Ɣodh 5:7 - JAM DE NHIALIC 2011

⁷ Acïk Bɛ̈nydït luööi të cïn gäm. Ku mïthken acïkï ee mïth ke Nhialic. Ku abïï Nhialic keek riɔ̈ɔ̈k ayï duumken në biäk de dhuëëŋdɛn de wil ë pɛɛi ye kek yiëth guöt.

Ɣodh 5:7 ပူးပေါင်းရင်းမြစ်များ

Diɛt 144:11

Kony ɛn në kɔc rac ke aterdï, luäk ɛn ë biäk de riɛl de alɛi kɔc cïï yith ee lueel, ku yek tör ayï të cï kek kuëëŋ.

Diɛt 144:7

Bä piny tëdu nhial, ku miëëtë ya bei në pïïu thuth yiic, ku kony ɛn. Luäk ɛn ë biäk ë riɛl de alɛi,

Yith 1:14

Yɛn man Dhuëëŋduön ë pɛɛi piac wil, ku akööl ke lɔ̈ŋ, ayek kathiek cän ke bäp në ɣɔ̈ɔ̈cden.

Yith 48:8

Aa ŋiɛc nɔn cïï ë week duëër ŋɔ̈ɔ̈th, në biäk cïï ë week ŋic ke we ye kɔc ee käŋ rɛɛc. Yeka kɛ̈n wek ee kë cït ee kënë kɔn piŋ taitai, eeŋö cïn en wɛ̈t töŋ cï kɔn tëëk në weyïth ë wïl.

Yith 59:13

Yïn cuk jäi, ku reecku yïn, ku jiɛiku buk yïn kuany cök. Wok cï kɔc kɔ̈k yɔŋ, ku yiɛlku röt wei në yïcök. Ka yok tak ayek awäc, ku wëlkuɔ ayek lueth.

Jeremia 3:20

Ku cït mat ye tiiŋ cie adöt monyde pɔ̈l, yïn kën rɔt tɔ adöt tëde Yɛn, yïn baai de Yithriɛl. Acä lueel, Yɛn Bɛ̈nydït.”

Jeremia 5:11

Baai de Yithriɛl ku baai de Juda acïk Yɛn nyiɛɛn taitai. Acä lueel, Yɛn Bɛ̈nydït.”

Edhekiɛl 12:28

Ka yïn lɛ̈kë keek an ee yɛn Bɛ̈nydït Awärjäŋ, yɛn alueel ee kakë: Abï bɛ ciën agääu däŋ. Kë cä lueel abï looi. Acä lueel, Yɛn Bɛ̈nydït Awärjäŋ!

Ɣodh 2:11

Ku akööl ke dhuëŋken ëbɛ̈n, abä ke tɔ kääc kedhie. Dhuëŋ ke ruöön, ku dhuëëŋ de wil ë pɛɛi, ayï dhuëëŋ de Thabath, ku jɔ aa yen dhuëŋ cïk mäc röt ëbɛ̈n.

Ɣodh 2:4

Mïthke acä keek bï nhiaar, në biäk ye kek adhiëthlëër. Mɔɔrdun ee akɔɔrröör, ka wek ee mïth ka ayäär. Aye mɔɔrdun lueel an, ‘Yɛn lɔ tëde röörkiën ke cuëër, ayek ɛn gäm këcam, ku gëmkï ya këdek, ku gëmkï ya lupɔɔ ku linɔn, ku gëmkï ya miök ku mɔ̈n dɛk!’

Ɣodh 6:7

“Acïk löŋ de mät dhoŋ kɔ̈u, cït man ɣɔn kɔn Adam en dhoŋ kɔ̈u. Akënkï löŋdï bɛ̈n döt ëtɛ̈ɛ̈n.

Ɣodh 7:13

“Amawoou në week! Në biäk de kɔc cï Ya nyääŋ piny. Acïk riääk yök në baŋ cï kek wöc në Yɛn! Akaar an luäk keek, ku ayek lɔ ë ke jiëëm Ɛn guöp arac në lueth.

Dhek 11:8

Yɛn ë piɔ̈u bɛ̈n riääk wokë tïït kɔ̈kkë kadiäk, tïït man ɛn, guɔ ke nyaai nyïïn kedhie në pɛɛi tökic.