arëët, ku cï wëlkun kenyïïn ŋuak aläl. Wek ee tiët tɔ ye dhɔ̈n, ku takï raan thiäŋ ke wëi tɔ ye raan cï miɔ̈l.

Ɣodh 9:9

Acïk cur arëët në luɔi de karɛc yiic, cït man ɣɔn kɔn kek cur në akööl ke Gibia. Nhialic acïï nɔm bï määr në karɛcken. Abï keek luöi këtuc në biäk de awɛ̈ɛ̈cken.

Amoth 3:2

“Ee wek cä lɔc wapäc në juöör ke pinynɔm yiic kedhie, ku tiɛɛt week. Yen kë tɔ we loi kërac ka arëët. Ka wek bä luöi këtuc në biäk de karɛc juëc cäk looi.

Amoth 5:22

Na ë we cak A gäm miɔ̈c ë rap, ayï miɔ̈c ye nyop ëbɛ̈n, acä keek bï gam. Ku na ë we cak A gäm miɔ̈c de miöör cäk cuaai ke ke ye miɔ̈c ke mät, acä keek bï nööm.

Amoth 8:7

Bɛ̈nydït, Nhialic de Yithriɛl ë kuëëŋ në lɛc de Jakop an, “Yɛn cïï nɔm bï kɔn määr taitai në kërɛɛcdun.

Luk 12:2

Acïn kë cï kum, kë cïï bï liep nɔm, ku acïn kë cï moony, kë cïï bï ŋic.

1 Kor 11:20

Ënɔn ë ya wek guëër tëtöŋë, acie cäm bä wek këcam thëën ë Bɛ̈nydït aa cam en aya wek guëër.

1 Kor 11:29

Ku raan ee kuöc cam ku kuc dek, ka ye rɔt cäm jäny bï e jɔ̈ɔ̈ny ku dëk rɔt jäny, në kuny kuc en guöp de Bɛ̈nydït nɔn nu yen thïn.

1 Kor 4:5

Yen cïn en kë yak jɔ̈ɔ̈ny të ŋoot akööl dït wei, të ŋootë Bɛ̈nydït ke kën bɛ̈n, raan bï ka cï thiaan tëcol bɛ̈ɛ̈i tëɣer, ku bï lööŋ ee lueel ë kɔc piɔ̈ɔ̈th tɔ tiëc, ee köölë yen abïï raan ëbɛ̈n lɛc yök tëde Nhialic.

Nyöŋ 28:68

Bɛ̈nydït abï week tuɔɔc ciëën Rip në abëël wïïr, cakaa nɔn cï Yen ë lueel an, wek cïï duëër bɛ lɔ ëtɛ̈ɛ̈n taitai. Ëtɛ̈ɛ̈n we bï röt ɣɔ̈c kɔc ke aterdun ke we ye lïïm, ku acïn raan bï piɔ̈u de luɔi ɣɔɔc en week.

Nyuuth 16:19

Go pänydït e yic tek ë diäk, ku wiëëk pɛ̈ɛ̈nydït ke juöör: go Nhialic Babilon dït tak ë yenɔm, bï gäm bïny de yic mɔ̈n ë tuöc ë agönhdɛn dït.

1 Tham 15:22

Ago Thamwɛl puk nɔm an, “Ye Bɛ̈nydït piɔ̈u miɛt në miɔ̈c ye nyop ëbɛ̈n kekë ka ye nɔ̈k, cït man yen piɔ̈u miɛt në rïïu ye jam de Bɛ̈nydït riëëu? Rïïu apiɛth awär ka ye nɔ̈k, ku piŋ de jam apiɛth awär miök de nyök cuai,