Ɣodh 14:9 - JAM DE NHIALIC 2011

⁹ Go Ɣodhiya lɛ̈k keek alëyɔ̈ɔ̈ an, “Na de raan pel nɔm? Ke yök ee kakë yiic kedhie. Kuɛɛr ke Bɛ̈nydït ayek yith, ku aye kɔc piɛthpiɔ̈ɔ̈th ke kuany yiic, ku raan reec Bɛ̈nydït, ee tuëk thïn ku wïïk, në biäk ye kek keek dhɔ̈l yiic.

Ɣodh 14:9 ပူးပေါင်းရင်းမြစ်များ

Cäk 18:25

Aŋiɛc ëgɔk nɔn cïn kɔc cïn gup awäc bï nɔ̈k në kɔc de gup awɛ̈ɛ̈c. Acïï rɔt duëër lëu! Yïn cï kë cït ee kënë duëër looi. Ku na lɔ looi, ke kɔc cïn gup awɛ̈ɛ̈c, abï keek jɔ kuum në kɔc de gup awɛ̈ɛ̈c ëtök. Ku kënë acïï rɔt duëër lëu. Raan ee löŋ guiir ë pinynɔm ëbɛ̈n cï bï looi në yith?”

Jop 17:9

Ku abïk ŋoot ke ke rɛ̈ɛ̈r në piathëpiɔ̈ndenic, ku abïk lɔ ke ke ŋuak riɛlden nyin.

Diɛt 107:43

Na de kɔc pel nïïm abïk ee kake cätic apiɛth, ku në ke cï nïïm määr ë Bɛ̈nydït abïk nhiëërdɛn agɔk tak.

Diɛt 119:128

Yen akuany ɛn wëëtdu cök, yɛn man kuɛɛr rac ëbɛ̈n.

Diɛt 119:75

Bɛ̈nydït, aŋiɛc nɔn ye guiëër de löŋdu yic, ku yïn cï ya dui në biäk yïn piɔ̈u adöt.

Diɛt 84:5

Thieithieei në kɔc ee röt kan në riɛldu kɔc kɔɔr bïk Kuur ë Dhiɔn aa lɔ neem.

Diɛt 84:7

Ayek lɔ ke ke ril të ciɛth kek, abïk Nhialic dït ë yiëth tïŋ në kuur ë Dhiɔn nɔm.

Kɛ̈ŋ 10:29

Bɛ̈nydït ee gëlgël tëde kɔc piɛthpiɔ̈ɔ̈th, ku yïn riääk kɔc ee karɛc looi.

Kɛ̈ŋ 16:21

Raan pel nɔm aye ŋic në yöŋdɛn ë käŋiic, ku wël mit ee ke lueel ayek kɔc puk piɔ̈ɔ̈th.

Kɛ̈ŋ 4:18

Ku kueer de kɔc ɣerpiɔ̈ɔ̈th, acït ɣɛɛr de run ë piny, ë lɔ ke jɔ ɣɛɛr abï piny jɔ ruu ë gɔk.

Yith 1:28

Ku Yen abï raan ëbɛ̈n dhuɔŋ piny, raan lɔ Yen rɛɛc thok ku looi kë rac, abï raan cïï këde ee piŋ ëbɛ̈n nɔ̈k.

Yith 17:8

Acïkï röt bï bɛ kan në yïkkɛn ë loikï në kecin, ku nɔn ŋäthkï ka cïk guaŋ, cït kïn de yanh tik Acera ku yïk ye wal ŋïr nyop ë kenïïm.

Yith 26:7

Bɛ̈nydït tɔ kueer de kɔc piɛth lipic, kueer ciɛth kek thïn acï kiëët.

Jeremia 29:12

Ëtɛ̈ɛ̈n yïn bï Yɛn aa cɔɔl. Yïn bï bɛ̈n ku läŋ Yɛn, ku Yɛn bï lɔ̈ŋdu bɛ̈ɛ̈r.

Jeremia 9:12

Guɔ lop an, “Bɛ̈nydït, eeŋö jɔ piny riääk ku jɔ riɛl abïï ciët jɔ̈ɔ̈ric, ka cïn raan ee cath thïn? Eeŋa pelnɔm arëët bï ee kënë yökic? Eeŋa cï nyuöth en ago lɔ wɛ̈ɛ̈ric kɔc kɔ̈k?”

Edhekiɛl 11:18

Të le kek kenïïm lɔ puk, abï këriëëc nhiany ëbɛ̈n pɔ̈l, ayï yiëth rackɛn wään cïk yök.

Edhekiɛl 18:25

“Ku ayak lueel an, ‘Kë looi ë Bɛ̈nydït acie yic.’ Piɛŋkï kë luɛɛl wek baai de Yithriɛl. Yak tak kueer ee yɛn käŋ looi acie yic? Ee kueerdun yen cie yic.

