Ɣodh 5:15 - JAM DE NHIALIC 2011

¹⁵ “Yɛn bï kɔckï päl wei, ku ta ke gum arëët, në biäk de awɛ̈ɛ̈cken, agut të bï kek röt puɔ̈k Ɛn. Abï guöm keek tɔ kɔɔr Ɛn arëët.

Ɣodh 5:15 ပူးပေါင်းရင်းမြစ်များ

Cäk 42:21

Ku lëkkï röt kapäc an, “Ë yic, kë tɔ wook yök ë kë dïït tuucë, ee kë wään cuk luöi Jothep mänhëda. Wään tïŋ wok en ke cï nyin kuanyëkuany ke läŋ wook an pälku, ku cuku päl. Yen aa yïn wook gup ë kërɛɛc dïït cï wo yökë.”

2 Lëk 7:14

na lɔ kɔckiën cï cɔɔl ë rinkï röt kuɔɔr piny, ku pukkï kepiɔ̈ɔ̈th, ku lɛ̈ŋkï ke ke kɔɔr yɛn, ku pɛ̈lkï awɛ̈ɛ̈cken, abä piŋ paannhial, ku yɛn bï awɛ̈ɛ̈cken päl keek, ku ta duumken lok në rap.

Jop 33:27

Yen abï lueel në kɔc nïïm an, yɛn cï wäc acïn yic cä looi, ku akënë ë Nhialic kuɛ̈n ɛn.

Diɛt 107:13

Të de yen nuandɛn cï ke yök ayek Bɛ̈nydït cɔɔl ku kony keek në nuanden yic.

Diɛt 107:19

Ku ëtɛ̈ɛ̈n në nuanden yic acïk Bɛ̈nydït cɔɔl, go ë Bɛ̈nydït keek kony wëi në nuanden yic.

Diɛt 107:28

Ayek Bɛ̈nydït cɔɔl ë nuanden yic ëtɛ̈ɛ̈n, ku aye ke kony ë nuanden yic.

Diɛt 107:6

Na wën, aa cïk nuan ke ke cɔl Bɛ̈nydït, go keek kony në nuanden yic.

Diɛt 132:14

Acï lueel an, “Kënë ee paan bän nu thïn aɣet athɛɛr, kënë ee të bän bääny muk thïn.

Diɛt 50:15

Ye ya cɔɔl në kööl cïï nuan bɛ̈n, yïn bä kony, ka yïn bï Ya dhuëëŋ guöp.”

Diɛt 78:34

Të ye yen kɔc kɔ̈k nɔ̈k në keyiic, kuut däŋ ee rɔt pɔ̈k en, ayek karɛcken pɔ̈l ku lɔ̈ŋkï në piɔ̈n piɛth.

Diɛt 83:16

Nhialic tɔ keek yäär gup, ku tɔ keek ŋic riɛldu.

Kɛ̈ŋ 8:17

Yɛn nhiaar raan ee yɛn kɔɔr ëbɛ̈n, ku raan ee yɛn kɔɔr ëbɛ̈n, ee ya yök.

Yith 18:4

Go ë Bɛ̈nydït lɛ̈k ɛn an, “Yɛn bï piny lieec ëmääth ke Ya nu paannhial cït man ye thɛ̈c rɔt looi në wɛ̈ɛ̈ric në tuöc ë piny akööl ke tëm, ku cït man ye akɔ̈l riau ë tuöc de aköl.

Yith 26:16

Bɛ̈nydït Yïn cï kɔcku luöi këtuc në arɛɛm gokï Yïn lɔ̈ŋ.

Yith 26:21

Bɛ̈nydït abɔ̈ të rëër en thïn paannhial, bï kɔc ke piny nɔm bɛ̈n luöi këtuc në biäk de awɛ̈ɛ̈cken. Kɔc ɣɔn ye luc në cuëër abïk ke nyuɔɔth, ku piny acïï kɔc ɣɔn cï nɔ̈k bï bɛ thiaan.

Yith 26:9

Yïn ya kɔɔr ë Yapiɔ̈u ëbɛ̈n wakɔ̈u, të ye Yïn löŋ de piny guiir kekë kɔc nu thïn, abïk wëët kedhie në piathëpiɔ̈u.

Jeremia 2:27

Wek bï yɔ̈ɔ̈r gup, wek kɔc ee ye lueel nɔn ye tim wuur ku ye kuur moor. Kënë abï rɔt looi në biäk cïï wek röt yal wei tëde Yɛn në nyin duëër wek röt dɔ̈k Ɛn, ku na tɔ̈ukï në riääkic, wek ee Ya bɛ̈n kɔɔr bä we kony.

Jeremia 3:13

Gam tei nɔn cï yïn awäc looi, ku nɔn cï yïn Bɛ̈nydït Nhialicdu rɛɛc. Gam nɔn cïï yïn yiëth lei näk miɔ̈c në ee tiimkë thäär, ku yïn kën kë cä lɛ̈k yïn riëëu. Acä lueel, Yɛn Bɛ̈nydït.”

