Ɣodh 2:8 - JAM DE NHIALIC 2011

⁸ Akuc ë kɔc ke Yithriɛl nɔn ee Yɛn ë gëm keek rap, ku mɔ̈u, ku miök. Ku akuckï aya nɔn ee Yɛn ë ŋuak adhɛ̈pke nyïïn, ku atekkɛn ye kek Baal lam.

Ɣodh 2:8 ပူးပေါင်းရင်းမြစ်များ

1 Lëk 29:16

Bɛ̈nydït Nhialicda, wok cï ee kakë määt yiic ëbɛ̈n, bï wok ke Luaŋdït yïk, bïï rinkuön ɣeriic aa dhuëëŋ guöp, ku käŋ kedhie aake bɔ̈ tëde Yïn, ku ayek kaku kedhie.

Jop 19:8

Yen ë kueerdï thiöök, ka cïn të tɛ̈ɛ̈k ɛn, acï kueerdï mɔ̈ɔ̈r në mɔ̈ɔ̈th,

Yith 1:3

Ɣɔ̈k aŋickï raan de keek, ku ŋic mul të ye wuönden ke cääm. Ku acïï kɔckiën ke Yithriɛl ee ŋic aya. Acïkï ee yökic taitai.”

Yith 46:6

Kɔc ayek athepkɛn ke adhɛ̈p liep thook ku wɛ̈lkï adhɛ̈p piny, ayek atek them në kake thëm. Ayek thɛ̈th riɔp bïï ke thäth yath, na ë lë ke ke gut kenïïm piny ku lamkï!

Jeremia 7:18

Mïth ayek tiim lɔ määt yiic, ku loi röör mac, ku jɔ diäär awac nuaai, bï kek kuïn cï pam luöi yanh tiiŋ cɔl Tiiŋ melik Nhial. Ayek miɔ̈c ye poor në mɔ̈u gäm yiëth kɔ̈k aya, në biäk bïï kek Ɛn yiëk buɔ̈t.

Edhekiɛl 23:41

Ayek jɔ nyuc në thööc läk nïïm, ku ayek pam cï thiëth nɔm kapiɛth tääu ë kenïïm, ayï walkiën ŋïr, ku miök de olip cä gäm keek.

Danyel 3:1

Go melik Nebukadnedhar kë cï käär ë adhääp looi, bɛ̈ɛ̈rde ee mitïïr kathiërrou ku dhorou, ku päu de yen yic ee mitïïr kadiäk, ago tɔ tɛ̈ɛ̈uwë piny ë riaaŋ ë Dura yic paan de Babilon.

Danyel 5:23

Yïn cï kërac luöi Bɛ̈nydït de paannhial abä cuöp ku aduuk ë nöm keek ë Luaŋdït yic bɛ̈ɛ̈i. Ku dek mɔ̈u ë ke yiic, yïn wekë adhuëëŋku, ku diëërku, ku diëër määthku, ku jakï yiëth lɛc nïïm, yiëth ë loi, në adhääp, ku ateek, ku maläŋ ku wëëth, ku tiim ku kuur, yiëth cïï duëër daai ku cïkï pïŋ, yiëth cïn kë ŋickï taitai. Ku yïn kën Nhialic riëëu, Nhialic ŋic luöi duëër yïn pïïr ku nɔn bä thou, ku yen amuk këriëëc ye looi ëbɛ̈n.

Ɣodh 10:1

Go Ɣodhiya lueel an, “Kɔc ke Yithriɛl aake cït tim de enap cï cuaar, ee mïth juëc bɛ̈ɛ̈i. Të cïï mïthke juëc, ayek yïïk juëc yïk. Ku të cïï pinyden luɔk arëët, ayek mën ke kurkɛn yaath yek lam jäm.

Ɣodh 13:1

Të jiɛɛm ë dhiën ë Eparaim ɣɔn, dhiën kɔ̈k aake ye lath. Eparaim acï dhuëëŋ guöp në Yithriɛl. Ku ënɔɔnë, acïk wäc në läm ye kek Baal lam, ka abïk thou në biäk ee kënë.

Ɣodh 13:2

Ku ënɔɔnë, ayek awäc gïtic në luɔi ë cieŋ. Acïk röt luöi yiëth ke nɔmden në atekken. Yiëth cï atëët ke ŋiëc cuëëc ka acïk dikëdik, acïkï ee Nhialic. Ku yek lueel an näkkï yiëth miɔ̈c! Ku duëër kɔc yiëthkï ciim thook adï, yiëth cït gup dau!

Ɣodh 4:11

Aye Bɛ̈nydït lueel an, “Mɔ̈u ë kɔckï riɔ̈ɔ̈k nïïm, nɔn yen mɔ̈n cï cieŋ, ku nɔn ee yen mɔ̈n ë piac ë dhiim!

Ɣodh 8:4

Ayek meliikken kuany ke cïkï lëk Ɛn, ku lɔckï bänyken kapäc, ke ke cïï Ya lop. Ayek röt cuɛ̈c yiëth ke ateek, ku adhääp, riëëk kek röt.

Ɣabakuk 1:16

Na lë, ke ke jɔ boiken lam, ku nyupkï keek miɔ̈c ë wɛ̈ɛ̈l ŋïr, ku lueelkï an, “Kek ë boikë, ayek yiëth ee kek tɔ wo kueth.

Luk 15:13

Na leer akööl likë, ke mɛnh koor jɔ wëuke kut kedhie, ku jɔ jäl keny paan mec, go wëuke lɔ thiäi wei ëtɛ̈ɛ̈n në thuëëc thuëëc en ë käŋ.

Romai 1:28

Reec cï kek ŋïny de Nhialic rɛɛc muk ë kepiɔ̈ɔ̈th, yen aa koonë Nhialic keek, abïk nïïm rac ëtaiwei, bïk käŋ aa looi ka cïï röŋ ë luɔi duëër raan ke looi.

Nyöŋ 8:18

Yak ŋic nɔn Yen Bɛ̈nydït Nhialicdun, Yen ë gëm week riɛl bï we tɔ kueth. Aa loi ee kënë në baŋ ŋoot En ke ye Adöt ee köölë, në löŋ cï mac kekë kuarkun.

Bäny 9:27

Kɔc acïk lɔ ë duumken yiic kedhie lek mïth ke enap tet ku loikï mɔ̈u. Gokï dhuëëŋ jɔ looi në luaŋdɛn ë yathic të wën ciëm kek ku dëkkï aake ye Abimelek läät në acieer piny.