Ɣodh 14:3 - JAM DE NHIALIC 2011

³ Athiriya acïï wook duëër kɔn luök taitai. Ku wok cï bï bɛ kɛɛc në jöŋgöör ke tɔŋ kɔ̈ɔ̈th. Ku acuku bï bɛ nyɔk ë lëk wok en yiëthkuɔn ë loiku keek në wocin, an wek ee Nhialicda. Në baŋ ye abaar kokëpiɔ̈u yök tëde Yïn.

Ɣodh 14:3 ပူးပေါင်းရင်းမြစ်များ

2 Lëk 16:7

Na ɣɔn aköölkë yiic ke Ɣanani monydaai lɔ tëde melik Atha ku lueel an, “Në biäk cïï yïn rɔt kan në melik de Thiriya ku päl nɔn kɛn yïn rɔt në Bɛ̈nydït Nhialicdu, yen kën ë tɔ rem de tɔŋ ë melik de Yithriɛl bän ë yïciin ka.

Diɛt 10:14

Ku yïn ee yaaŋ tïŋ ku tïŋ nuan ku yïn ee kuɔɔny bɛ̈ɛ̈i. Kɔc yɔŋ keek ayek röt gäm yïn, ee yïn ee kɔc cïn käŋ kony.

Diɛt 146:3

Duökï bäny ke pinynɔm ee ŋɔ̈ɔ̈th, acïn mɛnh ë raan duëër yï kony ë pinynɔm.

Diɛt 146:9

Ee alɛi rɛ̈ɛ̈r pinyda gël, ku kony diëër abɛɛr ku mïth abɛɛr ku ee kɔc rac riɔ̈ɔ̈k.

Diɛt 33:17

Jöŋgöör ke tɔŋ acïkï duëër tiam kapäc, acïï riɛldɛn dït ke duëër kony.

Diɛt 68:5

Wun mïth abɛɛr ku raan ee diëër abɛɛr gël, ee Nhialic ee rɛ̈ɛ̈r tëdɛn ɣeric,

Yith 1:29

Wek bï gup aa riɔ̈ɔ̈c në luɔi cä wek tiim ke ɣok kɔn lam, ku luɔikï wɛl ee luɔk ë duum yiic ke ke ye ka yaath.

Yith 2:20

Të le köölë bɛ̈n, abïk yiëthkɛn ë cïk thɔ̈ɔ̈th në adhääp ku ateek ɣɔn yek lam cuɛ̈t luɔny ku ŋaplaŋathɔ̈ɔ̈t.

Yith 27:9

Ku awäny de Yithriɛl abï päl en të cïï kek yïïk ke yiëth kɔ̈k dhuɔŋ piny, ku cïn yïïk ke wal ŋïr be tɔ̈u ayï kïn de yanh tik Acera.

Yith 30:16

Ku acäk tak an bäk ban ë jöŋgöör ŋic riŋ të cop ë kɔc ke aterdun week. Ee yicdun, kat ee yen ee kë bäk looi! Ayak tak an ŋic jöŋgöörkun riŋ aläl, ku kɔc cop week aŋickï riŋ aläldïïtë!

Yith 30:2

Ayek kuɔɔny lɔ kɔɔr ë Rip ke ke kën A kɔn luɔp. Akɔɔrkï bï Rip ke kony, ka acïk aŋäthden tääu në melik de Rip guöp.

Yith 31:1

Amawoou në kɔc ee lɔ Rip lek kuɔɔny kɔɔr! Ayek rem dïït ë tɔŋ de Rip, ku jöŋgöör, ku abëël tɔŋ ŋɔ̈ɔ̈th. Ku acïkï Bɛ̈nydït ee ŋɔ̈ɔ̈th, Nhialic Ɣeric de Yithriɛl, ku cïkï kuɔɔny thiëc tëde yen.

Yith 31:3

Kɔc ke Rip acïkï ee yiëth, ayek kɔc tei. Ku jöŋgöörken acïnkï riɛl bɔ̈ nhial. Të le Bɛ̈nydït lɔ lui, ke jur ril abï kuɛɛm, ku jur kɔ̈c ye kony abï wïïk. Keek kedhie abï keek riɔ̈ɔ̈k.

Yith 36:8

Ku ënɔɔnë yɛn bï amat looi wo yïn në rin ke melik de Athiriya. Wek buk gäm aguum kaarou ke jöŋgöör të de yen kɔc bäk yök, kɔc bï cath ë kekɔ̈ɔ̈th.

Jeremia 49:11

Nyäŋkï abɛɛrkun Yɛn ku abä ke lɔ̈ɔ̈k muk. Diëërkuön abɛɛr aduëërkï Yɛn ŋɔ̈ɔ̈th.

