Ɣodh 14:8 - JAM DE NHIALIC 2011

⁸ “Yïn Yithriɛl, eeŋö bä bɛ looi në yiëth? Ee Yɛn ee lɔ̈ŋdu gam, ku dɔ̈t yïn apiɛth. Ka Yɛn ë ciët tim de ameth tɔ̈c ëbɛ̈n, mïth yïnke luɔk abïkï tëde Yɛn.

Ɣodh 14:8 ပူးပေါင်းရင်းမြစ်များ

Jop 33:27

Yen abï lueel në kɔc nïïm an, yɛn cï wäc acïn yic cä looi, ku akënë ë Nhialic kuɛ̈n ɛn.

Jop 34:32

Cï Nhialic thiëëc bï yï nyuöth awɛ̈ɛ̈cku, ku cï gam nɔn bï yïn mɔ̈l në luɔi de karɛc?

Yith 41:19

Yɛn bï thidar tɔ cil në jɔ̈ɔ̈ric, ku tiim ke akacia ku rɛ̈t, ku tiim ke olip. Roor abï cil piny cïï wal ë cil thïn, roor de tiim ke enap ku tiim ke juniper ku tiim ke ameth.

Yith 55:13

Tiim ke ameth abïk cil të wään de yic athil, tiim ke merital abïk cil të wään de yic kuɔɔth. Kënë abï aa kïn bï tɔ̈u aɣet athɛɛr, kë bï kɔc täk nïïm në kë cï Bɛ̈nydït looi.”

Yith 60:13

“Tim de pain, ku tim de juniper, ku tim de ameth, ku tiim piɛth ke roor de Lebanɔn, abïï ke bɛ̈ɛ̈i bïï ë yïn bɛ̈n yïk, Jeruthalem. Ago tëdiën ɣeric tɔ läk, Ago pänydiëndït dɛk dhuëëŋ

Edhekiɛl 17:23

në kuur bɛ̈ɛ̈r de Yithriɛl nɔm abï cil ë kër ku ŋol ë mïth ku abï jɔ aa tim de thidar piɛth. Diɛt ëbɛ̈n abïk aa nyuc në yenɔm ëtɛ̈ɛ̈n, ku yökkï ɣööt në atïmde yic.

Edhekiɛl 36:25

Wek bä ke wiëth gup pïïu lɔ kïr, ku wek bä waak gup në karɛckun ëbɛ̈n, ku gël week në yiëthkun ku këriëëc cï we dhiöök ëbɛ̈n.

Luk 15:20

Go rɔt jɔt, bï tëde wun. Na wën, ke tïŋ wun ke ŋoot ke mec, go piɔ̈u kok ke ye, ku jɔ kat, le ku kuɛk yeth, ku ciim.

Jɔn 1:16

Ku në kuɛth cï en kuɛth yen acï wok käŋ yök wodhie, ayï dhuëëŋdepiɔ̈u dhuëëŋ cï rɔt ŋuak.

Epethiei 5:9

kak ye ɣɛɛrëpiny ke luɔk ayek luɔi de këpiɛth ëbɛ̈n ku piathëpiɔ̈u ku yic.

Pilipoi 1:11

Ke we bï thiɔ̈ɔ̈ŋ piɔ̈ɔ̈th ë kak ee piathëpiɔ̈u ke luɔk, kak ë bɔ̈ tëde Yecu Kërtho, ke Nhialic bï dhuëëŋ yök ayï lɛc.

Pilipoi 2:13

ee Nhialic yen ee Raan ee luui ë weyiic bäk käŋ aa kɔɔr ku yak ke looi ayadäŋ, ka cït ka nu ë yepiɔ̈u.

Pilipoi 4:13

Yɛn ee këriëëc lëu ë luɔi ëbɛ̈n në yen, yen raan ë ya gäm riɛl.

1 Theth 1:9

Kek gup ayek wook nyuöth lɔ cï wo lɔ ë weyiic, ku wël cä wek röt wɛ̈l Nhialic në yiëthkun yiic, bäk ka ke Nhialic yic pïïr aa looi,

Jakop 1:17

Miɔ̈c piɛth ëbɛ̈n, ku miɔ̈c cï dikëdik ëbɛ̈n, abɔ̈ tënhial tëde Nhialic, ke lööny piny tëde Aciëŋ de ɣɛɛrëpiny, Raan cïï yepiɔ̈u ee pɔ̈ɔ̈k, ku cïn atïptïïp de yäl de rɔt.