Edhekiɛl 36:25

Wek bä ke wiëth gup pïïu lɔ kïr, ku wek bä waak gup në karɛckun ëbɛ̈n, ku gël week në yiëthkun ku këriëëc cï we dhiöök ëbɛ̈n.

Danyel 12:10

Kɔc juëc abï keek tɔ dikëdik, ku wak keek, ku gii keek, ku kɔc ee karɛc looi abïk ŋoot ke ke loi karɛc. Kɔc ee karɛc looi acïkï bï yökic, ee kɔc pelnïïm kapäc kek bï ye yökic.”

Dhep 3:5

Ku Bɛ̈nydït atɔ̈u ë pänydït yic, ku abï këpiɛth looi ke cie kërac. Ee yicde nyuöth kɔcke aköölnyïïn ke cïn kööl töŋ lööny nɔm piny, ku kɔc ee karɛc looi ëtɛ̈ɛ̈n, ayek ŋoot ke ke loi awɛ̈ɛ̈c ku cïkï gup ee riɔ̈ɔ̈c.

Dhek 10:6

“Yɛn bï baai de Juda tɔ ril, ku luäk baai de Yithriɛl. Yɛn bï piɔ̈u kok wo keek, ku bɛ̈ɛ̈i keek ciëën baai kedhie. Abïk ciët ka kɛ̈n ke kɔn rɛɛc taitai. Ee yɛn ee Bɛ̈nydït Nhialicden, ka lɔ̈ŋden abä piëŋ keek.

Math 11:19

Wën ë Raan ë bɛ̈n ke ye cam ku ye dek, go kɔc lueel an, “Tïŋ raanë, ee mamïth ku ye raan ë dek ë mɔ̈u arëët, ku ye mɛ̈thë ë kɔc ë athölbö tɔ kut ku kɔc ë kërac looi! Ku Pɛlënɔm aye tɔ ye yic tei në mïthke.”

Luk 2:34

Go Thimion ke thieei, ku jɔ Meri man yɔ̈ɔ̈k an, “Tïŋ mɛnhë acï bɛ̈ɛ̈i bï kɔc juëc nu Yithriɛl tɔ wiëëk ku be ke tɔ jɔt röt, ku abï aa gök bï kɔc tïŋ agokï tɔŋ lueel në yen,

Luk 7:23

Ku na de raan cïï piɔ̈u bï ŋït në këdï, ka bï thieei!”

Jɔn 15:24

Tëë ya kën käŋ looi e keyiic, ka kënë raan däŋ looi, adï cïn kërac ë keyiëth: ku ënɔɔnë acïk wo tïŋ ku mankï wo gup wokë Wäär waarou.

Jɔn 18:37

Go Pilato thiëëc an, “Ka jɔ ya melik?” Go Yecu bɛ̈ɛ̈r an, “Ee yic yen luel, yɛn ee melik? Yen aa dhiëëthë yɛn, ku yen aa bä yɛn ë piny nɔm, luɔi bän aa cäätɔ de yic. Raan ëbɛ̈n raan cath ke yic ka piŋ röldï.”

Jɔn 8:47

Raan ë Nhialic ee wël ke Nhialic piŋ: yen acä wek ke piŋ, luɔi cä wek ee kɔc ke Nhialic.”

Jɔn 9:39

Go Yecu lueel an, “Ee guiëërëlöŋ yen aa bïï yɛn ë piny nɔm, ke kɔc cie daai ë ke bï bɛ̈n daai, ku bï kɔc daai bïk cɔɔr.”

Luɔi 13:10

ku yöök an, “Yïn, raan cï yic thiäŋ ke ruëëny ku de yïguöp aciɛɛn, yïn wën ë jɔŋdït rac, raan man piathëpiɔ̈u ëbɛ̈n, cïï bï pɔ̈l anandu në yal ee yïn kuɛɛr ke Bɛ̈nydït tɔ yal röt, kuɛɛr lɔ cit?

Romai 7:12

Yen tëde ka, löŋ aɣeric ë yic, ku cöök de löŋ aɣeric, ku diik, ku piɛth.

Nyöŋ 32:4

Yen acït kuur, ku wëlke ayek dikëdik, ku kuɛɛrke kedhie ayek yic. Ee Nhialiny adöt cïï kërac ë looi, raan ee yic looi ku le piɔ̈u wai.

Nyuuth 15:3

Ku kitkï din ë Mothe lïm ë Nhialic, ku din ë Nyɔŋamääl, luelkï, an: “Yïn Bɛ̈nydït Nhialic Awärjäŋ, luɔidu adït ee kɔc tɔ gäi! Yïn Melik de Juöör kuɛɛrku apiɛthkï ku yek yith!