Ɣodh 3:1 - JAM DE NHIALIC 2011

¹ Go ë Bɛ̈nydït lɛ̈k ɛn an, “Ɣodhiya, be tiiŋdu nhiaar na cakaa nɔn yen röör kɔɔrë. Nhiaar cït man nhiɛɛr ë Bɛ̈nydït Yithriɛl, na cakaa nɔn cï kek A puɔ̈l ku gamkï yiëth, ku nhiaarkï cäm de këcam de mïth ke enap cï riɛl ye kek Baal lam.

Ɣodh 3:1 ပူးပေါင်းရင်းမြစ်များ

2 Tham 6:19

Na wën ke Debid ë gëm kɔc kedhie kuïïn, diäär ku röör. Go raan töŋ de Yithriɛl aa gäm kuïn cï pam, ku rïŋ cï nyop, ku thöu, ku kaak. Na wën ke ŋɛk ë jɔ lɔ baaide.

2 Mel 13:23

ku Bɛ̈nydït ee piɔ̈u adhuɛ̈ŋ ku ye piɔ̈u kok ke keek. Acïï keek duëër tɔ riäk, aye ke kuɔny në biäk de mände kekë Abraɣam, ku Yithaak, ku Jakop akën nɔm määr në kɔcke.

1 Lëk 16:3

Ku jɔ kɔc tɛ̈k kacaam kedhie. Ee moc ku tik paan de Yithriɛl gäm kuïn cï pam ku rïŋ cï nyop, ku kuïn de thön cï pam, ku kalik ke rap.

Neɣe 9:31

Ku në biäk dïït ë kokdepiɔ̈ndu, akɛ̈në ke nyääŋ piny, ku nɔn riäk keek. Yïn ee Nhialic de nhiëër de nɔm kokdepiɔ̈u!

Diɛt 123:2

Cït man ye lïm bɛ̈nyde woi nyin, ku cït man ye nyan lui tiiŋ lui kek woi nyin, yen acït luɔi ye wok Yïn woi nyin Bɛ̈nydït Nhialicda, aɣet të bï Yïn piɔ̈u kok we wook.

Bɛ̈n 32:6

Na ɣɔn amiäk aduduur, ke ke bïï miɔ̈c ye nyop ëbɛ̈n, ayï miɔ̈c bï gam ke ye miɔ̈c de mät. Ku jɔ kɔc nyuc piny ciëmkï ku dëkkï. Na wën, ke ke jɔt röt cöŋkï.

Diɛt ke 2:5

Tɔ yɛn tɔ ril në mïth ke tiim cï riɛl, ku tɔ yɛn lɔ̈ŋ në mïth ke tiim mit! Yɛn cï kɔ̈c në nhiëër.

Yith 45:22

“Pɔ̈kë rɔt ɛn ënɔɔnë ke we bï kony, wek kɔc ke piny thar ëbɛ̈n! Ee Yɛn ee Nhialic a tök ëtɛ̈ɛ̈n.

Jeremia 3:20

Ku cït mat ye tiiŋ cie adöt monyde pɔ̈l, yïn kën rɔt tɔ adöt tëde Yɛn, yïn baai de Yithriɛl. Acä lueel, Yɛn Bɛ̈nydït.”

Jeremia 31:20

“Yithriɛl Yïn ee wënhdiën läk, mɛnh nhiaar aläl. Të yan yïn lueel rin, yïn ya tak ë nhiëër. Piɔ̈ndï ee lɔ biic tënu yïn, Yɛn bï piɔ̈u kok.

Ɣodh 11:8

“Duɛ̈ɛ̈r week jɔ päl wei adï, kɔc ke Eparaim? Duɛ̈ɛ̈r week gam wei adï, wek kɔc ke Yithriɛl? Duɛ̈ɛ̈r week riɔ̈ɔ̈k taitai adï cït päny de Adama, ku nɔn luöi week kë cä luöi Dheboyim? Acïï ë piɔ̈ndï duëër tɔ luɔɔi! Nhiëërdiën nhiaar Ɛn week adït aläl.

Ɣodh 4:11

Aye Bɛ̈nydït lueel an, “Mɔ̈u ë kɔckï riɔ̈ɔ̈k nïïm, nɔn yen mɔ̈n cï cieŋ, ku nɔn ee yen mɔ̈n ë piac ë dhiim!

Ɣodh 7:5

Në aköölkɛn dhuëëŋ kek melik guöp, bäny mɛ̈tkï në melik ëtök, ayek wiɛɛt në mɔ̈u, ku pukkï röt lɛ̈ɛ̈tkï Nhialic.

Amoth 2:8

Ku të ye kek lɔ tɔ̈c në yïk kɔ̈ɔ̈th, ŋɛk ee rɔt thiëth lupɔɔ ë peec tëde kɔc kuanynyïïn, lupɔɔ ke kɔc känykï. Ku dëkkï në mɔ̈u ɣön ë Nhialicden, mɔ̈n ë nömkï tëde kɔc känykï.

Amoth 6:6

Wek ee mäu dek në guöl athiäŋ, ku yak röt tɔc në wɛ̈ɛ̈l ŋïr aläl, ku cäkï riääk de Yithriɛl dhiëëu.

Maika 7:7

Ku yɛn bï Bɛ̈nydït woi nyin, ku tiɛɛt Nhialicdï në luɔi bï yen a kony, ku Nhialicdï abï ya piŋ thok.

Dhek 1:16

Ku ënɔɔnë, kë cï Bɛ̈nydït de rɛm lueel kï an, ‘Yɛn puk a nɔm Jeruthalem në kokdepiɔ̈u. Ku Yɛn bï ɣöndï bɛ tɔ yïk. Ku wïn ë thëm abï riɛny piny Jeruthalem.’ Kë cï Bɛ̈nydït lueel ka.

Math 26:50

Go Yecu yɔ̈ɔ̈k an, “Mäth, loi kën ë bïï yïn.” Na wën, ke ke bɔ̈, bïk ku pɛ̈ɛ̈rkï Yecu ë döm.

1 Kor 10:21

We cïï dëk bï lëu në bïny de Bɛ̈nydït kekë bïny de jɔɔk rac ëtök: we cïï duëër rɔm ëtök ë pam ee kɔc cam, pam ë Nhialic kekë pam ë jɔɔk rac.

1 Kor 10:7

Ku duökï röt tɔ ye kɔc ee yiëth lam aya, cït man ë kɔc kɔ̈k ë keek, acït man cï e gɔ̈ɔ̈r an, “Kɔc ayek nyuc ciëmkï ku dëkkï, na ëlë, ke ke jɔt röt lek thuëëc.”

1 Pet 4:3

Akööl wään cï wan acïk dhil looi, akööl wään ee wok kamit ë Juöör piɔ̈ɔ̈th looi, kööl ë ye wok cool ë loi luɔi de dhööm, ku ŋɔ̈ɔ̈ŋ de kërac, ku dëŋ de mɔ̈u, ku thuëëc rac, ku wïn ee kɔc wit ë mɔ̈u, ku läm de yiëth col ëcut.

Bäny 10:16

Gokï yiëth ke juöör nyaai në ke yiic, ku lamkï Bɛ̈nydït, go Bɛ̈nydït bɛ diɛɛr në yaaŋ de Yithriɛl.

Bäny 9:27

Kɔc acïk lɔ ë duumken yiic kedhie lek mïth ke enap tet ku loikï mɔ̈u. Gokï dhuëëŋ jɔ looi në luaŋdɛn ë yathic të wën ciëm kek ku dëkkï aake ye Abimelek läät në acieer piny.