Ɣodh 7:16 - JAM DE NHIALIC 2011

¹⁶ Acïkï röt ee be puɔ̈k Nhialic Awärjäŋ. Acïkï Yɛn ee bɛ cɔɔl në kepiɔ̈ɔ̈th ëbɛ̈n. Acïk röt goŋ cït dhaŋ ŋɔl kɔ̈u, bänyken abïk thou tɔɔŋ, në luɔi ye bänyken A läät. Abïk thou në akuöörkuöör, ku lee ke leeŋ piɔ̈ɔ̈th paan de Rip.

Ɣodh 7:16 ပူးပေါင်းရင်းမြစ်များ

Diɛt 12:3

Bɛ̈nydït, miɛɛmë liëp ee käŋ töör! Thiök thook ee kake lɛc lueel an,

Diɛt 12:4

“Wok ee ka kan kɔɔrku yök në jamdan yok lueel. Kë kɔɔrku abuk lueel, ku acïn raan duëër e pɛ̈n wook.”

Diɛt 12:5

Go Bɛ̈nydït lueel an, “Yɛn bï jɔ bɛ̈n ënɔɔnë në luɔi cïï kɔc kuanynyïïn yɔŋ ku kɔc yɔŋ keek ayek teer në arɛɛm. Abä ke gam lɔ̈ŋ kɔɔrkï ë caŋ ɣɔn.”

Diɛt 17:10

Acïkï piɔ̈ɔ̈th ee kok, ku ayek jam në lɛc.

Diɛt 52:2

Yïn ee käŋ kiëët bä kɔc kɔ̈k riɔ̈ɔ̈k, liemdu acït rën moth. Yïn ee cool ë luel tör.

Diɛt 57:4

Yɛn cïï kɔc ke ater gɛɛu cil, ka cït kɔ̈ɔ̈r ee kɔc cuet. Lecken acïtkï tɔɔŋ ku wiɛth ke dhaŋ, ku liëpken acïtkï abätɛ̈ɛ̈u moth thook.

Diɛt 73:9

Ayek karɛc luɛɛl ë Nhialic guöp paannhial, ku yek wël ke lɛc gäm kɔc ke pinynɔm,

Diɛt 78:37

Acïkï piɔ̈ɔ̈th de Yen, akënkï löŋdɛn cïk mac döt në yen.

Diɛt 78:57

ku yek gɔ̈th, ku cïkï Nhialic riëëu cït man ë kuarken, acïï keek ee ŋɔ̈ɔ̈th cït man ë dhaŋ ŋɔl kɔ̈u.

Yith 3:8

Ɣɛɛ, Jeruthalem ariäk! Ku Juda awiëëk! Në biäk ye kek Bɛ̈nydït wööc piɔ̈u në jam ku luɔi de këriëëc ëbɛ̈n, ku lɛ̈ɛ̈tkï Nhialic Guöpde në dhuëëŋ de yic në kɔc nïïm.

Jeremia 18:18

Go kɔc jɔ lueel an, “Loiku këdäŋ në biäk de Jeremia! Wok bï nïïm aa dɛ bäny de kake Nhialic bï wook aa wɛ̈ɛ̈t, kɔc pel nïïm bï wook aa wɛ̈ɛ̈t, ku tït bï wook aa lɛ̈k jam de Nhialic. Lok ciëku thok, ke wo bï kɔ̈ɔ̈c në pïŋ piŋ wok ka ye lueel.”

Jeremia 3:10

Ku na ɣɔn në ee kake cök ke Juda nyankënë Yithriɛl cïn piɔ̈u adöt, aacï them bï rɔt looi ke cït kë puk rɔt Ɛn, ku aacïï tɔ̈u në yepiɔ̈u. Acä lueel, Yɛn Bɛ̈nydït.”

Jeremia 42:18

“Acïï Bɛ̈nydït de rɛm, Nhialic de Yithriɛl lueel an, ‘Cït man cï agönhdiën tuc wäl ë kɔc ke Jeruthalem gup, yen abï agönhdiën tuc wäl ë wegup aya të la wek lɔ lɔ Rip. We bï aa kɔc ye kɔc riɔ̈ɔ̈c të tïŋ ë we, kɔc abïk we aa luööi në abiaan, ku ye rinkun tɔ aa ciɛɛn. Wek cïï ee tënë bï bɛ tïŋ taitai.’ ”

Edhekiɛl 23:32

Aye Bɛ̈nydït Awärjäŋ lueel an, “Yïn bï dek në abïny de nyankui, adït yic ku thuth. Kɔc ëbɛ̈n abïk yïn aa bui ku biɔnkï yïguöp, abïny athiäŋ.

Edhekiɛl 36:20

Të cï kek lɔ ë juöör yiic, ayek ayäär yiɛ̈n rinkiën ɣer yiic, në biäk bïï kɔc en lueel an, ‘Kakë ayek kɔc ke Bɛ̈nydït Awärjäŋ ku acïk pinyde dhil nyääŋ piny.’

