Ɣodh 4:15 - JAM DE NHIALIC 2011

¹⁵ “Na cakaa nɔn cä wek wäc, wek kɔc ke Yithriɛl, duökï kɔc ke Juda bï tɔ mɛt röt në awänydun yic. Duökï ee lɔ Gilgal, ku duökï lɔ Bethaben, ku duökï ee kuëëŋ në rin ke Bɛ̈nydït pïïr.

Ɣodh 4:15 ပူးပေါင်းရင်းမြစ်များ

2 Lëk 17:4

Ago Nhialic de wun aa luööi, ku döt lööŋ ke Nhialic, ku akën luui në kuɛɛr ke meliik ke Yithriɛl.

2 Lëk 21:11

Arëk abïï ɣään ke läm ke yiëth yïk piny ë kuur de Juda yic, ago kɔc ke Juda ku kɔc ke Jeruthalem tɔ lui Bɛ̈nydït awäc.

Yith 48:1

Piɛŋkï kënë wek kɔc ke Yithriɛl wek kuat de Juda: Wek ee kuëëŋ në rin ke Bɛ̈nydït, ku yak lueel nɔn lam wek Nhialic de Yithriɛl, ku jam yak lueel acie yen yak looi.

Jeremia 44:26

Ku ënɔɔnë piɛŋkï kuëëŋdiën cä looi, Yɛn Bɛ̈nydït në rinkiën wärjäŋ, kuëëŋ lɛ̈k week wek kɔc ke Yithriɛl tɔ̈u ë Rip wedhie: an, acïn raan ë weyiic bï aa kuëëŋ ë rinkï an, ‘Yɛn kuëëŋ në rin Bɛ̈nydït Awärjäŋ pïïr!’

Jeremia 5:2

Cakaa nɔn ya wek e lueel nɔn ya wek Bɛ̈nydït lam, ku ayek kuëëŋ ë lueth.

Edhekiɛl 20:39

Acïï Bɛ̈nydït Awärjäŋ lueel an, “Ku ënɔɔnë, wek baai de Yithriɛl, takï we piɔ̈ɔ̈th mit! Luööikï yiëthkun! Ku wek jääny, në ee kake cök, wek bï ya dhil riëëu, ku pälkï luɔi ya wek rinkiën ɣeriic yɔ̈ɔ̈r, në gɛm ya wek miɔ̈c gäm yiëthkun.

Ɣodh 10:5

Kɔc cieŋ Thamaria, ayek riɔ̈ɔ̈c në yanh dau, dan de Bethaben. Ku yen ee yanhë, abïï kɔc de ye dhiëëu mɛ̈tkï në bänyke, në baŋ de diɛkde në luɔi bïï ë ye peec.

Ɣodh 10:8

Ku ɣään thöny ke Aben, ye kɔc ke Yithriɛl yiëth lam thïn, abïï keek riɔ̈ɔ̈k. Ee läm de yiëth yen aye awänydïït de Yithriɛl. Ka abï keek riɔ̈ɔ̈k, ku kuɔɔth, ayï thil abïk lɔ̈ɔ̈k cil në yïïkken nïïm. Ku kɔc abïk kur aa yɔ̈ɔ̈k an wïïkkï në kenïïm, ku lëkkï kur kor an, “Kuömkï wo piny!

Ɣodh 11:12

Aye Bɛ̈nydït lueel an, “Baai de Yithriɛl acï Ɛn gɛɛu cil në lueth ku ruëëny. Ku kɔc ke Juda acïk Ɛn rɛɛc, Yɛn Nhialic adöt ɣeric.

Ɣodh 12:1

Eparaim acamkï ɣääriic. Ayek yom de aköl amiäk cop cök ëceŋ. Ku acïk tör ŋuak nyin, ku tɔɔŋ acïk juëc në keyiic. Acïk mät looi në Athiriya ku Rip, ku ayek miök de olip gäm keek kɔk kek keek.

Ɣodh 12:11

Ku ŋoot Giliyad ke loi karɛc? Ee kɔc cïn naamden. Aŋootkï ke ke ye yiëth näk miöör në Gilgal? Yïïkken abïk ciën nɔmden, abïk ciët kur ë nyiɛɛiyë keek të gɔl ë dom.

