Ɣodh 7:11 - JAM DE NHIALIC 2011

¹¹ Eparaim acïn piɔ̈u cït ajïth, aye dap math ëthiäu. Ee Rip guɔ cɔɔl ee tëthiinë, na ëlë ke be rɔt guɔ puɔ̈k Athiriya.

Ɣodh 7:11 ပူးပေါင်းရင်းမြစ်များ

2 Mel 15:19

Go Tiglath Pilethar melik de Athiriya bɛ̈n bïï pinyden mak, go Menaɣem ye gäm aguum kathiërdiäk ku ŋuan 34,000 ke kilɔɔ gram ke ateek, ke bï yen kuɔny, ago Menaɣem tɔ̈u në riɛlde yic ke mac wunde.

2 Mel 16:7

Go Aɣadh kɔc tuöc Tiglath Pilethar melik de Athiriya an: “Ee yɛn lïmdu, ku ya wëndu, bä kony ɛn në melik de Thiriya, ku melik de Yithriɛl, kɔc mɛk ɛn.”

Kɛ̈ŋ 15:32

Ee biɔ̈n ë rɔt yen ee raan jiëëm dhɔɔtic, ku nhiëër ë jäny ee yöŋ de käŋiic.

Kɛ̈ŋ 17:16

Eeŋö duëërë raan piɔl piɔ̈u nɔm dɛk wëu bï yen ke wëët në nɔm cïï käŋ ee yökiic?

Kɛ̈ŋ 6:32

Raan ee tiiŋ lei nööm acïn piɔ̈u. Ee rɔt riɔ̈ɔ̈k tei ë tik.

Jeremia 2:18

Eeŋö ye tak bä lɔ yök në lɔdu Rip ee luɔi bï yïn lɔ dek ë pïïu ke Kiir? Eeŋö ye tak bä lɔ yök në lɔdu Athiriya ee luɔi bï yïn lɔ dek në pïïu ke Yuparat?

Jeremia 2:36

Wek cï weyiic tɔ piɔl në kë cä wek röt yal tëde yiëth ke juöör kɔ̈k. Wek bïï kɔc ke Rip riɔ̈ɔ̈k piɔ̈ɔ̈th, cït wään cïï kɔc ke Athiriya ye kɔn luöi week.

Ɣodh 11:11

Abïk dap bɛ̈n ciëën paan ë Rip cït diɛt pär, ku dapkï bɛ̈n ciëën në Athiriya cït guuk ŋic wut. Ku abä keek dɔ̈k nïïm paanden. Ee Yɛn Bɛ̈nydït Yɛn ë luel ee kënë.

Ɣodh 12:1

Eparaim acamkï ɣääriic. Ayek yom de aköl amiäk cop cök ëceŋ. Ku acïk tör ŋuak nyin, ku tɔɔŋ acïk juëc në keyiic. Acïk mät looi në Athiriya ku Rip, ku ayek miök de olip gäm keek kɔk kek keek.

Ɣodh 12:2

Ku Bɛ̈nydït ade gääk wël nɔm kɔc ke Juda. Ku abï baai de Jakop luöi këtuuc rɔ̈ŋ kekë karɛckɛn yek looi.

Ɣodh 14:3

Athiriya acïï wook duëër kɔn luök taitai. Ku wok cï bï bɛ kɛɛc në jöŋgöör ke tɔŋ kɔ̈ɔ̈th. Ku acuku bï bɛ nyɔk ë lëk wok en yiëthkuɔn ë loiku keek në wocin, an wek ee Nhialicda. Në baŋ ye abaar kokëpiɔ̈u yök tëde Yïn.

Ɣodh 4:11

Aye Bɛ̈nydït lueel an, “Mɔ̈u ë kɔckï riɔ̈ɔ̈k nïïm, nɔn yen mɔ̈n cï cieŋ, ku nɔn ee yen mɔ̈n ë piac ë dhiim!

Ɣodh 4:6

Kɔckï abä keek riɔ̈ɔ̈k në biäk kuc kek Ɛn. Në baŋ cä wek ŋïnydï rɛɛc wek bäny ke kake Nhialic, wek cä keek jäi, ka wek cïï bï bɛ ya bänykiën ke kake Nhialic. Në luɔi cä wek nïïm määr në löŋ de Nhialicdun, Yɛn bï nɔm määr ayadäŋ në mïthkun.

Ɣodh 5:13

“Na wën, aacï Yithriɛl rɔt yök acï tɔŋ thueet cït raan de jɔk, ku yök ë Juda rɔt acï thueet cït kë de guöp tëtöök, acïk bɛ̈n lɔ tëde meliŋdïït de Athiriya, le ke kony. Ku akën ë melik keek bɛ̈n lɔ kuɔny ku cïï keek tɔ ŋuɛ̈ɛ̈n, ku cïï tëtöökken tɔ dem.

Ɣodh 5:4

Kërɛɛcdɛn cïk looi yen apën keek puŋ puk kek röt Nhialicden. Acïï dhööm ke thiɔ̈ɔ̈ŋ piɔ̈ɔ̈th, ka acïk ŋïny de Bɛ̈nydïtden rɛɛc.

Ɣodh 8:13

Ayek Ɛn gäm miɔ̈c, ku pukkï röt cuetkï rïŋ. Bɛ̈nydït acïï piɔ̈u mit ke keek. Bɛ̈nydït acïï awɛ̈ɛ̈cken bï puɔ̈l, abï keek luöi këtuc në baŋ de karɛcken. Ka abä keek be tɔ ye lïïm, cït man ɣɔn kɔnë keek lïïm paan ë Rip.

Ɣodh 9:3

Kɔc ke Yithriɛl acïkï bï bɛ rëër piny de Bɛ̈nydït, kɔc ke Eparaim abïk kenïïm puɔ̈k në lïïmic cït man ɣɔn kɔn kek tɔ̈u paan ë Rip. Ka abïk aa lɔ cam në këcam nhiany piny de Athiriya.

Ɣodh 9:6

Tiëŋkï keek alekkï Athiriya. Na cakkï poth në riääk thok, abïï Rip keek määt yiic, ku tɔ̈ɔ̈u keek në Mempeth! Atekken abï keek peec, ku pɛɛnykɛn ɣɔn cïk kɔn ceŋ yiic, abïk yiic cil në thil ku kuɔɔth.

Obadaya 1:7

Kɔc wään mät në week acïk we math, ku kuëëthkï we bei pinydun. Kɔc wään dɛ wek rëër piɛth lɔ dïu, acïk we rum ë piny. Kɔc wään ee cam në week ëtök, kek adep week, ku ayek lop an, ‘Ka pɛlënɔmdɛn wäänë ëbɛ̈n cï lɔ ënou?’

Math 10:16

Tiëŋkï, wek tuɔɔc abäk ciët man ë amɛ̈l cï lɔ ë aŋuööth yiic, yen aa wek pɛl cït man ë karɛc, ku yak gup ciën akɔ̈ɔ̈k cït man ë guk.