Ɣodh 4:7 - JAM DE NHIALIC 2011

⁷ Të cïï bäny ke kake Nhialic juëc, awäc ee yenyin ŋuak ayadäŋ. Ka dhuëëŋden abä puk aye ayäär.

Ɣodh 4:7 ပူးပေါင်းရင်းမြစ်များ

Edhr 9:7

Gɔl ɣɔn në akööl ke kuarkuɔ agut cï aköölkë, wok kɔcku, wok cï wäc arëët. Ku në biäk de awɛ̈ɛ̈ckuɔ, wok cï lööny në meliik ke juöör kɔ̈k cin, wodhie në Meliikkuɔ ku bänykuɔn ke kake Nhialic, wok aaye tɛm röt, ku rum wo, ku peec wook ke wo mac. Wok ye biɔn gup taitai, karɛckuɔ acïk wo nyäŋ ayär ŋoot aɣet cï ëköölë.

Ɣodh 10:1

Go Ɣodhiya lueel an, “Kɔc ke Yithriɛl aake cït tim de enap cï cuaar, ee mïth juëc bɛ̈ɛ̈i. Të cïï mïthke juëc, ayek yïïk juëc yïk. Ku të cïï pinyden luɔk arëët, ayek mën ke kurkɛn yaath yek lam jäm.

Ɣodh 10:6

Ku yath abï yiɛ̈n meliŋ de Athiriya, ke ya ariöp. Ku Yithriɛl abï yäär, ku abï guöp riɔ̈ɔ̈c, në biäk ye kek yiëth ke tiim lam.

Ɣodh 13:14

Bä keek wɛ̈ɛ̈r bei paan ë thuɔɔu? Nu jɔɔkku ë nou yïn thuɔɔu? Luöi këtuc, nɔ̈k! Bɛ̈ɛ̈iyë Ku nu riääkdun ë nou wek rɛ̈ŋ? Yɛn cïï piɔ̈u bï bɛ kɔn kok wo keek.

Ɣodh 13:6

Të ɣɔn cääm Ɛn week, wek ë ye kuɛth, ku të cä wek kuɛth, ke wek ɣɛ̈ɛ̈c wenïïm, ku määrkï nïïm në Yɛn.

Ɣodh 4:10

Wek bï aa cam, ku cäkï kueth. Wek bï diäär aa kɔɔr arëët, ku cäkï kɛɛr. Në baŋ cä wek Bɛ̈nydït pɔ̈l, ku kuanykï yiëth cök ka acïk ciët tiiŋ cï köör.

Ɣodh 5:1

“Piɛŋkï ee kënë apiɛth, wek bäny ke kake Nhialic. Pälkï weyïth piny, baai de Yithriɛl! Piëŋkï baai de melik! Ee yïn ade ee këtucë! Yïn cï rɔt tɔ ye wïn ë dɛ̈p në Midhepa, ku tɔ rɔt ee bɔi në kuur de Tabor nɔm.

Ɣodh 6:9

Bäny ke kake Nhialic acïk röt tɔ cït amatnɔm de nɛ̈ɛ̈k, ee kɔc buuth në kuɛɛriic. Ku näkkï kɔc në kueer ë Cekem në nääk ayäär.

Ɣodh 9:11

Dhuëëŋ de Yithriɛl abï dap jäl ëthiäu cït man ë din pär. Ku acïn tiiŋdɛn bï meth bɛ yök, ku cïn tiiŋ be liac, ku cïn tiiŋ be dhiëth.

Ɣabakuk 2:16

Agönh ë Bɛ̈nydït abɔ̈ të nu wek gupkun ka bäk yök aya, ka we bï ciët ka cï wiɛɛt ku kɔc abïk we bɛ aa dɔl gup. Ku luɔi duëër kek we dhuëëŋ gup ke abïk we bɛ biɔɔn gup ka we bï yäär.

Malakai 2:9

Yen acän week tɔ biɔɔn ë kɔc gup kedhie, ku ta keek dhäl wegup. Në biäk kɛ̈n wek kuɛɛrkï kuany yiic ëgɔk, ku në luɔi ya wek lööŋkï kuɛ̈ɛ̈ny yiic në wëëtdun yic.

Nyöŋ 32:15

“Kɔc ke Bɛ̈nydït acïk lɔ ke ke kueth, ku reeckï gäm, acïk cuai ku kuethkï në këcam. Acïk Nhialic Aciëŋden nyääŋ piny ku reeckï Awärjäŋ Konyden.

Pilipoi 3:19

këdɛn bïk yök rial ee riääk ëliŋliŋ, yäc en aye yanhden, ku dhuëëŋden ee yäär ee kek yäär, ayek kepiɔ̈ɔ̈th tuöm ka ke piny nɔm.

1 Tham 2:30

Yɛn, Bɛ̈nydït Nhialic de Yithriɛl, Yɛn cï gutguut looi ɣɔn thɛɛr wokë kɔc paandu ku dhiëndun, nɔn bän yïn looi ke yï ye bɛ̈ny de kake Nhialic anandu. Ku ënɔɔnë acä lueel, nɔn cän yen bï bɛ looi ë kööl däŋ! Ku kë bä looi, Yɛn bï kɔc ee Yɛn riëëu guöp riëëu, ku Yɛn bï kɔc ee Yɛn biɔɔn guöp luöi këtuc.