Edhekiɛl 36:25

Wek bä ke wiëth gup pïïu lɔ kïr, ku wek bä waak gup në karɛckun ëbɛ̈n, ku gël week në yiëthkun ku këriëëc cï we dhiöök ëbɛ̈n.

Edhekiɛl 37:23

Acïkï röt bï bɛ dhiöök në yiëth rackë ku cïkï röt riäk në luɔi de awɛ̈ɛ̈c. Abä ke tɔ lääu nïïm në kuɛɛrkɛn juëc ye kek awɛ̈ɛ̈c looi, ku nyiinkï Yɛn. Abä keek waak, ka abïk aa kɔckï, ku Yɛn bï aa Nhialicden.

Ɣodh 12:1

Eparaim acamkï ɣääriic. Ayek yom de aköl amiäk cop cök ëceŋ. Ku acïk tör ŋuak nyin, ku tɔɔŋ acïk juëc në keyiic. Acïk mät looi në Athiriya ku Rip, ku ayek miök de olip gäm keek kɔk kek keek.

Ɣodh 13:2

Ku ënɔɔnë, ayek awäc gïtic në luɔi ë cieŋ. Acïk röt luöi yiëth ke nɔmden në atekken. Yiëth cï atëët ke ŋiëc cuëëc ka acïk dikëdik, acïkï ee Nhialic. Ku yek lueel an näkkï yiëth miɔ̈c! Ku duëër kɔc yiëthkï ciim thook adï, yiëth cït gup dau!

Ɣodh 14:8

“Yïn Yithriɛl, eeŋö bä bɛ looi në yiëth? Ee Yɛn ee lɔ̈ŋdu gam, ku dɔ̈t yïn apiɛth. Ka Yɛn ë ciët tim de ameth tɔ̈c ëbɛ̈n, mïth yïnke luɔk abïkï tëde Yɛn.

Ɣodh 2:17

Ku rin ke Baal abä keek nyaai në kethook, ka acïkï bï bɛ aa lɔ̈ŋ në rinke.

Ɣodh 4:12

Ka ayek luny de tim ril yɔ̈ɔ̈k an nyuth keek nyuuth! Ku lëkkï thieec an guïïr keek kë kɔɔrkï bïk ŋic! Acïk Ɛn nyääŋ piny Yɛn Nhialicden. Acïï dhööm ë kepiɔ̈ɔ̈th keek thɛl wei, ka acïkï be diɛɛr në Nhialic.

Ɣodh 5:13

“Na wën, aacï Yithriɛl rɔt yök acï tɔŋ thueet cït raan de jɔk, ku yök ë Juda rɔt acï thueet cït kë de guöp tëtöök, acïk bɛ̈n lɔ tëde meliŋdïït de Athiriya, le ke kony. Ku akën ë melik keek bɛ̈n lɔ kuɔny ku cïï keek tɔ ŋuɛ̈ɛ̈n, ku cïï tëtöökken tɔ dem.

Ɣodh 7:11

Eparaim acïn piɔ̈u cït ajïth, aye dap math ëthiäu. Ee Rip guɔ cɔɔl ee tëthiinë, na ëlë ke be rɔt guɔ puɔ̈k Athiriya.

Ɣodh 8:6

Acie Nhialic Yen ë cuëc ee yanhë, ee kɔc kek ë loi yen kapäc. Dan ë Thamaria, abï dhuööŋ abï lɔ thorthor.

Ɣodh 8:9

Acïk yiëëm cït mul cï mɛ̈ɛ̈r roor, ku lekkï tëde Athiriya. Eparaim ë rɔt ɣaac cït tiiŋ ee röör kɔɔr.

Jona 2:10

Go Bɛ̈nydït rɛ̈cdït yɔ̈ɔ̈k, go rɛ̈cdït Jona lɔ ŋak biic në agör nɔm.

Dhek 13:2

Acïï Bɛ̈nydït de rɛm lueel an, Në ee köölë, yɛn bï rin ke yiëth nyaai në piny yic, ka acïï keek bï bɛ aa lueel rin ananden. Ku yɛn bï tït nyaai ayadäŋ, ayï jɔɔk rac.

Jɔn 14:18

“We cä bï nyääŋ piny ke we ye abɛɛr: yɛn bï lɔ bɛ̈n tëde week.

Nyöŋ 17:16

Ku melik acïï nɔm bï dɛ jöŋgöör juëc, jöŋgöör ke remdɛn ë tɔŋ, ku acïï kɔc bï dhil aa tuɔɔc Rip lek jöŋgöör ɣɔɔc, në biäk cïï Bɛ̈nydït Ye lueel an, kɔckï ë ke cïï kenïïm be pɔ̈k Rip.