Danyel 7:25

Abï jam rac luɛɛl ë Nhialic dït guöp, ku abï kɔc ke Nhialic yɔŋ. Abïï them në luɔi bï yen löŋdɛn ë lɔ̈ŋ wel yiic, ayï lööŋken ayï akööl ke dhuëëŋken, ku abï kɔc ke Nhialic cieŋ në run kadiäk ku pɛ̈i kadhetem.

Ɣodh 11:5

“Cïkï kenïïm bï bɛ puɔ̈k ë lïïmic, cït man wään në Rip? Cïï Athiriya keek bï cieŋ? Në biäk cï kek puŋ de piɔ̈u rɛɛc.

Ɣodh 11:7

Acïï ë kɔckï gam nɔn bïk kek a nyääŋ piny. Na cakaa nɔn ye kek Awärjäŋ cɔɔl rin, acïï keek bï kɔn jat nhial ë taiwei. Kënë atuc arëët, acä duëër lëu bä looi.

Ɣodh 6:4

Ku aye Bɛ̈nydït lueel an, “Bä week jɔ looi adï Eparaim? Ku eeŋö bä luöi week, wek kɔc ke Juda? Nhiëërdun acït ruu amiäk, ku cït thäc, ee guɔ riäär ëthiäu.

Ɣodh 7:13

“Amawoou në week! Në biäk de kɔc cï Ya nyääŋ piny. Acïk riääk yök në baŋ cï kek wöc në Yɛn! Akaar an luäk keek, ku ayek lɔ ë ke jiëëm Ɛn guöp arac në lueth.

Ɣodh 9:3

Kɔc ke Yithriɛl acïkï bï bɛ rëër piny de Bɛ̈nydït, kɔc ke Eparaim abïk kenïïm puɔ̈k në lïïmic cït man ɣɔn kɔn kek tɔ̈u paan ë Rip. Ka abïk aa lɔ cam në këcam nhiany piny de Athiriya.

Ɣodh 9:4

Acïkï miɔ̈c de mɔ̈u bï bɛ aa gäm Bɛ̈nydït. Ku nɔn gɛmkï miɔ̈cdɛn ye nyop ëbɛ̈n acïï Bɛ̈nydït bï bɛ aa miët piɔ̈u. Miɔ̈cdɛn yek gamë, abï ciët këcam de dhiëëu. Ku raan ëbɛ̈n raan lɔ yen cam, abï ye tɔ rac guöp. Abïk këcamden aa cam në biäk de cɔŋden yetök. Acïkï bï aa bɛ̈ɛ̈i Luaŋdït ke ye miɔ̈c.

Ɣodh 9:6

Tiëŋkï keek alekkï Athiriya. Na cakkï poth në riääk thok, abïï Rip keek määt yiic, ku tɔ̈ɔ̈u keek në Mempeth! Atekken abï keek peec, ku pɛɛnykɛn ɣɔn cïk kɔn ceŋ yiic, abïk yiic cil në thil ku kuɔɔth.

Malakai 3:13

Go Bɛ̈nydït lueel an, “Wek ee Yɛn jääm guöp në jam rac, ku yak bɛ lop an, eeŋö cuk luɛɛl ë Yïguöp?

Malakai 3:14

Acäk lueel an, luɔi luui ë raan Nhialic ee kë cïn naamde, eeŋö buk yök të lueel wok en an loiku ka cï lueel an loi keek? Ku eeŋö buk yök të nyuth wok röt Bɛ̈nydït de rɛm nɔn cï wok piɔ̈ɔ̈th diu në karɛc cuk looi?

Math 12:36

Ku wek yɔ̈ɔ̈k an, “Jam ɣɔ̈ric ëbɛ̈n jam bï kɔc aa lueel, këden abïk lueel ëkööl ë guiëërëlöŋ.

Luk 8:13

Ku ka nu piny de kuur, ayek kɔc ee jam piŋ, ku dɔmkï në piɔ̈nmit: ku acïnkï mei, agokï gam tëthiinakäŋ, ku bïk röt dak ciëën ëkööl themë ke.

Jakop 3:5

Yen acït nɔn ee liep këthiinakäŋ, ku ye rɔt leec ë kajuëc. Wɔikï juëc de tiim bï ɣɔ̈k mac në many thiinakäŋ!

2 Pet 2:8

Raan piɛthpiɔ̈uwë ɣɔn rëër en ë keyiic, ago käŋ aa tïŋ ku piŋ ke, aaye piɔ̈u jiɛth ë aköölnyïïn në luɔidɛn rac ye kek löŋ yalic:

Nyuuth 13:5

Ku acï gäm thok, thoŋ ee kadït lueel, ku ye lɛ̈t rac lueel, ku gɛ̈m riɛl bï tɔ̈u ë pɛ̈i kathiërŋuan ku rou.