Ɣodh 2:7 - JAM DE NHIALIC 2011

⁷ Abï röörke aa cop cök, ku cïï ke gïth. Abï keek aa kɔɔr, ku cïï keek yök. Ku ëtɛ̈ɛ̈n, abï jɔ lueel an, “Yɛn bï yanɔm puɔ̈k monydï cït man wään tueŋ, yɛn aa ŋuän wään në ënɔɔnë.

Ɣodh 2:7 ပူးပေါင်းရင်းမြစ်များ

2 Lëk 28:23

Go miɔ̈c näk gäm yiëth ke Thiriya wään cï yen tiaam ë tɔŋic. Ku lueel an, “Yiëth kë acïk melik de Athiriya kony, na cä keek näk, ka bïk yɛn dhil kony aya.” Kënë acï riäŋ dït bɛ̈n bɛ̈ɛ̈i ë yeguöp ku Yithriɛl ëbɛ̈n.

Diɛt 116:7

Yɛn bï yapiɔ̈u päl piny ë määth, në biäk piɛth ë Bɛ̈nydït kekë yɛn.

Yith 30:16

Ku acäk tak an bäk ban ë jöŋgöör ŋic riŋ të cop ë kɔc ke aterdun week. Ee yicdun, kat ee yen ee kë bäk looi! Ayak tak an ŋic jöŋgöörkun riŋ aläl, ku kɔc cop week aŋickï riŋ aläldïïtë!

Jeremia 14:22

Acïn yanh de juöör kɔ̈k duëër deŋ bɛ̈ɛ̈i, ayï tënhial yetök acïï duëër nyieer. Wok cï aŋäth tääu ë Yïguöp, Yïn Bɛ̈nydït Nhialicda, në biäk yen Yïn ë loi ee kakë.

Jeremia 2:2

bä ee jamë lɔ lɛ̈k raan ëbɛ̈n raan tɔ̈u në Jeruthalem. An, “Yɛn ee täuduön adöt wään ee yïn meth tak, nhiëër dïït ë nhiɛɛr yïn Ɛn ɣɔn tueŋ thiɛɛk wok röt, yïn aaye Ya kuany cök në jɔ̈ɔ̈ric, piny kënë com.”

Jeremia 2:28

“Tɔ̈u yiëth wään cäk ke luöi röt ënou? Wään täu wek në riääkic, takï ke kony week të duëër kek e lëu! Juda yïn de nɔm yiëth juëc cït juëc de pɛ̈ɛ̈nydïtku.

Jeremia 2:36

Wek cï weyiic tɔ piɔl në kë cä wek röt yal tëde yiëth ke juöör kɔ̈k. Wek bïï kɔc ke Rip riɔ̈ɔ̈k piɔ̈ɔ̈th, cït wään cïï kɔc ke Athiriya ye kɔn luöi week.

Jeremia 3:1

Aye Bɛ̈nydït lueel an, “Na cï moc tiiŋde pɔ̈l, ku cï ye nyääŋ piny, ku cï lɔ ya tiiŋ de mony däŋ, acïï moc bï bɛ dök nɔm ciëën. Kënë aduëër piny tɔ rac taitai. Ku yïn Yithriɛl, yïn cï aa akɔɔrröör de röör juëc, ku akɔɔr ënɔɔnë bä rɔt dɔ̈k Ɛn!

Jeremia 31:18

“Yɛn ee kɔc ke Yithriɛl piŋ ke ke jam ë dhiëëuwic an, ‘Bɛ̈nydït wok aake cït lɛ̈n roor, go wo wɛ̈ɛ̈t ë riëëu. Bɛ̈ɛ̈iyë wo ciëën, wok cï röt guiir buk röt pɔ̈k yïn, Yïn Bɛ̈nydït Nhialicda.

Jeremia 31:32

Acïï bï ciët löŋ thɛɛr ɣɔn bä mac wo kuarken, wään dam Yɛn keek cin ku bɛ̈ɛ̈i ke bei ë Rip. Cakaa wään ciët Yɛn moc tëde keek, akënkï ee löŋë bɛ̈n döt.

Jeremia 44:17

Ku wo bï këriëëc ëbɛ̈n looi, kë cuk lueel an buk looi. Wok bï wal ŋïr nyuöp tiiŋ melik de paannhial, ku abuk wäl nɔm mɔ̈u, cït man ɣɔn ye wok ye looi në kuarkuɔ, ku meliikuɔ ku bänykuɔ ë wuöt ke Juda yiic ku kuɛɛr ke Jeruthalem yiic. Wok cï nïïm dɛ kacaam juëc, ku kuethku, ku aa cïn nuan ë nu.

Edhekiɛl 16:18

Yïn cï lupɔɔ cï cuëëc wään cä gäm yïn nööm ku tääuwë keek në kakuön cï cuëëcë kɔ̈ɔ̈th, ku gämë keek miök de olip, ku wal ŋïr wään cä gäm yïn, ke ye miɔ̈c.

Edhekiɛl 16:8

“Na wën aa bɛ tëëk nyɔk, ke ya tïŋ luɔi cï kööl bïï yïn nhiëër looi bɛ̈n. Guɔ guöpduön cïn lupɔ kum në lupɔdiën ya cieŋ, ku lɛ̈k yïn gutguut luɔi bän yïn nhiaar. Ɣɛɛ, yïn cï löŋ de thiëëc mak wo yïn yïn, ago jɔ aa këdï.” Yen kë lueel ë Bɛ̈nydït Awärjäŋ ka.

