Ɣodh 6:6 - JAM DE NHIALIC 2011

⁶ Ee nhiëër agɔk yen akaar acie miɔ̈c. Ee luɔi bïï kɔckï Ya ŋic nɔn yan Nhialicden Yen akaar, acie miɔ̈c ye nyop ëbɛ̈n yen ee këdït.

Ɣodh 6:6 ပူးပေါင်းရင်းမြစ်များ

1 Lëk 28:9

Ku yïn Tholomon wëndï, ye Nhialic de wuur ŋic, ku ye luööi në yïpiɔ̈u ëbɛ̈n, ku në piɔ̈n awai. Në biäk ye Bɛ̈nydït kɔc kɔɔr piɔ̈ɔ̈th kedhie, ku ŋic guiɛɛr ëbɛ̈n ku täk ëbɛ̈n. Na lɔ lɔ kɔɔr abä yök ke nu në yïlɔ̈ɔ̈m, ku na lɔ lɔ rɛɛc, abï yïn cuɔp wei aɣet athɛɛr.

Diɛt 50:8

Ku wek cä ye jɔ̈ɔ̈ny në biäk de miɔ̈cduön ye nɔ̈k kekë miɔ̈c ye nyop ëbɛ̈n yak cool ë bɛ̈ɛ̈i wek keek në Yanɔm.

Kɛ̈ŋ 21:3

Luɔi de yic ku piathëpiɔ̈u awär miɔ̈c tëde Bɛ̈nydït.

Wɛ̈ɛ̈t 5:1

Ye rɔt tiit të le yïn ɣön ë Nhialic. Ye lɔ ëtɛ̈ɛ̈n ke yï bï wëët, yen aŋuän në miɔ̈c de kɔc piɔlpiɔ̈ɔ̈th, kuc nɔn ye kek karɛc looi.

Yith 1:11

Acï Bɛ̈nydït lueel an, “Yak tak eeŋö duëër e miɔ̈cduön yak nɔ̈k ëbɛ̈n luöi Yɛn? Yɛn ë dɛk miɔ̈c juëc ke amɛ̈l yak gäm Ɛn ke ke ye miɔ̈c ye nyop ëbɛ̈n, ku lɔ kɔl de ɣɔ̈kkuön cuɛi. Yɛn cïï piɔ̈u ee miɛt në rim ke miöör, ku rim ke amɛ̈l ku nyök bɔɔth.

Yith 58:6

“Thɛ̈kdiën kaar kï: nyaaikï kuɛɛt ke yaaŋ ku kuɛɛr ke luɔi rac kedhie, ku takï kɔc yɔŋ lääu nïïm.

Jeremia 22:16

Ee kɔc kuanynyïïn luök kaken, go käŋ piath ë yen kedhie. Yen kën ee ye nyuɔɔth ka nɔn ŋic ë raan Bɛ̈nydït.

Jeremia 7:22

Yɛn kën kuarkun gäm lööŋ në biäk de miɔ̈c ye nyop ëbɛ̈n ku nɔn ee miɔ̈c däŋ näk, wään bɛ̈ɛ̈i Yɛn keek bei në Rip.

Danyel 4:27

Në biäk de ee kënë, yïn melik, kuany löŋdï cök, päl kërac ku loi kake piathëpiɔ̈u, ku ye piɔ̈u kok wekë kɔc kuanynyïïn. Yen abïï yïn ceŋ ke yï kueth.

Ɣodh 14:2

Puɔ̈kkï wenïïm Bɛ̈nydït, lak läŋkï, lɛ̈kkï ee kënë ke ee yen ee miɔ̈cduön gämkï Yen an, “Pälë wook awɛ̈ɛ̈ckuɔ kedhie, ku gam lɔ̈ŋda në dhuëëŋ de yïnpiɔ̈u, ku Yïn buk jɔ aa piɔɔny cït man cï wok gutguut lueel.

Ɣodh 2:20

Yïn bä lɔc në piɔ̈n adöt, ka yïn bï Bɛ̈nydït ŋic ke ee këdu.