Jeremia 3:14

“Wek kɔc cïn piɔ̈ɔ̈th adöt, bäkï ciëën, wek ee kɔckï. Yɛn bï raan tök aa nööm wun tök, ku nääm kɔc kaarou dhiën tök, ku wek bä bɛ̈ɛ̈i ciëën në kuur de Dhiɔn nɔm.

Dhiëëu 3:40

Themku kuɛɛrkuɔ yiic ku pukku röt Bɛ̈nydït.

Edhekiɛl 10:4

Biöl ë many ë täu de Bɛ̈nydït lɔ nhial, tëde cerubiim ku jɔkï lɔ në kal thoŋ de Luaŋdït. Ëtɛ̈ɛ̈n go luät Luaŋdït thiɔ̈ɔ̈ŋ yic, ku jɔ kal yic riau në mac.

Edhekiɛl 11:23

Na wën ke dhuëëŋ de Bɛ̈nydït ë nyiëëŋ pänydït piny, ku leer në kuur nɔm, kuur tɔ̈u në biäk të aköl amiäk de pänydït.

Edhekiɛl 20:43

Ëtɛ̈ɛ̈n we bï këriëëc de ayäär ëbɛ̈n wään cäk looi jɔ tak, ku luɔi cä wek röt dhiöök. Wek bï aa riɔ̈ɔ̈c në gupkun wapäc në biäk de karɛc cäk looi.

Edhekiɛl 36:31

Wek bï karɛc ë ya looi aa tak, ku awɛ̈ɛ̈c cäk looi ë röt wapäc, ku wek bï gup riɔ̈ɔ̈c në biäk de awɛ̈ɛ̈ckun ku karɛckun.

Edhekiɛl 6:9

të bïï kek lɔ rëër ë juöör yiic. Abïk a tak, ku ŋickï nɔn cän keek luöi këtuc ku cä ke yɔ̈ɔ̈r gup, në biäk cïn kek piɔ̈ɔ̈th gäm, acïk a nyääŋ piny, gamkï yiëth ku pälkï yɛn. Ku keek gupken abïk kërac tïŋ në biäk de karɛcken, ku ka yäär ke gup cïk looi.

Edhekiɛl 8:6

Go Bɛ̈nydït lɛ̈k ɛn an, “Mɛnh ë raan, cï kë loi rɔt tïŋ? Tïŋ karɛc looi ë baai de Yithriɛl keek ee tënë, aceeckï yɛn të mec aläl kekë tëdiën ɣeric. Yïn bï kajuëc ke ayäär wär ee kakë tïŋ.”

Ɣodh 3:5

Ku ëtɛ̈ɛ̈n, mïth ke Yithriɛl abïk kenïïm puk, ku kɔɔrkï Bɛ̈nydït Nhialicden, ku kɔɔrkï meliŋ cït Debid. Wadäŋ në akööl ciëën, abïk aa bɛ̈n në Bɛ̈nydït lɔ̈ɔ̈m në riëëu, bïï ë keek bɛ̈n thieei.

Ɣodh 5:6

Ayek thökken lɛɛr, ku leerkï ɣɔ̈kkɛn lek keek näk Bɛ̈nydït, ku acïkï Bɛ̈nydït ee yök. Bɛ̈nydït ë rɔt miɛɛt wei në kelɔ̈m.

Maika 1:3

Tiëŋkï, Bɛ̈nydït abɔ̈ bei tëde, abɔ̈ piny bïï bɛ̈n cath të thöny në kur nïïm.

Kuɛ̈n 21:7

Go kɔc ke Yithriɛl bɛ̈n tëde Mothe, ku luelkï an, “Wok cï wööc, në biäk cïï wok yï jääm guöp, ku jiëëmku Bɛ̈nydït guöp. Ku ënɔɔnë, läŋ Bɛ̈nydït bïï karɛc nyaai në woyiic. Go Mothe lɔ̈ŋ në biäk de kɔc.

Luk 13:25

Rial, të cï bɛ̈ny de ɣöt rɔt guɔ jɔt ku jɔ ɣöt thiöök thok, ku we bï jɔ kɔ̈ɔ̈c biic, ku taŋkï ɣöt thok, ku luɛlkï an, ‘Bɛ̈nydït, liëpë we ɣöt!’ Ku abï bɛ̈ɛ̈r, yöök week an, ‘Wek kuöc të bä wek thïn!’

Bäny 4:3

Ku yen ade nɔm bot kadhoŋuan ke abëël ke tɔŋ ke wëëth, ku yen aa yɔŋ kɔc ke Yithriɛl në yaaŋ rac ë run kathiërrou. Go kɔc ke Yithriɛl dhiau në Bɛ̈nydït nɔm bïï keek luök.