Ɣodh 7:4 - JAM DE NHIALIC 2011

⁴ Ku keek kedhie, ayek dhööm cï tuöc cït man ë many de purun dɛ̈p cïï köör në raan thööc en të ŋoot awac ke nuai, agut të bï yen kɔn piɔ̈ɔ̈r.

Ɣodh 7:4 ပူးပေါင်းရင်းမြစ်များ

Jeremia 23:10

Piny acï thiäŋ ke kɔc cïn adöt tëde Bɛ̈nydït, ayek rëër ke ke loi karɛc, ku yek riɛlden kuöc luɔi. Në biäk de aciɛɛn ë Bɛ̈nydït piny adhiau, ku ɣään ke nyuäth ë jɔ̈ɔ̈ric acïk ril wei.

Jeremia 9:1

Aa ya nhiaar duëër nɔmdï aa yinh ë pïïu, ku jɔ nyïïnkï aa awɛɛŋ ke pïïu, aguɔ aa dhiau aköl ku wakɔ̈u në biäk de kɔckiën cï nɔ̈k.

Jeremia 9:2

Aa ya nhiaar duëër nɔm dɛ të duëër ɛn ceŋ ë jɔ̈ɔ̈ric, të bä yɛn mɛc wo kɔckï. Ayek kɔc cïn adöt ëbɛ̈n, kuut de kɔc ee kɔc nyiɛɛn.

Ɣodh 4:10

Wek bï aa cam, ku cäkï kueth. Wek bï diäär aa kɔɔr arëët, ku cäkï kɛɛr. Në baŋ cä wek Bɛ̈nydït pɔ̈l, ku kuanykï yiëth cök ka acïk ciët tiiŋ cï köör.

Ɣodh 4:12

Ka ayek luny de tim ril yɔ̈ɔ̈k an nyuth keek nyuuth! Ku lëkkï thieec an guïïr keek kë kɔɔrkï bïk ŋic! Acïk Ɛn nyääŋ piny Yɛn Nhialicden. Acïï dhööm ë kepiɔ̈ɔ̈th keek thɛl wei, ka acïkï be diɛɛr në Nhialic.

Ɣodh 4:2

Aciɛɛn yen aya wek röt cieen, ku tɔ̈ɔ̈rkï röt lueth, ku näkkï röt, ku cuɛ̈ɛ̈rkï röt, ku nɔ̈mkï diäär ë röt. Wek ee lööŋ mäc röt, ku gɔ̈thkï ku dhuööŋkï kekɔ̈ɔ̈th. Ku wek ee riɛm lëu ë cieŋ.

1 Kor 5:6

Lɛc aa wek röt leec acïï piɛth. Kuöckï luɔu thiinakäŋ nɔn ee yen awany dït tɔ piɔ̈ɔ̈r ëbɛ̈n?

Jakop 4:4

Wek röör akɔɔrdiäär ku diëër akɔɔrröör, kuöckï määth ë ka ke pinynɔm nɔn ee yen ater lueel kekë Nhialic? Yen na de raan kɔɔr nɔn bï en määth kekë ka ke piny nɔm, ka ye rɔt tɔ ye raan de ater kekë Nhialic.