Ɣodh 2:20 - JAM DE NHIALIC 2011

²⁰ Yïn bä lɔc në piɔ̈n adöt, ka yïn bï Bɛ̈nydït ŋic ke ee këdu.

Ɣodh 2:20 ပူးပေါင်းရင်းမြစ်များ

Cäk 9:10

Ku Yɛn luel mät aya wokë kapïr kedhie, ka nu në yïn ëtök, läi ku diɛt ku këpïïr ëbɛ̈n, kë ë bɔ̈ bei abëlic.

Yith 2:4

Abï ateer tɔ kääc në kɛm ke juöördït ke piny nɔm. Abïk abätɛ̈ɛ̈uken thɔ̈ɔ̈th ke ke ye pur, ku tɔɔŋken ke ke ye leem ke tëm. Juöör acïkï tɔŋ bï bɛ aa lɛɛr, ku nɔn bekï tɔŋ kiëët.

Yith 62:4

Yïn cïï bï bɛ aa cɔɔl an, “Raan cï pɔ̈l,” ku nɔn cɔl pinydu an, “Tiiŋ cï pɔ̈l.” Rinkuön cï piac cak abï aa cɔɔl an, “Nhialic amit piɔ̈u ke yen.” Pinydun abï aa cɔɔl an, “Thiëŋ de Miɛtëpiɔ̈u,” në biäk mit ë Bɛ̈nydït piɔ̈u ke yïn, ku abïï ciët mony de tik ke pinydun.

Jeremia 24:7

Abä keek gäm piɔ̈n bï kek ye ŋic nɔn Yɛn Bɛ̈nydït. Ku ëtɛ̈ɛ̈n abïk aa kɔckï, ku Yɛn bï aa Nhialicden, në biäk bï kek kenïïm pɔ̈k Ɛn në piɔ̈nden ëbɛ̈n.

Jeremia 30:10

“Kɔckï duökï riɔ̈c, kɔc ke Yithriɛl duökï piɔ̈ɔ̈th riɔ̈c. Wek bä luök ee piny mecë, piny ya wek kɔc cï peec thïn. Wek bï bɛ̈n ciëën baai ku rëërkï në mät, wek bï luök, ku acïn raan bä wek bɛ riɔ̈ɔ̈c.

Jeremia 32:41

Yɛn bï piɔ̈u aa miɛt në luɔi de këpiɛth, ku abä keek miɛn piny arëët në ee pinyë yic.

Jeremia 9:24

Na kɔɔr raan bïï rɔt lɛɛc, në ë leec rɔt në luɔi cï yen Yɛn ŋic, ku cï kakï yök yiic, në biäk tɔ̈u ë nhiëërdiën agɔk ke yen, ku Yɛn ee yic kekë piathëpiɔ̈u looi. Kek kak ee Yɛn tɔ mitpiɔ̈u ka. Acä lueel, Yɛn Bɛ̈nydït.”

Edhekiɛl 16:62

Yɛn bï mändï bɛ looi wo yïn, ku abä ŋic nɔn ee yɛn Bɛ̈nydït.

Edhekiɛl 16:8

“Na wën aa bɛ tëëk nyɔk, ke ya tïŋ luɔi cï kööl bïï yïn nhiëër looi bɛ̈n. Guɔ guöpduön cïn lupɔ kum në lupɔdiën ya cieŋ, ku lɛ̈k yïn gutguut luɔi bän yïn nhiaar. Ɣɛɛ, yïn cï löŋ de thiëëc mak wo yïn yïn, ago jɔ aa këdï.” Yen kë lueel ë Bɛ̈nydït Awärjäŋ ka.

Edhekiɛl 34:25

Yɛn bï mät looi wo keek, män bï rëërdɛn tɔ tiëc. Yɛn bï läi rac tɔ̈u roor në piny yic nyaai, ago amɛ̈lkï ciën kë bï ke bɛ cam në duum yiic ku yek nïn roor.

Edhekiɛl 34:27

Tiim abïk luɔk ë mïth, ku duum abïk luɔk në rap, ka raan ëbɛ̈n abï rëër ke cïn kë riɔ̈ɔ̈c en pinyde. Të lan kuat rek ë kɔckï tueny, gäm ke nɔm lääu tëde kɔc cï keek tɔ ee lïïm, ëtɛ̈ɛ̈n abïk jɔ ŋic nɔn ee Yɛn Bɛ̈nydït.

Edhekiɛl 38:23

Në ye kueerë abä jɔ nyuöth juöör ëbɛ̈n, luɔi diëët Ɛn, ku ɣɛɛr yic. Abïk jɔ ŋic ëtɛ̈ɛ̈n nɔn ee Yɛn Bɛ̈nydït.”

Ɣodh 13:4

Aye Bɛ̈nydït lueel an, “Yɛn aye Bɛ̈nydït Nhialicdun, raan ɣɔn bïï week bei paan ë Rip. Duökï bï dɛk Nhialic däŋ kaarkï pei, të cïn Ɛn. Ku cïn kony de wëi däŋ kɔ̈ɔ̈rkï röt, të cïn Ɛn.

Ɣodh 2:19

“Ku yïn bä lɔ̈c rɔt aɣet athɛɛr, Yithriɛl. Yïn bä lɔc në piathëpiɔ̈u ku yic, ku nyuöth yïn nhiëër agɔk ku kokëpiɔ̈u, ku ta yïn ee këdï aɣet athɛɛr.

