Ɣodh 4:6 - JAM DE NHIALIC 2011

⁶ Kɔckï abä keek riɔ̈ɔ̈k në biäk kuc kek Ɛn. Në baŋ cä wek ŋïnydï rɛɛc wek bäny ke kake Nhialic, wek cä keek jäi, ka wek cïï bï bɛ ya bänykiën ke kake Nhialic. Në luɔi cä wek nïïm määr në löŋ de Nhialicdun, Yɛn bï nɔm määr ayadäŋ në mïthkun.

Ɣodh 4:6 ပူးပေါင်းရင်းမြစ်များ

2 Lëk 15:3

Kɔc ke Yithriɛl acïk rëër ë run juëc ke ke cïn nïïm Nhialic yic, ku cïnkï nïïm bäny ke kake Nhialic ee keek wɛ̈ɛ̈t, ku cïnkï lööŋ.

Jop 36:12

Ku na cie yeka, ka bïk thou ke ke ye aɣäŋ tɛ̈më ke nyin ke ke lɔ paan ë thuɔɔu.

Diɛt 119:139

Agönhdï adɛ̈p ë ya yäc cït mac, në biäk ye kɔc ke aterdï lööŋku dhɔɔt yiic.

Diɛt 119:153

Woi nuandï tei, ku kony yɛn, në biäk kɛ̈n ɛn löŋdu dhɔɔt yic.

Diɛt 119:61

Kɔc ee kërac looi acïk a deep ë wïn de dɛ̈p, ku yɛn kën nɔm määr ë lööŋku.

Diɛt 18:27

Yïn ee kɔc cï röt kuɔɔr piny kony, ku Ye kɔc ee röt lɛɛc kuɔɔr piny.

Kɛ̈ŋ 10:21

Kuɔɔny de kɔc juëc ee bɛ̈n në liëp ke kɔc piɛth piɔ̈ɔ̈th, ku thou kɔc piɔl piɔ̈ɔ̈th në ciën ciët.

Kɛ̈ŋ 19:2

Kë kɔɔr arëët ke kɛ̈në cätic arac, ayï raan ee kɛɛc ë këdäŋic ee määr.

Yith 1:3

Ɣɔ̈k aŋickï raan de keek, ku ŋic mul të ye wuönden ke cääm. Ku acïï kɔckiën ke Yithriɛl ee ŋic aya. Acïkï ee yökic taitai.”

Yith 17:10

Yithriɛl wek cïï nïïm määr në Nhialic ɣɔn luäk week, ku gël week cï kuur dït. Ënɔɔnë we cï röt cuöm duum yaath, në luɔi bä wek yiëth lei aa lam.

Yith 27:11

Kër ke tiim acïk biɔɔr ku dhoŋkï, go diäär ke kuany ke ke ye tiim ke thät. Në biäk kën ë kɔc e yökic, Nhialic Aciëŋden acïï piɔ̈u bï kok ke keek, acï ke bï nyuöth kokdepiɔ̈u.

Yith 28:7

Acakaa nɔn ye bäny ke kake Nhialic ku tït wiɛɛt ë mɔ̈u ku yek tuëk. Acïk wiɛɛt ë mɔ̈n tuc arëët ka yek cath ë käŋkäŋ ke ke cï nïïm nuɔɔn. Tït ke Nhialic acïk wiɛɛt ë mɔ̈n tuc ka acïkï nyuuth cïï Nhialic tuööc ee bɛ yökic, ku bäny ke kake Nhialic acïk wiɛɛt ka acïkï göny cï yiɛ̈n keek ee guiir.

Yith 29:12

Na lɔ gäm raan kuc kuɛ̈n ku lɛ̈kë yen bï kuɛ̈n yïn, abï puk nɔm an, “Akuöc yen kë lueel.

Yith 3:12

Mïth kor ayɔŋkï kɔckï, ku ceŋ diäär keek. Acäk tïŋ ënɔɔnë kɔckï, luɔi kuc ë bänykun week mac, ke cäkï bï ŋic yen kueer wel kek wenïïm thïn

Yith 45:20

Aye Bɛ̈nydït lueel an, “Bäkkï tëtök, kɔc ke juöör, kɔc wään cï poth në wïïk de ciɛɛŋ thok, nyuɔɔthkï röt në löŋ nɔm! Kɔc ee röt kueer në yiëthkɛn ke tiim ku lɛ̈ŋkï yiëth cïï keek bï kony kek ee kɔckë acïn kë ŋickï taitai!

Yith 5:13

ka wek bï peec ke we mac. Bänykun abïk thou në cɔk, ku näk rou kɔc ke baai.

Jeremia 2:8

Bäny de kake Nhialic akënkï thiëëc an, tɔ̈u Bɛ̈nydït ënou? Bäny ke kake Nhialic de nɔmdï akuckï Yɛn. Bäny ke baai acïk A rɛɛc, ku jam tït në rin ke Baal, ku lɛmkï yiëth cïn naamden.

Jeremia 4:22

Aye Bɛ̈nydït lueel an, “Kɔckï apiɔlkï piɔ̈ɔ̈th, akuckï Yɛn. Acïtkï mïth piɔl piɔ̈ɔ̈th, acïnkï ŋïny de käŋ. Keek ayek atëët ke luɔi de kërac, ku ayek löny në luɔi de këpiɛth.”

