Ɣodh 14:5 - JAM DE NHIALIC 2011

⁵ Yɛn bï ciët thäc tëde kɔc ke Yithriɛl. Abïk gaak moc cït man agurbiök, Abïï keek riɛɛt piny ka meiken abïk ɣet piny ya cït man ë mei ke tim de thidar de Lebanɔn.

Ɣodh 14:5 ပူးပေါင်းရင်းမြစ်များ

2 Tham 23:4

acït ɣɛɛr de aköl amiäk ee riau të cïn luät, aköl ee wal tɔ lɔ bilbil të cïï deŋ thëu.”

2 Mel 19:30

Kɔc nu ë Juda bï döŋ apïr, abïk thäär lɔ piny cït man ë tim cï meike ɣet ë tiɔpic, ku lok ë mïth juëc.

Jop 29:19

yɛn aa cït tim cïï meike ɣet piny të de pïïu, ku cï apämde thiäŋ në thɛ̈c.

Diɛt 133:3

Acït thäny nu ë kuur de Ɣermon nɔm, thäny ee lööny në kur ke Dhiɔn nïïm. Të bï ë Nhialic gutguut de athiɛɛi cï lueel tääu ka, pïïr bï tɔ̈u aɣet athɛɛr.

Diɛt 72:16

Tɔ pinynɔm de rɛɛp juëc ëbɛ̈n, tɔ kur nïïm thiäŋ në rap, ku bïk juëc në luɔk cït ka nu ë Lebanɔn. Tɔ pɛ̈ɛ̈nydït thiäŋ yiic në kɔc juëc cït man ë duum thiäŋ yiic në wal.

Diɛt 72:6

Tɔ melik cït deŋ tueny ë duumiic, ku cït nyieer ee lööny piny.

Diɛt 80:9

Yïn cï piny kuaar në biäk bïï yen luɔk, meike acïk ɣet piny, go thiɛ̈i ë pinynɔm ëbɛ̈n.

Diɛt 92:12

Kɔc piɛthpiɔ̈ɔ̈th abïk luɔk cï tiim ke akööt, abïk cil cï tiim ke thidar de Lebanɔn.

Diɛt 92:13

Acïtkï tiim cï com Luaŋdït, ee luɔk ɣön ë Nhialinyda,

Kɛ̈ŋ 19:12

Ŋeeny ë bɛ̈ny acït ŋäär ë köör, ku cït miɛt de piɔ̈nde thɛ̈c kekë wal tɔ̈c.

Diɛt ke 2:16

Monydiën nhiaar ee këdï, ku yɛn ee këde. Ee thökke nyuääth në agurbiökiic,

Diɛt ke 4:5

Thinku acïtkï keu, ku cïtkï acuek ke ŋeer nyuäth në agurbiökiic.

Yith 12:1

Ade kööl bɔ̈, kööl bïï ë kɔc ket an, “Yïn cä leec, Bɛ̈nydït! Yïn aa göth we yɛn, ku ënɔɔnë Yïn ë ya duut piɔ̈u ku cïï be gɔ̈th.

Yith 18:4

Go ë Bɛ̈nydït lɛ̈k ɛn an, “Yɛn bï piny lieec ëmääth ke Ya nu paannhial cït man ye thɛ̈c rɔt looi në wɛ̈ɛ̈ric në tuöc ë piny akööl ke tëm, ku cït man ye akɔ̈l riau ë tuöc de aköl.

Yith 26:19

Kɔckuɔn cï thou abïk bɛ pïïr! Gupken abïk röt dɔ̈k ë pïïr yic. Kɔc nin në rɛ̈ŋken yiic ëbɛ̈n abïk pääc ku kïtkï ë miɛtëpiɔ̈u. Cït man ye thɛ̈ny thiin lɔ bilbil piny tɔ dëk, yen abï Bɛ̈nydït kɔc cï thou thɛɛr bɛ tɔ pïïr.

Yith 27:6

Në akööl bɔ̈ kɔc ke Yithriɛl, kuat ë Jakop abïk mei nööm cït man ë tim, ku abïk nyok ku mockï gaak. Piny nɔm abï thiɔ̈ɔ̈ŋ në mïth bïk keek bɛ̈ɛ̈i.

