Ɣodh 2:13 - JAM DE NHIALIC 2011

¹³ Abä keek luöi këtuc në biäk de aköölkɛn ɣɔn cï kek a puɔ̈l, ku yek Baal nyuöp wal ŋïr. Aake ye röt jäm në joth, ku kur tuc ë ɣööcden, ku riŋkï në röör cök, ku mɛ̈ɛ̈rkï nïïm në Yɛn. Kë cïï Bɛ̈nydït lueel ka.

Ɣodh 2:13 ပူးပေါင်းရင်းမြစ်များ

2 Mel 1:2

Ku Aɣadhia melik de Yithriɛl acï lööny piny ɣöndɛn nu nhial nɔm ë Thamaria, go tɔ̈c piny ke de guöp juäi, go tuuc tooc bïk Baaldhebub, yanh ë Pilithiin tɔ̈u wutic ë Ekeron lɔ luɔp na bïï guöp pial në ë jɔŋë, ku nɔn cïï guöp bï pial.

2 Mel 10:28

Yen kueer ë nɛ̈k ë Jeɣu kɔc ee Baal lam kedhie ka piny de Yithriɛl.

2 Mel 21:3

Ë ɣään thöny nyɔk në yïk, ka ɣɔn cïï Ɣedhekia ke riɔ̈ɔ̈k, ku lui Baal yïk kekë yanh tiiŋ cɔl Acera cït luɔi de Aɣap melik de Yithriɛl, ku ye kuɛl lam ku luuikï ke.

Jop 8:13

Yen kë ee rɔt luöi raan ee nɔm määr ë Nhialic ëbɛ̈n ka, aŋäth de kɔc reec Nhialic ee guɔ riäär,

Diɛt 106:13

Ku ayek nïïm guɔ dap määr ë kë cï looi ku luikï ke ke cïï täŋde be tiit.

Diɛt 106:21

Acïk nïïm määr ë Nhialic wään cï ke kony në riɛldɛn dït wään ë Rip.

Diɛt 78:11

Acïk nïïm määr në kë cï looi, kadït ke gäi cïk keek tïŋ ke ke looi.

Bɛ̈n 32:34

Ku ënɔɔnë, lɔ watë kɔc të wään cä lɛ̈k yïn. Ku tunynhialdï abï we wat. Ku akööl abïkï, akööl bän ee kɔckë luöi këtuc në biäk de kërɛɛcden.”

Yith 17:10

Yithriɛl wek cïï nïïm määr në Nhialic ɣɔn luäk week, ku gël week cï kuur dït. Ënɔɔnë we cï röt cuöm duum yaath, në luɔi bä wek yiëth lei aa lam.

Yith 65:7

në biäk de awɛ̈ɛ̈cken, ku awɛ̈ɛ̈c ke kuarken. Acïk wal ŋïr nyop në kur ke yiëth nïïm, ku luelkï karɛc në biäkdï. Ka abä keek luöi këtuc rɔ̈ŋ ke kathɛɛr cïk looi.”

Jeremia 11:13

Kɔc ke Juda adekï nïïm yiëth juëc cït kuën de pɛ̈ɛ̈nydïtken, ku kɔc ceŋ Jeruthalem acïk röt yiëk yïk juëc cït kuën ke kuɛɛr ke pänydït, yïk ye Baal nyuöp wal ŋïr.

Jeremia 18:15

Ku kɔckï acïk nïïm määr ë yɛn, ayek wal ŋïr nyuöp yiëth. Acïk kɔ̈th në kueerdɛn duëër kek lɔ thïn, acïkï kuɛɛrkɛn thɛɛr be kuany yiic, aciɛthkï ë kueer kënë kuaar yic.

Jeremia 2:32

Duëër tiiŋ koor nɔm määr në kuatdɛn adhääp, ku nɔn ee yen nyan thiak duëër nɔm määr në lupɔɔkɛn ke thiëëk? Ku kɔckï acïk nïïm määr në Yɛn në nïn juëc cïï ke duëërë kueen.

