Ɣodh 6:1 - JAM DE NHIALIC 2011

¹ Aye kɔc ke Yithriɛl lueel an, “Bä wëlku wopiɔ̈ɔ̈th Bɛ̈nydït. Acï wook yiëk gup tëtöök, ku ee Yen abï wook tɔ waar. Acï wook gäm gup bɔ̈ɔ̈t, ku ee Yen abï ŋoot ke tɔ bɔ̈ɔ̈tkuɔ dem.

Ɣodh 6:1 ပူးပေါင်းရင်းမြစ်များ

2 Lëk 30:6

Go tuc ë tooc melik kekë bänyke lɔ bïk kɔc lɔ lɛ̈k piny de Juda ku Yithriɛl ku yek lueel an: “Kɔc ke Yithriɛl wek cï poth të wään cïï Athiriya pinydun peec. Ënɔɔnë pɔ̈kkï röt Bɛ̈nydït, Nhialic de Abraɣam, ku Yithaak, ku Jakop, ku abï yenɔm pɔ̈k week.

Jop 16:9

Yen aman ɛn arëët ë yic, ee ŋeeny cït län roor ret län ciɛmic, ee yelec kääc në raan aterde, ku döt guöp në nyïïn ke ŋeeny.

Jop 22:23

ku na dhuönyë rɔt Nhialic Awärjäŋ ke bï yï yïk, ku tɔ luɔi de karɛc kääc baaidu,

Jop 34:29

Na cïï Nhialic lueel bïï ciën kë looi taitai, acïn raan duëër En yiëk yeth gääk. Të wel En enyin wei në raan nɔn ee jur aduëër ciën riɛl.

Jop 5:18

Ee raan luöi tëtöök ku deer ke nyïïn ee raan yup ku aye tɔ dem.

Diɛt 30:7

Bɛ̈nydït, yïn piɛth piɔ̈u we yɛn, yïn ee ya kony cï gëlgël de kuur. Ku të cï yïn yïnyin thiaan në yɛn, yɛn ee riɔ̈ɔ̈c.

Diɛt 6:2

Kokëpiɔ̈u we yɛn Bɛ̈nydït, yɛn cï dak! Miɔc ɛn në riɛl, yɛn cï bäp taitai

Diɛt 71:20

Yïn cï nuɛɛn ku tɔ̈ɔ̈k yiɛ̈n yɛn, ku Yïn bï riɛldï bɛ bɛ̈ɛ̈i, Yïn bï yɛn pɛ̈n lɔ rɛɛŋ.

Wɛ̈ɛ̈t 3:3

Ade kööl ë näk, ku kööl de pialëguöp, ade kööl ë dhoŋ piny, ku ade kööl ë yïk.

Yith 17:7

Të le köölë bɛ̈n, kɔc abïk röt lɔ kɔ̈ɔ̈r kuɔɔny tëde Aciëŋden, Nhialic Ɣeric de Yithriɛl.

Yith 2:3

Ku abï kɔcke aa lueel an, “Bäkkï, lokku ë kuur ë Bɛ̈nydït nɔm të nu ë Luaŋdïït de Nhialic de Yithriɛl thïn, ku ëtɛ̈ɛ̈n abï wo nyuöth kë buk looi, wok bï cath në kueerdɛn cï lɔcic. Në biäk ye wëët ë Bɛ̈nydït bɛ̈n ë Dhiɔn, në Jeruthalem yen En jam ke kɔcke.”

Yith 30:22

Wek bï yiëthkuön ke ateek ku yiëth ke adhääp cuat wei, cït man aa cool ke we kïïu an, “Lakkï ya në wolɔ̈m!”

Yith 30:26

Pɛɛi abï ruɛl cï akɔ̈l, ku akɔ̈l abï ruɛlde matic raandhorou, ka bï ciët ruɛl de nïn kadhorou matiic. Kënë abï rɔt looi të le Bɛ̈nydït tëtöök ke kɔcke duut nyïïn, ku tɔ ke dem, tëtöök ɣɔn cï gäm keek.

Yith 55:7

Takkï kɔc ee karɛc looi päl kueer ë pïïrden, ku waar kɔc cïï piɔ̈ɔ̈th piath täŋden ë ke puk röt Bɛ̈nydït, Nhialicda ee piɔ̈u kok ku ee karɛc dap pɔ̈l.

Jeremia 3:22

Pɔ̈kkï röt ee në wedhie, wek kɔc wään cï röt yal wei tëde Bɛ̈nydït, abï we tɔ piɔl gup ku tɔ we ye adööt. Ayak lueel an, “Ɣɛɛ, wok bɔ̈ tëde Bɛ̈nydït, në biäk ee Yen Nhialicda.

Jeremia 30:12

Aye Bɛ̈nydït lɛ̈k kɔcke an, “Tëtöökkun acïkï waar, bɔ̈ɔ̈tkun acïkï dem.