Edhekiɛl 20:32

Acäk tak ë wepiɔ̈ɔ̈th, nɔn kaar wek bäk ciët juöör kɔ̈k, ku bäk ciët dhiëën kɔ̈k rëër në juöör kɔ̈k yiic, ku bäk tiim ayï kur lam. Ku kënë acïï rɔt duëër looi.

Edhekiɛl 23:12

Yen aya aacï thiäŋ në ŋɔ̈ɔ̈ŋ ke kɔɔr bäny ku adhuëëŋ ku bäny ke rem de tɔŋ de Athiriya, ku jööt ceŋ ka ke tɔŋ, ku akɔɔr kɔc cath ë jöŋgöör kɔ̈ɔ̈th, ku lɔ dhuök piɛth ëbɛ̈n.

Edhekiɛl 23:22

“Ënɔɔnë, Oɣoliba, kë cä lueel kï yɛn Bɛ̈nydït Awärjäŋ kë lɛ̈k yïn. Yïn cï bäp në ee röörkuön nhiaarë, ku abä ke tɔ göth në yïn, ku bɛ̈ɛ̈i keek bïk yïn bɛ̈n gɛɛu cil.

Edhekiɛl 23:4

Nyandïïtë acɔl Oɣola, ku yen atɔ̈u ë nyin de Thamaria yic, ku nyan thiinë acɔl Oɣoliba, ku yen atɔ̈u ë nyin de Jeruthalem yic.” Guɔ ke thiaak kedhie kaarou gokï yɛn dhiëth mïth.

Danyel 4:17

Kënë ee jam de tunynhial ɣeric cï rɔt coc ke daai. Ku ënɔɔnë, tɔ ŋic ë kɔc ë pinynɔm ëbɛ̈n an Nhialic dït ade nɔm riɛl në ciɛɛŋ de kɔc ë pinynɔm kedhie nïïm. Ku aduëër keek gäm raandɛn cï lɔc. Aduëër keek gäm kɔc cïn naamden.’

Danyel 4:25

Yïn bï cuɔp wei në kɔc yiic, ku yïn bï lɔ rëër wek ë läi roor. Në run kadhorou yiic, yïn bï nyuäth ë wal cï lɛ̈i, ku yïn bï tɔ̈c biic, të bï thäc yïn thɛ̈c. Ku ëtɛ̈ɛ̈n abä gam nɔn yen Nhialic dït, yen muk ciɛɛŋ de pinynɔm ëbɛ̈n, ku aduëër ke gäm raandɛn kɔɔr ë yepiɔ̈u.

Danyel 4:32

Yïn bï cuɔp wei në kɔc yiic, yïn bï rëër wekë läi, ku nyuäth wal cït man ë lɛ̈i në run kadhorou yiic. Ëtɛ̈ɛ̈n abä jɔ ŋic nɔn yen Nhialic dït, yen ade nɔm riɛl në ciɛɛŋ ë kɔc ke pinynɔm ëbɛ̈n, ku aduëër keek gäm raandɛn cï tak ë yepiɔ̈u.

Danyel 5:21

Acï bɛ̈n cuɔp wei në kɔc yiic, ku nɔmde acï bɛ̈n ciët tɔ̈u de lɛ̈i. Acï rëër ke mul roor. Ku nyuɛ̈ɛ̈th wal cï lɛ̈i, ku niin roor ke cïn kë kum yen yekɔ̈u në thɛ̈c. Na wään ciëën ke jɔ gam nɔn muk ë Nhialic dït ciɛɛŋ de kɔc ke pinynɔm ëbɛ̈n ku aduëër ke gäm raan cï tak ë yepiɔ̈u.

Ɣodh 1:2

Të ɣɔn gɔl ë Bɛ̈nydït jam kekë kɔc ke Yithriɛl në kueer de Ɣodhiya, kë ë kɔn lɛ̈k en kï an, “Lɔ thiak tiiŋ akɔɔrröör, ke bï yï dhiëth mïth kɔ̈k adhiëthlëër. Në biäk cïï kɔckï ya nyääŋ piny, ku lamkï Baal.”

Ɣodh 13:6

Të ɣɔn cääm Ɛn week, wek ë ye kuɛth, ku të cä wek kuɛth, ke wek ɣɛ̈ɛ̈c wenïïm, ku määrkï nïïm në Yɛn.

Ɣodh 14:1

Puɔ̈kkï röt Bɛ̈nydït Nhialicdun, wek kɔc ke Yithriɛl. Awɛ̈ɛ̈ckun acïk week tɔ tuëk ku wiɛ̈ɛ̈kkï.

Ɣodh 2:16

Ka Yithriɛl abï Ya bɛ aa cɔɔl cït man ë monyde, ku pɛ̈l cɔ̈t yen a cɔɔl an Baal.

Ɣodh 5:13

“Na wën, aacï Yithriɛl rɔt yök acï tɔŋ thueet cït raan de jɔk, ku yök ë Juda rɔt acï thueet cït kë de guöp tëtöök, acïk bɛ̈n lɔ tëde meliŋdïït de Athiriya, le ke kony. Ku akën ë melik keek bɛ̈n lɔ kuɔny ku cïï keek tɔ ŋuɛ̈ɛ̈n, ku cïï tëtöökken tɔ dem.

Ɣodh 5:15

“Yɛn bï kɔckï päl wei, ku ta ke gum arëët, në biäk de awɛ̈ɛ̈cken, agut të bï kek röt puɔ̈k Ɛn. Abï guöm keek tɔ kɔɔr Ɛn arëët.