Ɣodh 6:6

Ee nhiëër agɔk yen akaar acie miɔ̈c. Ee luɔi bïï kɔckï Ya ŋic nɔn yan Nhialicden Yen akaar, acie miɔ̈c ye nyop ëbɛ̈n yen ee këdït.

Lebai 26:5

Wek bï aa käm aɣët të bï rap tem ku tɛmkï rap aɣët të bï com bɛ bɛ̈n, ku wek bï këcam kaarkï ëbɛ̈n cam, ku wek bï rɛ̈ɛ̈r ë diu pinydun.

Lebai 26:6

“Wek bä gäm mät pinydun. Ka wek bï aa niin, ku acïn raan bï week tɔ riɔ̈c. Yɛn bï läi rac nyaai pinydun, ku acïn abätäu bï wundun reetic.

Maika 4:3

Bɛ̈nydït abï wël ke juöör juëc guiir, juöör ril nu të thiɔ̈k ayï të mec aya. Acïn jur bï jur bɛ yiɛ̈n tɔŋ. Ku cïn raan bï tɔŋ bɛ aa guik. Ka abïk abätɛ̈ɛ̈uken thɔ̈ɔ̈th tɔkï keek ee pur, ku tɔkï tɔɔŋken ee leem ke tëm ë rap.

Dhek 9:10

Aye Bɛ̈nydït lueel an, “Yɛn bï abëël ke tɔŋ nyaai ë Yithriɛl, ku jat jöŋgöör ë Jeruthalem, ku riääk dhɛ̈ŋ ye kɔc muc. Melikdun abï mät looi ë juöör yiic, ciɛɛŋde abï gɔl në wɛ̈ɛ̈r alɔ gut ë wɛ̈ɛ̈r däŋë, ku gɔl ë wɛ̈ɛ̈r ë Yuparat kɔ̈u leer ë piny thar.

Math 11:27

Käŋ kedhie acï Wäär ke tääu ë yacin, ku acïn raan ŋic Wënde, ee Wäär etök, ayï Wäär acïn raan ŋic en, ee Wënde etök, ku raan nu ë Wënde piɔ̈u nɔn bï en ë nyuöth en.

Luk 10:22

“Käŋ kedhie acï Wäär ke yiɛ̈n ɛn: ku acïn raan ŋic wënde, nɔn ee yen ŋa, ee wun etök, ku acïn raan ŋic wun, nɔn ee yen ŋa, ee wënde etök, ku raan nu ë Wënde piɔ̈u luɔi bï en ë nyuöth en.”

Jɔn 17:3

Ku kënë yen aye pïïr athɛɛr an, Ŋïny bï kek yïn ŋic, yïn Nhialic yic, yïn yïtök, ku ŋickï Yecu Kërtho raan ë yïn ë toc en.

Jɔn 8:55

ku akɛ̈nkï ŋic: ku aŋiɛc yɛn, ku na luɛɛl en an, akuöc ke yɛn bï ya alueeth cït week: ku aŋiɛc, ku ya jamde döt.

2 Kor 4:6

Luɔi ee yen Nhialic, Raan ɣɔn yöök ɣɛɛrëpiny, an, “Bä bei tëcol, ye piny riaau!” Yen aa riau wopiɔ̈ɔ̈th, agoku riau de ŋïny de dhuëëŋ de Nhialic yök, riau nu ë Yecu Kërtho nyin.

Pilipoi 3:8

Yeka, ee yic, yɛn ë käŋ tɔ ye riääk tei kedhie, në biäk de piath wär këriëëc, piath de ŋïny ŋiɛc ɛn Kërtho Yecu Bɛ̈nydiëndït, raan cï riääk de kakï kedhie aa tiiŋ nɔm në biäkde, ku acä ke tɔ ye wɛr tei, luɔi bän Kërtho yök,

Kolothai 1:10

ke rëërdun bï röŋ kekë rëër ë kɔc ke Bɛ̈nydït, ke Bɛ̈nydït bï piɔ̈u miɛt arëët. Yak luɔk në luɔi piɛth ëbɛ̈n, ku ŋuakkï wenyïïn ë ŋïny ŋiɛc wek Nhialic.

2Tim 1:12

En aa guööm ɛn ee kakë aya: ku acä keek guum, ke yɛn kën yäär, në biäk ŋiɛc yɛn raan cä gam, ku aŋiɛc ëgɔk nɔn duëër en këdäŋ ŋiëc tiit kë cä kuɛ̈i yen aɣet kööl bï bɛ̈n.

Ɣeberuu 8:11

Ku acïn raan në keyiic bï keek bɛ wɛ̈ɛ̈t në kajuëc cït kake löŋ thɛɛr, në luɔi bï kek Ya ŋic ‘Yɛn Bɛ̈nyden.’ Në luɔi bï kek Ɛn ŋic kedhie, gɔl ë raan koor agut cï raan dït.

1 Jɔn 4:6

Wok ee kɔc ke Nhialic: raan ŋic Nhialic ka ye këda piŋ, ku raan cie këde Nhialic ka cïï këda ee piŋ. Ŋïny ŋic wok wëi ke yic, ku wëi ke lueth kï.

1 Jɔn 5:20

Ku aŋicku nɔn cï wën ë Nhialic bɛ̈n, bï ku gɛ̈m wook ŋïnydekäŋ, buk raan yic ŋic, ku wok tɔ̈u ë raan yicic, yen aye Wëndɛn Yecu Kërtho. Nhialic yic kï, ku pïïr athɛɛr ka.