Jeremia 5:21

Daaikï apiɛth, wek kɔc dhän cie piŋ, kɔc de kenyïïn, ku acïkï ee daai, ku adekï yïth, ku acïkï ee piŋ.

Edhekiɛl 44:23

“Bäny ke kake Nhialic abïk kɔckï dhil aa wɛ̈ɛ̈t në kaam de kaɣer yiic ku ka cïï yiic ɣer, ku kaam de kapiɛth ku kake acuɔl.

Ɣodh 13:6

Të ɣɔn cääm Ɛn week, wek ë ye kuɛth, ku të cä wek kuɛth, ke wek ɣɛ̈ɛ̈c wenïïm, ku määrkï nïïm në Yɛn.

Ɣodh 2:13

Abä keek luöi këtuc në biäk de aköölkɛn ɣɔn cï kek a puɔ̈l, ku yek Baal nyuöp wal ŋïr. Aake ye röt jäm në joth, ku kur tuc ë ɣööcden, ku riŋkï në röör cök, ku mɛ̈ɛ̈rkï nïïm në Yɛn. Kë cïï Bɛ̈nydït lueel ka.

Ɣodh 4:1

Piɛŋkï jam ë Bɛ̈nydït wek kɔc ke Yithriɛl, Bɛ̈nydït ade gääk wël nɔm week, wek kɔc cieŋ ee pinyë. “Wek cïn piɔ̈n adöt, ku ciënkï nhiëër, ku wek cïï Nhialic ŋic.

Ɣodh 4:12

Ka ayek luny de tim ril yɔ̈ɔ̈k an nyuth keek nyuuth! Ku lëkkï thieec an guïïr keek kë kɔɔrkï bïk ŋic! Acïk Ɛn nyääŋ piny Yɛn Nhialicden. Acïï dhööm ë kepiɔ̈ɔ̈th keek thɛl wei, ka acïkï be diɛɛr në Nhialic.

Ɣodh 4:14

Duetkun acä keek bï luöi këtuc të le kek köör, kedhie ayï diëër ke wɛ̈ɛ̈tkun të le kek nööm. Në biäk ya wek diäär luui yiëth nööm ayadäŋ, week ë yiëthkun. Ku miackï yiëth në keek ëtök. Ka wek kɔc cï nïïm riääk wek bïï riɔ̈ɔ̈k!

Ɣodh 5:4

Kërɛɛcdɛn cïk looi yen apën keek puŋ puk kek röt Nhialicden. Acïï dhööm ke thiɔ̈ɔ̈ŋ piɔ̈ɔ̈th, ka acïk ŋïny de Bɛ̈nydïtden rɛɛc.

Ɣodh 6:6

Ee nhiëër agɔk yen akaar acie miɔ̈c. Ee luɔi bïï kɔckï Ya ŋic nɔn yan Nhialicden Yen akaar, acie miɔ̈c ye nyop ëbɛ̈n yen ee këdït.

Ɣodh 7:11

Eparaim acïn piɔ̈u cït ajïth, aye dap math ëthiäu. Ee Rip guɔ cɔɔl ee tëthiinë, na ëlë ke be rɔt guɔ puɔ̈k Athiriya.

Ɣodh 7:9

Juöör athölkï riɛl de Yithriɛl wei, ku akuc ë Yithriɛl. Ku Yithriɛl ë nɔm lou ke kuc në yepiɔ̈u.

Ɣodh 8:1

Aye Bɛ̈nydït lueel an, “Kuɔthkï kɛŋ, cuɔɔr agör Yithriɛl, në baŋ cïï kɔckï löŋdï dhoŋ kɔ̈u, ku dhäŋkï wëëtdï yic.

Ɣodh 8:12

Acä keek gäär këriëëc kith ëbɛ̈n në këde lööŋkï, gokï ke rɛɛc abïk ciët kak ë gɛ̈ɛ̈rë kɔc kɔ̈k pei.

Ɣodh 8:14

“Yithriɛl ë nɔm määr në Aciëŋ ë cak keek, ku acïk röt yiëk ɣööt dït läk. Ku kɔc ke Juda acïk pɛ̈ɛ̈nydït juëc cï gël yïk. Ku Yɛn bï pɛ̈ɛ̈nydïtken ɣɔ̈k mac, ku nyuɔp ɣöötken piny.

Ɣodh 9:17

Go Ɣodhiya lueel an, “Abï Nhialicdï keek rɛɛc, në baŋ kën kek En piŋ thok. Abïk riäu baaŋ në juöör yiic ëbɛ̈n.

Math 1:6

Ku dhiëth Jethe Debid melik. Ku dhiëth Debid melik Tholomon në tiiŋ wään cï kɔn aa tiiŋ de Yuria.

Math 15:14

Pälkï keek, ayek cöör thel cöör. Ku të thelë cɔɔr, cɔɔr ka bïk lööny ë adhumic keek kaarou.”

Math 15:8

“Jurë ee rɔt cuöt tëthiɔ̈k ke yɛn në keliëp, ku yek a riëëu ë kethook, Ku piɔ̈nden amec kek yɛn.

1 Tham 2:12

Wɛ̈ɛ̈t ke Eli ayek kɔc ee karɛc looi. Acïkï jam ë Bɛ̈nydït ee piŋ,