Ɣodh 12:12

Ku kuɛɛrëdun Jakop ëbɛ̈n kat ke lɔ Methopotamia, go lɔ luui ëtɛ̈ɛ̈n athiɛɛk en tik. Go thiëëk në ariöp de tiët ë thök.

Ɣodh 4:12

Ka ayek luny de tim ril yɔ̈ɔ̈k an nyuth keek nyuuth! Ku lëkkï thieec an guïïr keek kë kɔɔrkï bïk ŋic! Acïk Ɛn nyääŋ piny Yɛn Nhialicden. Acïï dhööm ë kepiɔ̈ɔ̈th keek thɛl wei, ka acïkï be diɛɛr në Nhialic.

Ɣodh 5:8

Kuɔthkï kɛŋ ke tɔŋ në Gibia, ku lɛ̈kkï kɔc ke Rama. Kiɛɛukï tɔŋ në Bethaben. Guiɛɛrkï röt baai de Benjamin ee wek abï tɔŋ miɔ̈ɔ̈c.

Ɣodh 9:15

Aye Bɛ̈nydït lueel an, “Acä keek maan në biäk de awɛ̈ɛ̈ckɛn cïk wööc kedhie në Gilgal. Acä keek bï bɛ nhiaar. Abä keek cuɔp wei ɣöndï, në biäk de karɛckɛn cïk looi. Bänyken acïk wöc në Yɛn kedhie.

Amoth 4:4

Go Bɛ̈nydït Awärjäŋ lueel an, “Kɔc ke Yithriɛl lak Bethel wun ɣeric, ku luɔikï kërac, ku lakï Gilgal ku bɛkï kërac ŋuak nyin në luɔi. Wek ee miɔ̈cdun bɛ̈ɛ̈i aköölnyïïn kedhie, ku bɛ̈ɛ̈ikï töŋ thiëër ë käŋ ë ceŋ në kööl ye akööl diäk.

Amoth 5:5

Duökï yiëth lɔ lam në Bethel, Bethel abï ciën naamde. Ku duökï lɔ lam në Gilgal, kɔc ke Gilgal abï keek peec. Ku duökï aken de Biirceba tem.

Amoth 6:10

Na lɔ raan de kɔckɛn cï thou bɛ̈n, bïï gup ke kɔckɛn cï thou bɛ̈n bɛ̈ɛ̈i bei le ke rɔk. Ku kɔc de kɔc cï thou, abïk raan cï döŋ apïïr ɣööt luɔp, an, “De raan däŋ cï döŋ kekë yïn? “Ku abïï röl bɛ̈ɛ̈r an, “Ei! Ka abï raan de kɔc cï thou lueel an, “Mimku thook! Titku röt apiɛth, duku Bɛ̈nydït be lueel rin.

Amoth 8:14

Ku kɔc lɔ aa kuëëŋ në Acima yanh de Thamaria, ku raan lɔ ye lueel an, ‘Në rin ke yanhdan tɔ̈u ë Dan, ku nɔn ee yanhdan tɔ̈u ë Biirceba,’ Kek ë kɔckë, abïk wïïk në wïïk cï kek röt bï bɛ jɔt.’

Epethiei 5:11

Ku duökï röt ee mat në luɔi de cuɔlëpiny, luɔi cïnic kë ye yök thïn, aŋuɛ̈ɛ̈n ë luɔi bä wek kɔc loi en aa jɔ̈ɔ̈ny.

Jocua 5:9

Na wën, ke lëk ë Bɛ̈nydït Jocua an, “Ayärduön ɣɔn Rip acä nyaai ee köölë. Yen kë ë jɔ ëtɛ̈ɛ̈n cäk ka an Gilgal agut cï ënɔɔnë.

Jocua 7:2

Ku Jocua acï kɔc kɔ̈k tooc ë Jeriko, tooc keek Ai, wun dïït tɔ̈u në Bethel kɔ̈u baŋ të lɔ aköl amiäk, në Bethaben lɔ̈ɔ̈m, lek piny caath. Na wën, acïk piny lɔ caath,