Ɣodh 4:14 - JAM DE NHIALIC 2011

¹⁴ Duetkun acä keek bï luöi këtuc të le kek köör, kedhie ayï diëër ke wɛ̈ɛ̈tkun të le kek nööm. Në biäk ya wek diäär luui yiëth nööm ayadäŋ, week ë yiëthkun. Ku miackï yiëth në keek ëtök. Ka wek kɔc cï nïïm riääk wek bïï riɔ̈ɔ̈k!

Ɣodh 4:14 ပူးပေါင်းရင်းမြစ်များ

1 Mel 15:12

Acï röör akɔɔrdiäär ku diäär akɔɔrröör ee lui në ɣään ye yiëth lam thïn cop, ku nyiɛɛi yiëth ɣɔn cï meliik tueŋ looi.

2 Mel 23:7

Ku riɔ̈ɔ̈k ɣööt cieŋ ë röör akɔɔrdiäär ku diäär akɔɔrröör cï Luaŋdït tuɔɔk, ku röör ku diäär aake ye lupɔɔ ye yanh tiiŋ cɔl Acera lam gut ëtɛ̈ɛ̈n.

Kɛ̈ŋ 28:5

Kɔc ee karɛc looi akuckï luɔi de yic, ku kɔc ee Bɛ̈nydït riëëu ayek yökic ëbɛ̈n.

Yith 1:5

Eeŋö ŋuɔɔt wek ke we jai? Kaarkï bï wo luöi këtuc aläl? Yithriɛl, nɔmdu ka cï thiäŋ ke tëtöök ku piɔ̈ndu ëbɛ̈n ayï täŋdu, acï jɔk ke dɔm.

Yith 27:11

Kër ke tiim acïk biɔɔr ku dhoŋkï, go diäär ke kuany ke ke ye tiim ke thät. Në biäk kën ë kɔc e yökic, Nhialic Aciëŋden acïï piɔ̈u bï kok ke keek, acï ke bï nyuöth kokdepiɔ̈u.

Yith 56:11

Acïtkï jɔ̈k dït piɔ̈ɔ̈th cie kuɛth. Kek ee bänykë acïkï käŋ ee yökiic. Raan ëbɛ̈n në keyiic aye ŋɛk kë nhiɛɛr ë piɔ̈nde looi, ku ye ŋɛk këdäŋ kɔɔr ke de kë bï yök thïn.

Danyel 12:10

Kɔc juëc abï keek tɔ dikëdik, ku wak keek, ku gii keek, ku kɔc ee karɛc looi abïk ŋoot ke ke loi karɛc. Kɔc ee karɛc looi acïkï bï yökic, ee kɔc pelnïïm kapäc kek bï ye yökic.”

Ɣodh 14:9

Go Ɣodhiya lɛ̈k keek alëyɔ̈ɔ̈ an, “Na de raan pel nɔm? Ke yök ee kakë yiic kedhie. Kuɛɛr ke Bɛ̈nydït ayek yith, ku aye kɔc piɛthpiɔ̈ɔ̈th ke kuany yiic, ku raan reec Bɛ̈nydït, ee tuëk thïn ku wïïk, në biäk ye kek keek dhɔ̈l yiic.

Ɣodh 4:1

Piɛŋkï jam ë Bɛ̈nydït wek kɔc ke Yithriɛl, Bɛ̈nydït ade gääk wël nɔm week, wek kɔc cieŋ ee pinyë. “Wek cïn piɔ̈n adöt, ku ciënkï nhiëër, ku wek cïï Nhialic ŋic.

Ɣodh 4:17

Paan de Eparaim ë mɛt në yiëthiic, päl keek alɔ.

Ɣodh 5:4

Kërɛɛcdɛn cïk looi yen apën keek puŋ puk kek röt Nhialicden. Acïï dhööm ke thiɔ̈ɔ̈ŋ piɔ̈ɔ̈th, ka acïk ŋïny de Bɛ̈nydïtden rɛɛc.

Amoth 2:7

Ayek cath në kɔc kuanynyïïn kɔ̈ɔ̈th ku kɔc cïï ril cït ka cath piny. Ku yek kɔc kuanynyïïn jäp wei kueer. Meth kekë wun ayek tɔ̈c në tiiŋ lïm töŋë, ke wëërkï, ku riäkkï rinkiën ɣeriic.

Amoth 7:17

Ku ënɔɔnë, aye Bɛ̈nydït lueel an, ‘Tiiŋdu abï aa akɔɔrröör wutic, ku wɛ̈ɛ̈tku ku duet ku mïthku abïk wïïk në abätäu, ku Pinydu abï tek në awiɛi. Ku yïn bï lɔ thou piny ë kɔc kuc Nhialic. Ku kɔc ke Yithriɛl abïï keek peec pinyden leerë keek piny lei.’ ”

Kuɛ̈n 25:3

Ago kɔc ke Yithriɛl mɛt në läm de Baal de Peyor yic. Go Bɛ̈nydït piɔ̈u diu ke keek arëët.

Jɔn 8:43

Eeŋö cä wek jamdï ŋic? Ee luɔi cä wek jamdï lëu në pïŋ.

Romai 3:11

Acïn raan ŋic käŋ, acïn raan ee Nhialic kɔɔr,

1 Kor 6:16

Kuöckï ee cöökë an, Raan ë mat kekë akɔɔrröör, ke ye guöp tök kekë yen ëtök? Aa lueel, an, “Keek kaarou abïk aa guöp tök.”

Epethiei 4:18

kɔc col piɔ̈ɔ̈th ku liukï ë pïïr ë Nhialicic në biäk de kuny kuc kek käŋ, ku në riɛl ril kek nïïm,

Nyöŋ 23:17

“Acïn moc ku nɔn ë tiiŋ de kɔc ke Yithriɛl bï ya akɔɔrröör ayï akɔɔrdiäär ë luaŋ ë yathic.

Ɣeberuu 12:8

Na cïï week ee dui cït man ë kë ye luöi mïth ëbɛ̈n, ke we cie mïth dïïlke, wek duëër aa dhiëthlëër.