Ɣodh 4:1

Piɛŋkï jam ë Bɛ̈nydït wek kɔc ke Yithriɛl, Bɛ̈nydït ade gääk wël nɔm week, wek kɔc cieŋ ee pinyë. “Wek cïn piɔ̈n adöt, ku ciënkï nhiëër, ku wek cïï Nhialic ŋic.

Ɣodh 8:13

Ayek Ɛn gäm miɔ̈c, ku pukkï röt cuetkï rïŋ. Bɛ̈nydït acïï piɔ̈u mit ke keek. Bɛ̈nydït acïï awɛ̈ɛ̈cken bï puɔ̈l, abï keek luöi këtuc në baŋ de karɛcken. Ka abä keek be tɔ ye lïïm, cït man ɣɔn kɔnë keek lïïm paan ë Rip.

Amoth 5:21

Aye Bɛ̈nydït lueel an, “Yɛn man kueer ya wek dhuëŋ ke Nhialic looi. Acä kɔɔr bä amɛɛtkun tïŋ taitai.

Maika 6:6

Eeŋö bä jɔ yiën Bɛ̈nydït, Nhialic de paannhial, të lan yen lam? Bä yiɛ̈n miɔ̈c piɛth de akɛ̈ɛ̈l ee run tök bï nyuöp En ke ye miɔ̈c ye nyop ëbɛ̈n?

Maika 6:8

Ei, acie yen, Bɛ̈nydït acï yï nyuöth këpiɛth yïn raan. Ku lëk yïn kë köör yïn bä looi an, Ye yic looi, ku nyuɔɔthë nhiëër agɔk, ku kuur ee yïn rɔt kuɔɔr piny në Nhialicdu nɔm.

Math 12:7

Ku tëë we cï jamë ŋic thar an, “Ee kokdepiɔ̈u yen kaar, ku acie kë bï nɔ̈k yen kaar, adï kɛ̈nkï kɔc jɔ̈ɔ̈ny kɔc cïn kë cïk wööc.

Math 5:7

Thieithieei ë kɔc ë piɔ̈ɔ̈th dap kok, abïk kokdepiɔ̈u yök.

Math 9:13

Lakï tei, kaarkï cöökë thar abäk yök, Yɛn kɔɔr kokdepiɔ̈u, acie kë bïï nɔ̈k en kaar, yɛn ë cïï bɔ̈ bä kɔc piɛth piɔ̈ɔ̈th bɛ̈n cɔɔl, bïk kepiɔ̈ɔ̈th puk, ee kɔc ë kërac looi kek aa bä bɛ̈n cɔɔl.”

Mak 12:33

ku nhiëër nhiɛɛrë raan en ë yepiɔ̈u ëbɛ̈n, ku yenɔm ëbɛ̈n, ku wëike ëbɛ̈n, ku riɛlde ëbɛ̈n, ku nhiëër nhiɛɛr en raan rɛ̈ɛ̈r ke ye acït man nhiɛɛr en rɔt, yen adït awär ka cï gäm Nhialic, ke ye miɔ̈c ye nyop ëbɛ̈n, ayï ka cï lam ku näk keek kedhie.”

1 Jɔn 2:3

Ku dön ee wo lööŋke döt, en aŋic wok en nɔn cï wok e ŋic.

1 Jɔn 3:6

Raan ë tɔ̈u ë yeyic, ka cïï kërac ee looi: ku raan ee kërac looi, ka kën tïŋ, ku cïï ŋic aya.

1 Tham 15:22

Ago Thamwɛl puk nɔm an, “Ye Bɛ̈nydït piɔ̈u miɛt në miɔ̈c ye nyop ëbɛ̈n kekë ka ye nɔ̈k, cït man yen piɔ̈u miɛt në rïïu ye jam de Bɛ̈nydït riëëu? Rïïu apiɛth awär ka ye nɔ̈k, ku piŋ de jam apiɛth awär miök de nyök cuai,