Yith 35:2

Jɔ̈ɔ̈r abï ket ku moc kiɛɛu de miɛtëpiɔ̈u. Abï läk cï läk de kuur ke Lebanɔn ku abïk ŋiëc luɔk cï luɔk de duum ë Karmel ku Caron. Raan ëbɛ̈n abï diɛk de Bɛ̈nydït tïŋ ku tïŋ riɛlde ku dïtde.

Yith 44:3

“Yɛn bï piny nɛ̈k rou miɔɔc në pïïu, ku ta pïïu tɔ wat piny ril. Yɛn bï wëikï wäl në mïthkun gup, ku athiɛɛidï në kuatdun gup.

Yith 45:8

Yɛn bï tiëm tuööc paannhial ke cït deŋ, ku piny abï rɔt liep ke loor nɔm ku abï jɔ luɔk në piathëpiɔ̈u ku yic. Yɛn Bɛ̈nydït, Yɛn bï piathëpiɔ̈u tɔ loi rɔt.”

Yith 57:18

“Acä tïŋ yen të ye kek kaken luɔi thïn, ku abä ke tɔ waar. Abä ke wat ku kuɔny ke, ku yɛn bï kɔc dhiau duut piɔ̈ɔ̈th.

Yith 57:19

Yɛn cï mät gäm raan ëbɛ̈n, kɔc thiɔ̈k ku kɔc mec. Yɛn bï kɔckï tɔ waar.

Jeremia 3:22

Pɔ̈kkï röt ee në wedhie, wek kɔc wään cï röt yal wei tëde Bɛ̈nydït, abï we tɔ piɔl gup ku tɔ we ye adööt. Ayak lueel an, “Ɣɛɛ, wok bɔ̈ tëde Bɛ̈nydït, në biäk ee Yen Nhialicda.

Jeremia 32:41

Yɛn bï piɔ̈u aa miɛt në luɔi de këpiɛth, ku abä keek miɛn piny arëët në ee pinyë yic.

Ɣodh 6:3

Gamku Bɛ̈nydït, themku buk dhil ŋic ëgɔk. Ku aŋicku ëgɔk nɔn bï Yen dhil tïc cït man cïï akɔ̈l duëër rëër ke cïï thok bɔ̈. Abï bɛ̈n tëde wook cït nyieer ke deŋ, ku cït deŋ yaak ee piny liëër.

Maika 5:7

Ku kɔc lik ke Yithriɛl cï döŋ apïr, abïk aa thiɛɛi tëde kɔc juëc rëër kek në keyiic ka bïk ciët thäny ë bɔ̈ tëde Bɛ̈nydït, ku cïtkï deŋ tëde wal. Abïk röt aa kan në Bɛ̈nydït ke cie raan yen kɛn kek röt.

Maika 7:18

Go Maika lueel, an, “Acïn Nhialic däŋ kït ke Yïn Bɛ̈nydït, Yïn ee kɔckuön lik cï döŋ apïr päl awɛ̈ɛ̈cken. Yïn cïï agönhdu ee cuuth aɣet athɛɛr. Ku Yïn kɔɔr bä wo nhiaar në nhiëërduön agɔk.

Math 6:28

Ku eeŋö diɛɛr wek ë këde lupɔ? Wɔikï agurbiök nu roor, cil ciil kek, acïn luɔi loikï, ku acïn alɛɛth wikï,

Luk 12:27

Wɔikï agurbiök cil ciil kek: acïn luɔi yek looi, ku acïn alɛɛth yek wii, ku wek yɔ̈ɔ̈k an, acakaa Tholomon kekë dhuëëŋde ëbɛ̈n akën rɔt piöth cït tök në kakë yiic.

Epethiei 3:17

ke Kërtho bï rëër ë wepiɔ̈ɔ̈th në gäm gäm wek, ago meikun ku këërkëërdun ɣet piny ë nhiëëric,

Nyöŋ 32:2

Wëëtdï abï löny piny cït pïïu ke deŋ, ku wëlkï abïk lööny piny cït thäc, ku nyieer nu ë wal kor kɔ̈ɔ̈th.