Jeremia 23:2

Kënë lueel Bɛ̈nydït Nhialic de Yithriɛl kï në biäk de bäny ee ye lueel an cïk kɔcke tiit an: “Wek kën kɔckï tiit, ku acäk keek thiɔ̈i ku cuɔpkï keek wei. Ënɔɔnë we la luöi këtuc në biäk de kërɛɛc cäk luöi kɔckï.

Jeremia 7:34

Piny abï aa jɔ̈ɔ̈r. Ku Yɛn bï awuɔɔu de miɛtëpiɔ̈u, ku diɛt piɛth ke dhuëëŋ de monythiëk ku nyan thiak, abä keek tɔ kääc në pɛ̈ɛ̈nydït ke Juda ku kuɛɛr ke Jeruthalem yiic.

Jeremia 7:9

Wek ee kual, ku näkkï, ku nämkï diäär, ku yak kuëëŋ në lueth, ku nyuöpkï Baal wal ŋïr, ku lamkï yiëth kënkï keek kɔn ŋic ɣɔn thɛɛr.

Dhiëëu 1:4

Acïn kɔc ee bɛ bɛ̈n në Luaŋdïtic, në akööl ɣeriic ke läm. Duet wään ee ket thïn acï keek thɛl wei, ku bäny de kake Nhialic adhiaukï, ku kɛ̈l ke pänydït thook alek liŋliŋ, ku Dhiɔn guöpde atök.

Dhiëëu 5:14

Kɔcdït acïkï ee bɛ rɛ̈ɛ̈r në kal de wut thok, ku dhuök acïkï thom ee bɛ gut.

Edhekiɛl 16:12

Ku tääu joth në yïwum ku yïyïth, ku tääu göl läk në yïnɔm bä cieŋ.

Edhekiɛl 16:17

Yïn cï atek ku kuɛɛt ke adhɛ̈p wään cä gäm yïn, nööm ku looi yïn ka cït gup röör ku jɔ niin we keek.

Edhekiɛl 22:12

Kɔckuön kɔ̈k aye keek riɔp në luɔi bïï kek näk. Kɔ̈k ayek aŋuëk nööm ë wëu cï kek kɔckɛn ke Yithriɛl kony kɔ̈ɔ̈th, ku jɔkï kuɛth në cäm ciɛm keek. Acïk nïïm määr në yɛn.” Bɛ̈nydït Awärjäŋ yen aa jam.

Edhekiɛl 23:35

Ënɔɔnë kë lueel ë Bɛ̈nydït Awärjäŋ kï: “Në biäk cïï yïn nɔm määr në yɛn ku wɛ̈lë yïkɔ̈u yɛn, yïn bï nuan në ŋɔ̈ɔ̈ŋdu kekë kɔ̈ɔ̈rduön ë röör.”

Ɣodh 11:2

Ku ënɔɔnë, të cɔ̈ɔ̈l Ɛn Yithriɛl në yalɔ̈ɔ̈m, yen aye kek röt mɛc wei në Yɛn. Kɔckï ayek Baal näk, ku nyupkï yiëth wal ŋïr.

Ɣodh 13:1

Të jiɛɛm ë dhiën ë Eparaim ɣɔn, dhiën kɔ̈k aake ye lath. Eparaim acï dhuëëŋ guöp në Yithriɛl. Ku ënɔɔnë, acïk wäc në läm ye kek Baal lam, ka abïk thou në biäk ee kënë.

Ɣodh 13:6

Të ɣɔn cääm Ɛn week, wek ë ye kuɛth, ku të cä wek kuɛth, ke wek ɣɛ̈ɛ̈c wenïïm, ku määrkï nïïm në Yɛn.

Ɣodh 2:7

Abï röörke aa cop cök, ku cïï ke gïth. Abï keek aa kɔɔr, ku cïï keek yök. Ku ëtɛ̈ɛ̈n, abï jɔ lueel an, “Yɛn bï yanɔm puɔ̈k monydï cït man wään tueŋ, yɛn aa ŋuän wään në ënɔɔnë.