Jeremia 30:17

Wek bä bɛ tɔ piath, ku ta bɔ̈ɔ̈tkun dem, cakaa nɔn ye kɔc ke aterdun ye lueel an, ‘Ye Dhiɔn kë cï cieen, acïn ee ye kuɔny.’ Acä lueel, Yɛn Bɛ̈nydït.”

Jeremia 33:5

Kɔc kɔ̈k abïk thɔ̈ɔ̈r ë Babilonia, ku abïk ɣööt thiɔ̈ɔ̈ŋ yiic ë gup ke kɔc cï thou, kɔc bä keek yuöp piny në agönhdï kekë diu de piɔ̈u. Yɛn cï rɔt yal wei në ee pänydïïtë në biäk de karɛc cï kɔcke looi.

Jeremia 33:6

Ku Yɛn bï ee pänydïïtë waar kekë kɔcke ku bɛ ke pɔ̈k nïïm pialëguöp. Abä ke nyuöth mändït ku rɛ̈ɛ̈r lɔ läŋ.

Jeremia 50:4

Aye Bɛ̈nydït lueel an, “Të le ee köölë bɛ̈n kɔc ke Yithriɛl ayï kɔc ke Juda abïk bɛ̈n ke ke dhiau, ke ke kɔɔr Yɛn, Yɛn Nhialicden.

Jeremia 50:5

Abïk kueer lɔ Dhiɔn luɔp, ku abïk jäl ke ke wel kenïïm ë tɛ̈ɛ̈n. Abïk löŋ bï tɔ̈u athɛɛr mac në Yɛn, ku acïkï bï bɛ dhoŋ kɔ̈u.

Dhiëëu 3:11

Ee yɛn cuɔp ë kueer këc, ku thim ɛn ë thïïm ku nyiëëŋ a piny.

Ɣodh 11:10

Abïk Bɛ̈nydït kuany cök, cït man ye köör mïthke cɔɔl në kiɛɛu. Të le yen cööt, mïthke abïk aa bɛ̈n në riëëu të lɔ aköl athɛ̈i.

Ɣodh 12:6

Ku ënɔɔnë, wek kuat de Jakop, puɔ̈kkï röt Nhialicdun. Muɔ̈kkï nhiëërde yic, ku luɔi de yic. Ku yak kë bï ë Nhialicdun looi tiit.

Ɣodh 14:1

Puɔ̈kkï röt Bɛ̈nydït Nhialicdun, wek kɔc ke Yithriɛl. Awɛ̈ɛ̈ckun acïk week tɔ tuëk ku wiɛ̈ɛ̈kkï.

Ɣodh 14:4

Aye Bɛ̈nydït lueel an, “Yɛn bï kɔckï bɛ puɔ̈k nïïm rɔ, ku nhiaar keek në piɔ̈ndï ëbɛ̈n, Yɛn cï bï bɛ gɔ̈th wok keek.

Ɣodh 3:5

Ku ëtɛ̈ɛ̈n, mïth ke Yithriɛl abïk kenïïm puk, ku kɔɔrkï Bɛ̈nydït Nhialicden, ku kɔɔrkï meliŋ cït Debid. Wadäŋ në akööl ciëën, abïk aa bɛ̈n në Bɛ̈nydït lɔ̈ɔ̈m në riëëu, bïï ë keek bɛ̈n thieei.

Lebai 14:48

Ku na lɔ bɛ̈ny de kake Nhialic bɛ̈n, ku tïŋ ɣöt, ku yök dhiëi ke kën thiäi të wään cï ë ɣöt yiu, abï ɣöt tɔ ee ɣön piɛth, në luɔi cï dhiëi jäl.

Dhep 2:1

Määtkï weyiic ku luɔikï amatnɔm, ku puɔ̈kkï wepiɔ̈ɔ̈th yïn jur ciën guöp ayäär,

Nyöŋ 32:39

“Ee yɛn aye Nhialic yatök, acïn yanh däŋ tɔ̈u në yalɔ̈ɔ̈m. Yɛn ee näk, ku yɛn ee wëi gam, yɛn ee bɔ̈t looi, ku yɛn ee pial de guöp bɛ̈ɛ̈i.

1 Tham 2:6

Ku Bɛ̈nydït Yen ee thuɔɔu bɛ̈ɛ̈i kekë pïïr, ee Yen ee kɔc tuɔɔc paan ë thuɔɔu, ku nyɔk ë dɔk Yen kenïïm ciëën.

1 Tham 7:3

Ago Thamwɛl lɛ̈k baai de Yithriɛl an, “Na lak wenïïm puɔ̈k Bɛ̈nydït në piɔ̈ɔ̈thkun ëbɛ̈n, ke we pälkï yiëth ke juöör ëbɛ̈n ku kïn de yanh cɔl Acetaroth. Takï röt ee kɔc ke Bɛ̈nydït ku Yen bäk aa lɔ̈ŋ Yetök, ago week kony ë kɔc ke Pilithiin cin.”