Ɣodh 4:13

Ayek yiëth miɔɔc në kur nïïm nhial ya, ku nyopkï miɔ̈c ye nyop ëbɛ̈n në kur kor nïïm, ku në tim de ɣok thar. Ku në atïïp ke tiim cï lɔ niëpniëp, në luɔi liir atïïpken. “Yen kë ye duetkun tɔ ya akɔɔrröör ka. Ku yen aye diäär ke wɛ̈ɛ̈tkun röt tɔ nöm.

Ɣodh 4:6

Kɔckï abä keek riɔ̈ɔ̈k në biäk kuc kek Ɛn. Në baŋ cä wek ŋïnydï rɛɛc wek bäny ke kake Nhialic, wek cä keek jäi, ka wek cïï bï bɛ ya bänykiën ke kake Nhialic. Në luɔi cä wek nïïm määr në löŋ de Nhialicdun, Yɛn bï nɔm määr ayadäŋ në mïthkun.

Ɣodh 8:14

“Yithriɛl ë nɔm määr në Aciëŋ ë cak keek, ku acïk röt yiëk ɣööt dït läk. Ku kɔc ke Juda acïk pɛ̈ɛ̈nydït juëc cï gël yïk. Ku Yɛn bï pɛ̈ɛ̈nydïtken ɣɔ̈k mac, ku nyuɔp ɣöötken piny.

Ɣodh 9:7

Akööl ke këtuc abïkï, akööl ke kuɛ̈n acïk thiɔ̈k. Takï ŋic ë Yithriɛl yen ee kënë. Në luɔi cï awɛ̈ɛ̈ckun juëc arëët, ku cï wëlkun kenyïïn ŋuak aläl. Wek ee tiët tɔ ye dhɔ̈n, ku takï raan thiäŋ ke wëi tɔ ye raan cï miɔ̈l.

Amoth 8:10

Aköölkuön ke dhuëëŋ abä ke puk abïk ya akööl ke dhiëëu, ku pɔ̈k aköölkuön ke diɛt ke miɛtëpiɔ̈u, ke ke ye akööl ke diɛt ke jiɛthëpiɔ̈u ke tuaar. Wek bä tɔ mut wenïïm, ku ciɛŋkï lupɔɔ ke cual, ka wek bï ciët wun meth kekë man meth dhiëëu wëndɛn tök. Ku yen ee köölë abï thök ke kec.

Nyöŋ 32:18

Acïk nïïm määr në Nhialicden, Awärjäŋ Konyden, raan ë gëm keek pïïr.

Nyöŋ 6:12

Dɔ̈tkï apiɛth ke we cïï nïïm bï määr ë Bɛ̈nydït Raan e bïï we bei ë Rip. Të wään ye wek lïïm thïn.

Bäny 10:6

Go kɔc ke Yithriɛl kërac bɛ looi në Bɛ̈nydït nyin. Acïk Baal kekë Acetaroth lam, ku yiëth ke Thiriya, ku yiëth ke Thidon, ku yiëth ke Mowap, ku yiëth ke kɔc ke Ammon, ku yiëth ke kɔc ke Pilithiin. Ku në luɔi cïï Yithriɛl Bɛ̈nydït puɔ̈l ku cïkkï be luööi.

Bäny 3:7

Kɔc ke Yithriɛl acïk kërac looi, mɛ̈ɛ̈rkï nïïm në Bɛ̈nydït Nhialicden, ku yek Baal lam kekë Acera,

1 Tham 12:9

Ku yen acï kɔc nïïm guɔ määr ë Bɛ̈nydït Nhialicden, go Pilithiin ku melik ke Mowap ku Thithera, bɛ̈ny ë rem de tɔŋ ë wun cɔl Ɣadhar piɔ̈t kekë kuarkun, ago kuarkun keek tiam.